1 ಕೊರಿಂಥ 13:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಮಿ ಮಕನ ರ‍್ಹವಾನು ಹರಯಕ್ಕ ಮನಕ್ಹೊನೆ ಖಾವಾನೆ ದೆ ಸಕುಸ. ಹೆಮ್ಮೆ ಪಡ್ದಿಲಿವಾನೆ ಮಿ ಮಾರು ಅಂಗಜ಼ ವಪ್ಸಿನ ದೆ ಸಕುಸ. ತೆನೈಸೊ ಎ ಕಾಮೊ ಕ್ಹಾರಾ ಕರ‍್ಯಾ ತಬಿ ಮಯಾ ನೈ ರ‍್ಹೈಮ, ಮನೆ ಸುಜ಼ ಉಪಯೊಗ ನತ್ತಿ.

1 ಕೊರಿಂಥ 13:3 ပူးပေါင်းရင်းမြစ်များ

ಮತ್ತಾಯ 23:5

ತ್ಯುನೆ ಕರಾನು ಕಾಮ ಕ್ಹಾರು ಮನಕ್ಹೊ ದೆಕು ಕೈನ ಕರಸ. ತ್ಯುನೆ ಭಾಂದಿಲಿವಾನಿ ಷೆ ಮ್ಹೆಲ್ಲಿವಾನಿ ಪಟ್ಟಿಯೊ ತ್ಯುನೆ ಮ್ಹೊಟಿ ಕರಸ. ತ್ಯುನೆ ಘಲ್ಲಿದಲ ವಣ್ಣಾವೊನಾ ಗೊಂಡಾ ಮ್ಹೊಟಾ ಕರಲಿವಸ.

ಲುಕ ಬರ್ದಲ ಸುವಾರ್ತಾ 18:22

ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"

ಲುಕ ಬರ್ದಲ ಸುವಾರ್ತಾ 18:28

ಪೆತ್ರಾ"ದೆಕ ಹಮೆ ಹಮಾರಾ ಘರೊನೆ ಛೊಡಿನ ತಾರ ಪಾಚಾ಼ ಆಯಾಸತೊ" ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 19:8

ತೆಳಾಮಾ ಜಕ್ಕಾಯಾ ಉಟಿನ ಹುಬ್ರೈನ ಯೆಸುನೆ ಪ್ರಭು ಮಿ ಮಾರಿ ಆಸ್ತಿಮಾನೊ ಹೆಚ್ಕಿ ವಾಟೊ ಗರಿಬೊನೆ ದ್ಯುಸ. ವರಿ ಕಿಕಂತು ಬಿ ಮೊಸ ಕ್ಹು ಲಿದಲ ರ‍್ಹಯೊಮ ತಿನೆ ಚಾರ ಯಕ್ಲು ಹೆಚ್ಕಿ ದ್ಯುಸ. ಕದ್ಯೊ.

ಯೊಹಾನ 12:43

ಎ ಮನಕ್ಹೊ ಕ್ಹುದಾನಿ ಮಹಿಮಾತಿಬಿ ಮನಕ್ಹೊನಿ ಹೊಗಳಿಕೆನಾ ಹುತಿಜ ಘನ್ನಿ ಮಯಾ ವ್ಹತ್ತಿ.

ಯೊಹಾನ 13:37

ಪೆತ್ರಾ"ಪ್ರಭು, ಹಮ್ನಾ ಮಿ ತಾರಾ ಪಾಚೊ಼ ಆವಾನೆ ಕಾ ನೈ ಥಾತು? ಮಿ ತಾರಾ ಹುತಿ ಮರಾನೆಬಿ ತಯ್ಯಾರ ಛೆ" ಕೈನ ಕದ್ಯೊ.

ಯೊಹಾನ 15:13

ದೊಸ್ತೊನಾ ಹುತಿ ತಿನು ಸ್ವಂತ ಜ಼ಲಮ ದಿವಾನಾ ಮಯಾತಿಬಿ ಬಿಜಿ ಮಯಾ ಕೈಜ಼ ನತ್ತಿ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಅಪೊಸ್ತಲೊ 21:13

ತೆನೈಸೊ ಪೌಲಾ, ತುಮೆ ದುಖ ಕರಲಿನ ಕಾ ಮನೆ ಛಾತಿ ಪ್ಹುಟಾ ವರಕ್ಹು ಕರಾಡಾಸ? ಮಿ ಕರ್ತಾ ಥಯಲ ಯೆಸು ನಾಮ್ಮಹುತಿ ಯೆರುಸಲೆಮಾ ಬೆಡಿಯೊ ಘಲ್ಯಾನಾಹುತಿ ಎಕ ನೈ ಮರಾನೆಬಿ ತಯಾರ ಛೆ ಕದ್ಯೊ.

ಗಲಾತ್ಯ 5:26

ಅಪೆ ಸ್ವಕ್ಕವಾಲಾ ಥೌ ನೈ, ಯಕ್ಲಾನೆ ಯಕ್ಲೊ ಶಿಟ್ಟ ಲಾವಾಲಾ ಥೌ ನೈ, ಯಕ್ಕಲಾಪರ ಯಕ್ಲೊ ಸಂಗಟ ಘಾಲ್ಲಿವಾಲಾ ಥೌ ನೈ.

ಫಿಲಿಪ್ಪಿ 2:3

ಕ್ಹುದನಾ ಹುತಿ ರ‍್ಹೈನೆಕಾ, ಮಿ ವ್ಹೈ ಕೈನ ಕವೈಲಿವಾನು ಕೈಯುಜ ಕರೆವಾಚಿ ಹರ ಯಕ್ಲೊ ಚೊ಼ಕಾ ಮನಸಕ್ಹು ಬಿಜೆಕ್ಲಾನೆ ತಿತಿಬಿ ಚೊ಼ಕೊ ವ್ಹೈ ಕೈನ ಕವಾದೆ.

1 ತಿಮೊತಿ 4:8

ಶಾರಿರಿಕ ವ್ಯಾಯಾಮಕ್ಹು ಅಪ್ನೊನೆ ದಕ್ಹಿ ರಿತಿಮಾ ತುಮೊನೆ ಆಸ್ರೊ ಥಾವಸ. ತೆನೈಸೊ ಕ್ಹುದಾನಿ ಸೆವೆ ಕರಾನು ತುಮೊನೆ ಕ್ಹಾರಿ ತರಾ ಆಸ್ರೊ ಥಾವಸ. ಕ್ಹುದಾನಿ ಸೆವೆ ಕ್ಹಾರಾ ಲೊಕಮಾ ಆಶಿರ್ವಾದ ಥೈನ ರ‍್ಹವಸ. ಕಾಕದ್ಯಾಮ ಹಮ್ನಾನೊ ಟೈಮ್ಮ ವರಿ ಆವಾನೊ ಕಾಲಮ್ಮಾ ದಿದೆಲ ವಾಗ್ದಾನ ಮಳಲಿದ್ಯುಸ.

ಇಬ್ರಿಯ 13:9

ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.