1 ಕೊರಿಂಥ 15:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಕ್ರಿಸ್ತ ಯೆಸುಮಾ ಅಪೊನೆ ರ‍್ಹವಾನೊ ಬರೊಕ್ಹೊ ಕ್ಹಾಲಿ ಎ ಜಿ಼ಂದಗಿನೆ ಸಿಮಿತ ರ‍್ಹಯಮ ಅಪೆ ಕ್ಹಾರಾ ಮನಕ್ಹೊತಿಬಿ ಕಿಳ ವ್ಹೈ.

1 ಕೊರಿಂಥ 15:19 ပူးပေါင်းရင်းမြစ်များ

ಮತ್ತಾಯ 24:9

ತೆಳಾಮಾ ತುಮೊನೆ ತ್ರಾಸ ಕರಿನ ಖಲಾಸ ಕರಸ; ಮಾರಾ ಹುತಿ ತುಮೊನೆ ಕ್ಹಾರಾ ಮನಕ್ಹೊ ದ್ವೆಶಕರಸ.

ಲುಕ ಬರ್ದಲ ಸುವಾರ್ತಾ 21:34

"ತುಮೆ ಹುಶಾರ ರ‍್ಹವೊ! ಖಾವಾಮಾ ಪಿನ ನಶಾಮಾ ದುನಿಯಾನಿ ಚಿಂತಾಮಾ ಡುಬಿಜಾ಼ವೊನಕೊ ತುಮೆ ತುಮಾರು ಮನಸ ಘಟ್ಟ ಕರಲಿದಲ ಟೈಮಾಜ಼ ಲಾಸ್ಟನೊ ದಿನ್ನ ಭೆಗಿನ ಐ ಜಾ಼ವಸ.

ಲುಕ ಬರ್ದಲ ಸುವಾರ್ತಾ 8:14

ಕಾಟಾವೊನಿಯೊ ಕಂಟಿಯೊಮಾ ಪಡಲ ಬಿಯ್ಯಾ ಕದ್ಯಾಮ. ತ್ಯುನೆ ತ್ಯವಾ ಮನಕ್ಹೊ ವ್ಹೈ. ದಕ್ಹಾ ಮನಕ್ಹೊ ಕ್ಹುದಾನಿಯೊ ವಾತೊ ಐಕಿಸ ವರಿ ಇವ್ನೆ ಜಗತಿನಿ ಸುಖಮಾ ವರಿ ಚಿಂತಾಮಾ, ಸೌಕಾರನಿ ಆಸಮಾ ಆಸ್ತಿನಾ ಹುತಿ ತ್ಯುನೆ ತಿನೆಜ಼ ಹೆಚ್ಕಿ ಟೈಮ ದಿನ್ನ ತ್ಯುನೆ ಬೆಳತ್ತಾ ನೈ; ತ್ಯುನೆ ಚೊ಼ಕು ಫಲ ದೆತಾ ನೈ.

ಯೊಹಾನ 16:2

ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ.

ಯೊಹಾನ 16:33

"ತುಮೊನೆ ಮಾರಾಮಾ ಶಾಂತಿ ಮಳಾದೆ ಕೈನ ಮಿ ತುಮೊನೆ ಎ ಕ್ಹಾರಿಯೊ ಸಂಗತಿಯೊ ಕದ್ಯೊಸ. ಎ ದುನಿಯಾಮಾ ತುಮೊನೆ ತ್ರಾಸ ದಿವಸ. ವರಿಬಿ ಧೈರ್ಯಕ್ಹು ರ‍್ಹವೊ! ಕಾಕದ್ಯಾಮ ಮಿ ಎ ದುನಿಯಾನೆ ಝಿತ್ಯೊಸ" ಕೈನ ಕದ್ಯೊ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

1 ಥೆಸಲೊನಿಕ 1:3

ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 2:4

ಸೈನಿಕ ತಿನಾ ಸೈನ್ಯಾದಿಕಾರಿನೆ ಪಸಂದ ಔ ಕೈನ ಆಸ ಕರಸ. ತಿನಾಹುತಿ ತೆ ಸೈನಿಕ ಲೊಕ ವ್ಯವಹಾರಮಾ ಅಟಕ್ಯಾವಾಚಿ ಹುಶಾರಮಾ ರ‍್ಹವಸ.

2 ತಿಮೊತಿ 3:12

ಕ್ರಿಸ್ತ ಯೆಸುಮಾ ಕ್ಹುದಾನಿ ಭಕ್ತಿಮಾ ಜಿವ್ಸಾಲಾ ಹರ ಯಕ್ಲಾ ತ್ರಾಸ ಕ್ಹಾವಸ.

1 ಪೆತ್ರಾ 1:21

ತುಮೆ ಕ್ರಿಸ್ತನಾ ಮುಲಕ ಕ್ಹುದಾನೆ ವಳಕ್ಯಾ. ಕ್ಹುದಾ ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಪಾಚಲ್ತೊ ಕ್ಹುದಾ ತಿನೆ ತಾಕತ ದಿದ್ಯೊ. ತಿನಾಹುತಿ ತುಮಾರೊ ಬರೊಕ್ಹೊ ವರಿ ಆಸ ಕ್ಹುಹುದಾಪರ ರ‍್ಹವಾದೆ.

ಪ್ರಕಟನೆ 14:13

ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.