1 ಕೊರಿಂಥ 14:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಭಾಯೊ ಭೆನೊ, ಮಿ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲೊ ಥೈನ ತುಮೊಕನ ಆಯೊಮ ತಿನಾಕ್ಹು ತುಮೊನೆ ಮದತ ಥಾವಸ ಸು? ನೈ! ಮಿ ತುಮೊನೆ ನವು ಕ್ಹರಿ ರ‍್ಹಯಲ ದೆಕಾಡಾನು, ಗ್ಯಾನ, ಪ್ರವಾದನೆ ವರಿ ಉಪದೆಶ ಲಾಯೊಮ ತುಮೊನೆ ಮದತ ಥಾತುತು.

1 ಕೊರಿಂಥ 14:6 ပူးပေါင်းရင်းမြစ်များ

ಮತ್ತಾಯ 11:25

ಪಾಚಲ್ತೊ ಯೆಸು, ಪರಲೊಕ ವರಿ ಜಿಮಿನನೊ ಪ್ರಭು ಥಯಲ ಬಾ, ಮಿ ತುನೆ ಸ್ತುತಿ ಕರುಸ. ಕಾಕದ್ಯಾಮ, ತು ಎ ಕ್ಹಾರಾ ವಾತೊ ಗ್ಯಾನಿಯೊನೆಬಿ ಮಾತು ಹುಶಾರ ರ‍್ಹಯಲವಾಲಾವೊನೆಬಿ ಝಾಕಿನ ಮ್ಹೆಲ್ಯೊಸ. ತೆನೈಸೊ ನ್ಹಾನಾ ಬಚ್ಚಾ ಲಿಂಗತ ರ‍್ಹಯಲ ಎ ಮನಕ್ಹೊನೆ ತು ದೆಕಾಡ್ಯೊಸ.

ಮತ್ತಾಯ 16:17

ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ‍್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.

ಮತ್ತಾಯ 16:26

ಯಕ್ಕ ಮನಕ್ಹ ಭುಲೊಕ ಕ್ಹಾರು ಕಮೈಲಿದ್ಯೊತಬಿ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನೆ ಲಾಭ ಸು ವ್ಹೈ? ತೆನೈಸೊ ಯಕ್ಲೊ ತಿನಾ ಜ಼ಲಮನಾಹುತಿ ಸು ದೆಸಕಸ?

ಅಪೊಸ್ತಲೊ 2:42

ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.

ರೊಮಾಪೂರ 15:14

ಮಾರಾ ಭಾಯೊ ಭೆನೊ, ತುಮೊಮಾ ಚೊ಼ಕೊಜ಼ ಭರ‍್ಯುಸ ಕೈನ ಮನೆ ಕ್ಹರಿಮಾಜ಼ ಗ್ವತ್ತ ಛೆ. ಚಾ಼ಯೆ ಥಯಲ ಕ್ಹಾರುಜ಼ ಗ್ಯಾನ ತುಮೊನೆ ಛೆ ಕೈನ ವರಿ ಯಕ್ನಾ ಯಕ್ಕ ಸಲಹೆ ದಿವೊಸಿ ಕೈನ ಮನೆ ಗ್ವತ್ತ ಛೆ.

ರೊಮಾಪೂರ 16:17

ಭಾಯೊ ಭೆನೊ, ತುಮೊಮಾ ತಪ್ಪ ಹುಟ್ಸಾವಾನಾ ಮನಕ್ಹೊನಾ ವಿಷಯಮಾ ತುಮೆ ಘನ್ನಾ ಹುಶಾರಕ್ಹು ರ‍್ಹೌ ಕೈನ ಮಿ ತುಮೊಕನ ಮಾಂಗಿಲ್ಯುಸ. ಬಿಜಾ಼ವೊನಾ ಬರೊಕ್ಹೊನಾ ಕೆಡ್ಸಾಲಾವೊನಾ ಹುತಿ ತುಮೆ ಘನ್ನಾ ಹುಶಾರಕ್ಹು ರ‍್ಹವೊ. ತುಮೆ ಶಿಕ್ಕಯಲ ಉಪದೆಶನೆ ತ್ಯುನೆ ವಿರುದ್ದ ಥಯಾಸ. ತುಮೆ ತ್ಯುನೊಕ್ಹು ದುರ ರ‍್ಹವೊ ಕೈನ ವರಿ ಮಿ ತುಮೊಕನ ಮಾಂಗಿಲ್ಯುಸ.

ರೊಮಾಪೂರ 6:17

ಪಾಚ್ಲಯಾ ದಿನೊಮಾ ತುಮೆ ಪಾಪೊನೆ ಗುಲಾಮೊ ವ್ಹತ್ತಾ. ಪಾಪ ತುಮೊನೆ ತಿನಾ ಹತೊಟಿಮಾ ಧರಲಿದ್ಯುತು. ತುಮೊನೆ ಕದಲ ವಿಷಯನೆ ತುಮೆ ಕ್ಹಾರಿ ತರಾಮಾ ವಿದೆಯ ಥಯಲ ಹುತಿ ಕ್ಹುದಾನೆ ಸ್ತೊತ್ರಾ ಥಾವಾದೆ.

1 ಕೊರಿಂಥ 10:33

ಮಿ ತಬಿ ಮಾರಾ ಸ್ವಂತ ಚೊ಼ಕಾನಾ ಹುತಿ ವಿಚಾರ ಕರ‍್ಯಾವಾಚಿ ಕ್ಹಾರಾ ಜ಼ನಾವೊನಾ ಉದ್ಧಾರನಾ ಹುತಿ ತ್ಯುನು ಚೊ಼ಕು ಆಸ ಕರಿನ, ಕ್ಹಾರಾವೊನೆ ಕ್ಹಾರಾಮಾ ಮೆಚ್ಚಿಸಾನೆ ಕೊಶಿಶ ಕರುಸ.

1 ಕೊರಿಂಥ 14:1

ಮಯಾಜ಼ ಇನಿಲಿವೊ. ತೆನೈಸೊ ಪವಿತ್ರ ಆತ್ಮಾನಿ ವರಾ ಹೊಂದಿ ಲಿವಾನೆ ಖಾಸ ಕರಿನ ಪ್ರವಾದನೆ ಕರಾನಿ ವರಾನಾ ಹುತಿ ಘನ್ನಾ ಅಪೆಕ್ಷಾ ಕರು.

1 ಕೊರಿಂಥ 14:7

ಆವಾಜ಼ ಭಾರು ಕಾಡಾನು ಕೊಳಲ ನೈತೊ ತುಣ-ತುಣ ಹಜು಼ನ ದಕ್ಹಾ ಜ಼ಲಮ ನೈ ರ‍್ಹಯಲ ಸಾಮನೊನೆ ತೆ ಕರೆಟ್ಟ ಥಾವಸ. ಬಿಜಾ಼ ಬಿಜಾ಼ ಆವಾಜೊ಼ ಕರೆಟ್ಟ ನೈ ಥಯಾಮ ಕಯು ಗಿದ್ದ ಕವಾಡಾಸ ಕವಾನು ತುಮೆ ತಿಳ್ದಿಲೆತಾ ನೈ. ಹರಯಕ್ಕ ಆವಾಜ಼ ಕರೆಟ್ಟ ಐಯುಮ ತುಮೆ ಸ್ವರ ತಿಳ್ದಿಲಿವೊಶಿ.

2 ಕೊರಿಂಥ 11:6

ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.

2 ಕೊರಿಂಥ 12:1

ಹೆಮ್ಮೆ ಚೊ಼ಕ ನೈ. ಎ ತಿಮ್ಮ ರ‍್ಹ ನೈ ಮನೆ ಹೆಮ್ಮೆ ಛೆ ಕೈನ. ತೆ ತಿನಾಹುತಿ ರ‍್ಹಯಲ ಪ್ರಭು ನೈ ಮನೆ ದಿದ ದರ್ಶನ ವರಿ ಕೌ ಅಪೊನೆ ದಿದ ಹುತ ಹುತಿ ಕವಸ.

2 ಕೊರಿಂಥ 12:7

ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.

ಎಫೆಸ 1:17

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಕ್ಹುದಾ ಮಹಿಮಾನೊ ಸ್ವರುಪ ಥಯಲ ಬಾ ಥಯಲವಾಲಾನೆ ಮಿ ಹಮೆಶಾಬಿ ಪ್ರಾಥನಾ ಕರುಸ ಕ್ಹುದಾನಿ ಗ್ಯಾನಕ್ಹು ಕದ್ಯಾಮ ತೆ ತುಮೊನೆ ತಿಳಸಾಯಲ ಗ್ಯಾನಕ್ಹು ತುಮೊನೆ ಗ್ಯಾನಿ ಕರಾನಿ ಆತ್ಮಾ ತೆ ತುಮೊನೆ ದಿವಾದೆ ಕೈನ ಮಿ ಪ್ರಾಥನಾ ಕರುಸ.

ಎಫೆಸ 3:4

ಮಿ ಬರ್ದಲ ಎ ಸಂಗತಿಯೊ ತುಮೆ ಒದಲ ರ‍್ಹಯಾಮ ಕ್ರಿಸ್ತನು ದಡಿ ರ‍್ಹಯಲ ಕ್ಹರಿನೆ ಮಿ ಕ್ಹರಿಬಿ ತಿಳದಿಲಿದ್ಯೊಸ ಕವಾನು ತುಮೊನೆ ಗ್ವತ್ತ ಥಾವಸ.

ಫಿಲಿಪ್ಪಿ 3:15

ಅಪ್ನಾಮ್ಮಾ ಶಾಣ್ಯಾಥಯಲವಾಲಾ ಕ್ಹಾರಾ ಯೆ ವಿಷಯಮ್ಮಾ ಯೆಜ ವಿಚಾರವಾಲಾ ಥೈನ ರ‍್ಹೈ ವರಿ ಯಕ್ಕ ಕೈಬಿ ವಿಷಯಮ್ಮಾ ತುಮೆ ಬಿಜಿ ವಿಚಾರವಾಲಾ ಥಯಲ ರ‍್ಹೈಯಾಮ್ಮಾ ತೆ ಕ್ಹುದಾ ತುಮೊನೆ ದೆಕಾಡಿನ ದಿವಸ.

2 ತಿಮೊತಿ 2:14

ಮನಕ್ಹೊನೆ ಎ ಸಂಗತಿಯೊ ತಿಳಸ್ತೊ ರ‍್ಹೆ. ವಾತೊನಾಹುತಿ ವಾದ ಕರು ನೈ ಕೈನ ತ್ಯುನೊನೆ ಕ್ಹುದಾನಿ ಸನ್ನಿದಾನಮಾ ಹುಶಾರ ಕರ. ವಾದ-ವಿವಾದಕ್ಹು ಕಿನೆಜ಼ ಚೊ಼ಕು ನೈ ಥಾತು. ವಾದ-ವಿವಾದ ಐಕಾಲಾ ಮನಕ್ಹೊ ನಾಶ ಥಾವಸ.

2 ತಿಮೊತಿ 3:10

ತುತೊ ಮಾರಿ ಭೊದನೆನಾ ಲಿಂಗತ ಚಾ಼ಲಿನ ಉದ್ದೆಶ ಬರೊಕ್ಹೊ ಮಯಾ ಅಗಾ ಬಡಾವಾನು ಎಜ಼ ವ್ಹೈ.

2 ತಿಮೊತಿ 3:16

ಕ್ಹಾರಿ ವಾಕ್ಯಾ ಕ್ಹುದಾನಿ ಪ್ರೆರಣಾಕ್ಹುಜ಼ ಥಯುಸ. ಉಪದೆಶ ಕರಾನಾ ಹುತಿ ದೆಕ್ಲಾಡಿನ ದಿವಾನೆಬಿ ತಿದ್ದಿಲಿವಾನೆಬಿ ಚೊ಼ಕಿ ಬೊಧನೆನೆ ತೆ ಉಪಯೊಗ ಥೈಯುಸ.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.

ತಿತನೆ 3:8

ಎ ಭೊದನೆ ಕ್ಹರಿನಿಯೊಜ಼ ವ್ಹೈ. ತು ಕ್ಹಾರಿಯೊ ಸಂಗತಿಯೊ ಮನಕ್ಹೊನೆ ಕೌಜ಼ ಕೈನ ಮಿ ಆಸ ಕರುಸ. ತೆಳಾಮಾ, ಕ್ಹುದಾಪರ ಬರೊಕ್ಹೊ ಮ್ಹೆಲಲವಾಲಾ ಹುಶಾರ ರ‍್ಹೈನ ತ್ಯುನಿ ಜಿವಿತಮಾ ಚೊ಼ಕಾ ಕಾಮೊ ಕರಸ. ಎ ಕ್ಹಾರಾವೊನೆ ಚೊ಼ಕು ವ್ಹೈ. ವರಿ ಎ ಕ್ಹಾರಾವೊನೆ ಚಾ಼ಯೆ ಥಯುಸ.

ಇಬ್ರಿಯ 13:9

ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.

2 ಪೆತ್ರಾ 1:5

ತುಮೆ ಎ ಆಶಿರ್ವಾದ ಹೊಂದಲ ಹುತಿ ತೆ ಕ್ಹಾರು ತುಮಾರಿ ಜಿವಿತ್ಮಾ ಉಪಯೊಗ ಕರಲಿವೊ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಬರೊಕ್ಹಾನೆ ಸದ್ಗುಣ ಸದ್ಗುಣನೆ ಗ್ಯಾನ

2 ಪೆತ್ರಾ 3:18

ತುಮಾರೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಿ ಮರಗಾ ಮಾ ವರಿ ತಿಳವಳ್ಕಿಮಾ ಬೆಳತ್ತಾಜ಼ ರ‍್ಹವೊ. ತಿನೆ ಹಮ್ನಾ ವರಿ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ.

2 ಯೊಹಾನ 1:9

ಕ್ರಿಸ್ತನ ಉಪದೆಶಮಾ ನೈ ಘಟ ರ‍್ಹಯೆಲವಾಲಾವೊನೆ ತಿನೆ ದಾಟಿ ಜಾ಼ವಾಲಾವೊನೆ ತ್ಯುನಾ ಕ್ಹಾತೆ ಕ್ಹುದಾ ರ‍್ಹತೊ ನೈ. ತೆ ಉಪದೆಶಮಾ ಘಟ ರಹವಾಲಾವೊನಾ ಕ್ಹಾತೆ ಬಾ ಬಿ ರ‍್ಹವಸ ವರಿ ದಿಕ್ರೊ ಬಿ ರ‍್ಹವಸ.