1 ಕೊರಿಂಥ 13:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಮಯಾ ತಾಳ್ಮೆ ರ‍್ಹಯಲ ವ್ಹೈ, ದಯಾ ರ‍್ಹಯಲ ವ್ಹೈ, ಮಯಾ ಅಸೈ ಕರಲೆತು ನೈ; ಹೊಗಳಿ ಲೆತು ನೈ; ಅಹಂಕಾರ ನೈ ಕರಲೆತು.

1 ಕೊರಿಂಥ 13:4 ပူးပေါင်းရင်းမြစ်များ

ಮತ್ತಾಯ 27:18

ಕಾಕದ್ಯಾಮ ತ್ಯುನೆ ತಿಪರ ವಿರುದ್ದ ರ‍್ಹಯಲಕ್ಹು ಇಮ್ಮ ಕರ‍್ಯಾಸ ಕೈನಪಿಲಾತನನೆ ಗ್ವತ್ತ ವ್ಹತ್ತು.

ಅಪೊಸ್ತಲೊ 7:9

ಯಾಕೊಬನಾ ದಿಕ್ರಾ ಯೊಸೆಫಪರ ಸಂಗಟ ಘಾಲ್ಲಿನ ತಿನೆ ಇಜಿಪ್ತವಾಲಾವೊನೆ ಇಕ್ಕಿಪಾಡ್ಯಾ. ತೆನೈಸೊ ಕ್ಹುದಾ ಯೊಸೆಫನಾ ಕ್ಹಾತೆ ವ್ಹತ್ತೊ.

ರೊಮಾಪೂರ 1:29

ತ್ಯುನೊಮಾ ಹರಿ ಯಕ್ಕ ತರಾನಾ ಪಾಪೊ, ದುಷ್ಟತನಾ, ಸ್ವಾರ್ಥ, ಶಿಟ್ಟ, ಸಂಗಟ ಘಾಲ್ಲಿವಾನು, ಖಲಾಸ ಕರಾನು ಲಡೈ ಕಾಡಾನು, ಸುಳ್ಳ ಬೊಲಾನು ವರಿ ಕೆಟ್ಟ ವಿಚಾರೊ ಎ ಕ್ಹಾರು ಭರಿ ಗಯೊಸ. ಯಕ್ಕಲಾಪರ ಯಕ್ಲೊ ಚಾ಼ಡಿ ಕವಸ;

ರೊಮಾಪೂರ 13:13

ದಿನ್ಮಾ ರ‍್ಹವಾನಾ ಮನಕ್ಹೊ ಲಿಂಗತ ಚೊ಼ಕಿತರಾ ಜಿವ್ನಾ ಕರಿಯೆ. ಕೆಟ್ಟ ರ‍್ಹಯಲ ವರಿ ವ್ಯರ್ಥ ರ‍್ಹಯಲ ಔತಣೊ ಅಪೆ ತಯ್ಯಾರ ಕರು ನೈ; ಪಿನ ನಿಷಾಮಾ ರ‍್ಹೌ ನೈ; ಅಪೆ ಲೈಂಗಿಕ ಪಾಪೊ ರ‍್ಹೈನೆಕಾ ವರಿ ಸರಮಾವಾನಾ ಕಾಮೊ ಕಯಾಜ಼ ಕರು ನೈ. ವಾದ ವಿವಾದ ರ‍್ಹೈನೆಕಾ ವರಿ ಲಡೈ ಲಗಾಡು ನೈ; ವರಿ ಸಂಗಟ ಘಾಲ್ಯು ನೈ.

1 ಕೊರಿಂಥ 3:3

ತುಮೆ ಹಜು಼ನಬಿ ದುನಿಯಾನಾ ಮನಕ್ಹೊ ಲಿಂಗತ ರ‍್ಹವಾಡಾಸ. ತುಮಾರಾ ವಚ್ಮಾ ದ್ವೆಶ, ವಾದ ವಿವಾದ ಛೆ ತುಮೆ ಹಜು಼ನಬಿ ಸಾಧಾರಣ ಮನಕ್ಹೊ ಲಿಂಗತ ದೆಕಾಡಾನೆ ದೆತು ನೈಸು?

1 ಕೊರಿಂಥ 4:18

ತುಮೊಮಾ ದಕ್ಹಾ ಜ಼ನಾ ಜಂಬಾ ಕೊಚ್ಚಿ ಲಿವಾಡಾಸ. ಮಿ ತುಮೊಕನ ವರಿ ನೈ ಆತೊ ಕೈನ ವಿಚಾರ ಕರಿನ ತುಮೆ ಜಂಬಾ ಕೊಚ್ಚಿ ಲಿವಾಡಾಸ.

1 ಕೊರಿಂಥ 4:6

ಭಾಯೊ ಭೆನೊ, ಮಿ ತುಮಾರಾ ಹುತಿ ಎ ವಿಶಯೊಮಾ ಅಪೊಲೊಸನೆ ವರಿ ಮನೆ ಉದಾಹರಣೆ ಕರಿನ ದಿದ್ಯೊಸ. ಕಾ ಕದ್ಯಾಮ ಬರ್ದಲ ನಿಯಮೊ ಚಾ಼ಲಿಂಜಾ಼ ಕವಾನಿ ವಾಕ್ಯಾನು ಮತ್ಲಬ ತುಮೆ ಹಮಾರಾಕ್ಹು ಶಿಕ್ಕು. ತೆಳಾಮಾ ತುಮೆ ಯಕ್ಲಾನಾ ವಿಷಯಮಾ ಹೆಚ್ಕಿ ಥೈನ ವರಿಯಕ್ಲಾನೆ ದ್ವೆಶ ನೈ ಕರ‍್ತಾ.

1 ಕೊರಿಂಥ 5:2

ತೆನೈಸೊ ತುಮೆ ತುಮಾರಾ ವಿಷಯಮಾ ಹಜು಼ನಬಿ ಹೆಮ್ಮೆ ಪಡ್ದಿಲಿವಾಡಾಸ. ತುಮೆ ದುಖಕ್ಹು ರ‍್ಹವಾನು ವ್ಹತ್ತು. ತೆ ಪಾಪ ಕರಲ ಮನಕ್ಹನೆ ತುಮಾರಾ ಅನ್ಯುನ್ನತೆಮಾತಾ ಭಾರಾ ಘಾಲಾನು ವ್ಹತ್ತು.

1 ಕೊರಿಂಥ 8:1

ಮುರತಿಯೊನೆ ಚ಼ಡಾಯಲ ಅನ್ನನಾ ಹುತಿ ಮಿ ಸು ಕೌಸ ಕದ್ಯಾಮ; "ತುಮೊನೆ ಕ್ಹಾರಾವೊನೆ ಗ್ಯಾನ ಆಯುಸ" ಕೈನ ಕೈಲಿವೊಶಿ. ಗ್ಯಾನ ತುಮೊನೆ ಅಹಂಕಾರಿ ಕರಸ. ಮಯಾ ತುಬಿ ಭಕ್ತಿನೆ ಘಟ್ಟ ಕರಸ.

2 ಕೊರಿಂಥ 12:20

ಕಷ್ಟ ಪಡೆ ಪಡಿ ಐನ ನೈ. ತ್ಯುನೆ ಘನ್ನ ಗರಿಬ ಮನಕ್ಹೊ ವ್ಹೈ. ವರಿಬಿ ತ್ಯುನೆ ತ್ಯುನಾ ಯಕ್ಲೊ ಮ್ಹೊಟ ಖುಶಿ ಘನ್ನು ದಿದ

2 ಕೊರಿಂಥ 6:6

ಶುದ್ಧ ಮನಸ ಗ್ಯಾನ ತಡ್ದಿಲಿವಾನು ಮರ್ಗ ಪವಿತ್ರ ಕಪಟ ನೈಸೊ ಮಯಾ.

ಗಲಾತ್ಯ 5:26

ಅಪೆ ಸ್ವಕ್ಕವಾಲಾ ಥೌ ನೈ, ಯಕ್ಲಾನೆ ಯಕ್ಲೊ ಶಿಟ್ಟ ಲಾವಾಲಾ ಥೌ ನೈ, ಯಕ್ಕಲಾಪರ ಯಕ್ಲೊ ಸಂಗಟ ಘಾಲ್ಲಿವಾಲಾ ಥೌ ನೈ.

ಎಫೆಸ 4:2

ಕೆಳಾಮಾಬಿ ತಗ್ಗಿನ, ವರಿ ತಾಳ್ಮೆಕ್ಹು ರ‍್ಹಯಲವಾಲಾ ಥೈನ ಯಕ್ನೆ ಯಕ್ಕ ಮಯಾಕ್ಹು ತಡ್ದಿಲಿನ ರ‍್ಹವೊ.

ಎಫೆಸ 4:32

ಯಕ್ಕನೆ ಯಕ್ಕ ಮರಗಾ ದೆಕಾಡೊ. ಯಕ್ಕನೆ ಯಕ್ಕ ಮಯಾ ಕರೊ. ಕ್ಹುದಾ ಕ್ರಿಸ್ತಮಾ ತುಮೊನೆ ಮಾಪ ಕರಲ ಲಿಂಗತ ತುಮೆ ಯಕ್ಕನೆ ಯಕ್ಕ ಮಾಫ ಕರೊ.

ಫಿಲಿಪ್ಪಿ 1:15

ದಕ್ಹಾ ಜ಼ನಾ ಸಂಗಟ ಘಾಲ್ಲಿನ ಭೆದ ಭಾವ ಹುಟ್ಸೌ ಕೈನ ಮನಸ್ಸಕ್ಹು ವರಿ ಬಿಜಾ಼ ದಕ್ಹಾ ಜ಼ನಾ ಚೊ಼ಕಿ ನಡತೆಕ್ಹೊ ಕ್ರಿಸ್ತನೆ ಪ್ರಚುರ ಕರಸ.

ಕೊಲೆಸ್ಸೆ 1:11

ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

ಕೊಲೆಸ್ಸೆ 3:12

ತಿನಾಹುತಿ ತುಮೆ ಕ್ಹುದಾ ಡೊಳಮಾ ಪರಿಶುದ್ಧ ವರಿ ಕ್ಹುದಾ ತುಮೊನೆ ಮಯಾ ಕರಲ ಹುತಿ ತುಮೆ ಮರಗಾಲಾ, ದಯಾ ಕರಾಲಾ, ಮಿಜ಼ ನ್ಹಾನೊ ವ್ಹೈ,ವರಿ ಸಾತ್ವಿಕತ್ವ ವರಿ ಪುರಾ ತಾಳಿಲಿನ ಜಾವನಾ ಚೊ಼ಕಾ ಚಾಳಿಯೊ ಘಾಲ್ಲಿವೊ.

1 ಥೆಸಲೊನಿಕ 5:14

ಮಾರಾ ಭಾಯೊ ವರಿ ಭೆನೊ, ಕಾಮ ಕರ‍್ಯಾವಾಚಿ ರ‍್ಹವಾಲಾ ಮನಕ್ಹೊನೆ ಹುಷಾರಕಿ ಕರೊ ಕೈನ ತುಮೊನೆ ಮಾಂಗಿಲಿಯೆಸ. ಭುಚಿ಼ಕಿನ ರ‍್ಹಯಲವಾಲಾವೊನಾ ಪ್ರೊತ್ಸಾಹ ಕರೊ; ತಾಕತ ನೈಸೊವಾಲಾವೊನೆ ಮದದ ಕರ; ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನ ಕ್ಹು ರ‍್ಹವೊ.

1 ತಿಮೊತಿ 6:4

ಕೆಟ್ಟ ಶಿಕ್ಲಾವಾಲೊ ಗಮಂಡಿಕ್ಹು ಭರಲ ರ‍್ಹವಸ ವರಿ ತಿನೆ ಸುಜ಼ ಕಳತು ನೈ. ತೆ ಕ್ಹಾಲಿ ವಾದ-ವಿವಾದ ಕರಾಮಾ ರ‍್ಹವಸ. ಇಕ್ಹು ಸಂಗಟ, ಲಡೈ, ತ್ರಾಸ ವರಿ ಕೆಟ್ಟ ಸಂಶೊ ಹುಟ್ಟಸ.

2 ತಿಮೊತಿ 2:25

ತು ತಾರಾ ಕ್ಹಾತೆ ನೈ ಮಳಾನಾ ಮನಕ್ಹೊನೆಬಿ ಚೊ಼ಕಾ ತರಾ ಉಪದೆಶ ಕರು. ತ್ಯುನೆ ಕ್ಹರಿನೆ ಒಪ್ಪಿಲಿವಾವರಕ್ಹು ಕ್ಹುದಾ ತ್ಯುನಾ ಮನಸ್ಸೊನೆ ಬದಲಸ್ತೊ.

2 ತಿಮೊತಿ 3:10

ತುತೊ ಮಾರಿ ಭೊದನೆನಾ ಲಿಂಗತ ಚಾ಼ಲಿನ ಉದ್ದೆಶ ಬರೊಕ್ಹೊ ಮಯಾ ಅಗಾ ಬಡಾವಾನು ಎಜ಼ ವ್ಹೈ.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.

ಯಾಕೊಬ 4:5

ಕ್ಹುದಾ ಅಪೊಮಾ ಮ್ಹೆಲಾನಿ ಪವಿತ್ರ ಆತ್ಮಾ ಅಭಿಮಾನ ಆಸನಾ ಕ್ಹಾತೆ ಅಪ್ನಾಹುತಿ ಆಸ ಕರಸ ಕವಾನಿ ವಾತ ಸುಳ್ಳ ವ್ಹೈ ಕೈನ ಪವಿತ್ರ ಗ್ರಂಥ ಕವಸ ಕೈನ ತಿಳ್ದಿಲಿವೊ ನಕೊ.

1 ಪೆತ್ರಾ 2:1

ತಿನಾಹುತಿ ಬಿಜಾ಼ ಮನಕ್ಹೊನೆ ಕೆಟ್ಟ ಕರೊನಕೊ. ಸುಳ್ಳ ಬೊಲೊ ನಕೊ, ಮೊಸಕರೊ ನಕೊ, ಸಂಗಟ ಘಾಲ್ಲಿವೊನಕೊ, ಮನಕ್ಹೊನಾ ಹುತಿ ಕೆಟ್ಟವಾತೊ ಬೊಲೊ ನಕೊ. ಎ ಕ್ಹಾರು ತುಮಾರಿ ಜಿವಿತಮಾತಾ ಭಾರಾ ಘಾಲೊ.

1 ಪೆತ್ರಾ 3:8

ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.

1 ಪೆತ್ರಾ 4:8

ತುಮೆ ಯಕ್ಲಾನ ಯಕ್ಲೊ ಹಮೆಶಾಬಿ ಮಯಾ ಕರಾನು ಘನು ಖಾಸ ವ್ಹೈ. ಮಯಾ ಘನಾ ಪಾಪೊನೆ ಝಾಕಿಪಾಡಸ.

2 ಪೆತ್ರಾ 1:7

ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ

1 ಯೊಹಾನ 4:11

ಮಯಾನಾ ದೊಸ್ತೊ, ಇಮ್ಮ ಕ್ಹುದಾ ಅಪೊನೆ ಘನ್ನಿ ಮಯಾ ಕರ‍್ಯೊ! ತಿನಾಹುತಿ ಅಪೆ ಯಕ್ನೆ ಯಕ್ಕ ಮಯಾ ಕರು. ಕ್ಹುದಾನೆ ಕುನ್ನಜ಼ ದೆಕ್ಯು ನತ್ತಿ. ತೆನೈಸೊ ಅಪೆ ಯಕ್ನೆ ಯಕ್ಕ ಮಯಾ ಕರ‍್ಯಾಮ ಕ್ಹುದಾ ಅಪ್ನಾಮಾ ರ‍್ಹವಸ. ಅಪೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ ಕ್ಹುದಾನಿ ಮಯಾ ಅಪ್ನಾಮಾ ಪುರಾ ಥೈನ ರ‍್ಹವಸ.