1 ಕೊರಿಂಥ 12:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆಜ಼ ಪವಿತ್ರ ಆತ್ಮಾಕ್ಹು ಯಕ್ಲಾನೆ ಘನ್ನೊ ವಿಶ್ವಾಸ ಬಿಜೆ಼ಕ್ಲಾನೆ ಅರಾಮ ಕರಾನಿ ತಾಕತ ಮಳಸ.

1 ಕೊರಿಂಥ 12:9 ပူးပေါင်းရင်းမြစ်များ

ಮತ್ತಾಯ 10:8

ರೊಗಿಯೊನೆ ಅರಾಮ ಕರೊ. ಮರಲವಾಲಾವೊನೆ ವಚಾ಼ಡೊ. ಕುಷ್ಠರೊಗಿಯೊನೆ ಅರಾಮ ಕರೊ. ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವೊ. ಮಿ ತುಮೊನೆ ಎ ಅದಿಕಾರೊ ಫ್ರಿಮಾ ದ್ಯುಸ. ತಿನಾಹುತಿ ಬಿಜಾವೊನೆಬಿ ಫ್ರಿಮಾ ಮದತ ಕರೊ.

ಮತ್ತಾಯ 21:21

ತೆನೈಸೊ ಯೆಸು, ತುಮೊನೆ ಕ್ಹರಿಜ ಕೌಸ ತುಮೆ ಸಂಶೆಕರೆವಾಚಿ಼ ನಂಬ್ಯಾಮ ಆ ಅಂಜುರನು ಝಾಡನೆ ಕರಲ ನಿಂಗತ ತುಮೆಬಿ ಕರೊಶಿ ತೆನೈಸೊ ಎ ಡೊಂಗರನೆ ‘ ತು ಕಿತ್ತಿಲಿನ ಗೈನ ಸಮಂದರಮಾ ಪಡ’ ಕೈನ ಕದ್ಯಾಮ ತೆಬಿ ಥಾವಸ.

ಮಾರ್ಕ 16:18

ತ್ಯುನೆ ಕ್ಹಾಪೊ ಉಚಾವಸ ವರಿ ಮರಾನು ವಕ್ಹಡ ಪಿದ್ಯಾತಬಿ ಸುಜ಼ ಕೆಟ್ಟ ಥಾತು ನೈ ತ್ಯುನೆ ರೊಗಿಯೊಪರ ಹತ್ತ ಮ್ಹೆಲ್ಯಾಮ ತೆ ರೊಗಿಯೊ ಅರಾಮ ಥಾವಸ ಕದ್ಯೊ.

ಮಾರ್ಕ 6:13

ತ್ಯುನೆ ಘನ್ನಾ ಕೆಟ್ಟ ಆತ್ಮಾವೊನೆ ಛೊಡಾಯಾ ವರಿ ಘನ್ನಾ ರೊಗಿಯೊನೆ ಒಲಿವ ತೆಲ ಮಾತಾಪರ ಲಗಾಡಿನ ಪ್ರಾಥನಾ ಕರತಾಮಾ ತ್ಯುನೊನೆ ಅರಾಮ ಥಯು.

ಲುಕ ಬರ್ದಲ ಸುವಾರ್ತಾ 10:9

ತ್ಯಾ ರ‍್ಹಯಲ ರೊಗಿಯೊನೆ ಅರಾಮ ಕರೊ, ತ್ಯಾನಾ ಮನಕ್ಹೊನೆ"ಕ್ಹುದಾನಿ ರಾಜ್ಯ ನಜಿಕ ಐಸ "ಕವೊ.

ಲುಕ ಬರ್ದಲ ಸುವಾರ್ತಾ 9:2

ಕ್ಹುದಾನಿ ರಾಜ್ಯನಾ ಹುತಿ ಕವಾ ಹುತಿ ವರಿ ರೊಗೊಮಾ ರ‍್ಹಯಲ ವಾಲಾವೊನೆ ಅರಾಮ ಕರಾ ಹುತಿ ಯೆಸು ಅಪೊಸ್ತಲೊನೆ ಮೊಕಲ್ಯೊ.

ಅಪೊಸ್ತಲೊ 10:38

ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು.

ಅಪೊಸ್ತಲೊ 5:15

ಇಮ್ಮ ರ‍್ಹತಾಮಾ ಅಪೊಸ್ತಲೊನಿ ಸುದ್ದಿ ಐಕಿನ ಮನಕ್ಹೊ ಕ್ಹಾರಾ ಅರಾಮ ನೈಸೊ ವಾಲಾವೊನೆ ಪಲಂಗನಾ ಕ್ಹಾತೆ ವರಿ ವಚ್ಚಾನಾನಾ ಕ್ಹಾತೆಜ಼ ಉಚೈ ಲೈನ ತ್ಯುನಿ ಜಾ಼ವಾನಿ ವಾಟಪರ ಲೈ ಪಡತಾತಾ ಕಾಕದ್ಯಾಮ ಪತ್ರಾನಿ ಛೌಲಿ ಪಡ್ಯಾಮ ಅರಾಮ ಥಾವಸ ಕೈನ ತ್ಯುನೊನೆ ಬರೊಕ್ಹೊ ವ್ಹತ್ತೊ..

1 ಕೊರಿಂಥ 12:28

ಕ್ಹುದಾ ತುಮಾರಾ ಸಭೆಮಾ, ಪೈಲಾ ಅಪೊಸ್ತಲೊನೆ, ಬೆವಾ ಪ್ರವಾದಿಯೊನೆ, ತನ್ವಾ ಮಾಸ್ತರೊನೆ ನೆಮಿಶೊಸ. ಪಾಚಲ್ತೊ ಪವಾಡ ಕರಾಲಾವೊನೆ, ರೊಗ ಅರಾಮ ಕರಾಲಾವೊನೆ, ಉಪಕಾರ ಕರಾಲಾವೊನೆ, ಸಭೆ ಚ಼ಲೈ ಲಿನ ಜಾ಼ವಾಲಾವೊನೆ, ಘನ್ನಾ ಭಾಷಾ ಬೊಲಾಲಾವೊನೆ ನೆಮಿಶೊಸ.

1 ಕೊರಿಂಥ 12:30

ಕ್ಹಾರಾ ಜ಼ನಾ ರೊಗೊ ಅರಾಮ ಕರಾಲಾ ನ್ಹವೈ, ಕ್ಹಾರಾ ಜ಼ನಾ ಘನ್ನಾ ಭಾಷಾ ಬೊಲಾಲಾ ನ್ಹವೈ, ನೈತೊ ಕ್ಹಾರಾ ಜ಼ನಾ ಭಾಷಾ ತಿಳಸೈನ ದಿವಾಲಾ ನ್ಹವೈ.

1 ಕೊರಿಂಥ 13:2

ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.

2 ಕೊರಿಂಥ 4:13

ಮಿ ಬರೊಕ್ಹೊ ಕರಲಹುತಿಜ ಬೊಲ್ಯೊಸ.ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ಅಪ್ನೊ ಬರೊಕ್ಹೊಬಿ ತಿನಾ ನಿಂಗತಜ ಛೆ. ಅಪೆ ಬರಿಕ್ಹೊ ಕರಲಹುತಿಜ ಬೊಲಿಯೆಸ.

ಎಫೆಸ 2:8

ತಿನಾಹುತಿ ತುಮೆ ಬರೊಕ್ಹಾನಾ ಮುಲಕ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ. ತೆ ರಕ್ಷಣೆ ತುಮೊಕ್ಹು ಥಯಲ ನ್ಹವ್ಹೈ, ತೆ ಕ್ಹುದಾನು ವರ ವ್ಹೈ.

ಇಬ್ರಿಯ 11:33

ತೆ ಕ್ಹಾರಾ ಮನಕ್ಹೊ ಘನ್ನಾ ಬರೊಕ್ಹಾವಾಲಾ ವ್ಹತ್ತಾ. ತೆ ಬರೊಕ್ಹಾಕ್ಹುಜ಼ ತೆ ರಾಜ್ಯನೆ ಹರಾಡ್ಯಾ. ತ್ಯುನೆ ಚೊ಼ಕಾ ರ‍್ಹಯಲಜ಼ ಕಾಮೊ ಕರ‍್ಯಾ ವರಿ ಕ್ಹುದಾ ಕರಲ ವಾಗ್ದಾನ ಪಡ್ದಿಲಿದ್ಯಾ.