1 ಕೊರಿಂಥ 12:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಯಕ್ಲಾನೆ ಪವಾಡ ಕರಾನಿ ತಾಕತ, ಬಿಜೆಕ್ಲಾನೆ ಪ್ರವಾದನೆ ಕರಾನಿ ತಾಕತ, ವರಿ ಯಕ್ಲಾನೆ ಕ್ಹರಿನೆ ತಿಳ್ದಿಲಿವಾನು ಗ್ಯಾನ, ಬಿಜೆಕ್ಲಾನೆ ಬಿಜಾ಼ ಬಿಜಾ಼ ಭಾಶಾ ಬೊಲಾನಿ ತಾಕತ, ವರಿ ಯಕ್ಲಾನೆ ತೆ ಕ್ಹಾರು ತಿಳ್ದಿಲಿವಾನು ಅರು ತೆ ಪವಿತ್ರ ಆತ್ಮಾಕ್ಹು ದಿವಸ.

1 ಕೊರಿಂಥ 12:10 ပူးပေါင်းရင်းမြစ်များ

ಮಾರ್ಕ 16:17

ಎನೈಸೊ ಬರೊಕ್ಹೊ ಕರಲ ವಾಲಾನಾ ಹತೆ ಅದ್ಭುತ ಕರಾನು ಅದಿಕಾರ ದಿವಸ; ಮಾರು ನಾಮ ಕೈನ ಕೆಟ್ಟ ಆತ್ಮಾ ಛೊಡಾವಸ ಅಜಪನಿಯೊ ವಾತೊ ಬೊಲಸ.

ಮಾರ್ಕ 16:20

ಶಿಷ್ಯಾ ಕ್ಹಾರಿ ಜ಼ಗಾ ಗೈನ ತೆ ವಾತೊ ಕತಾ ಗಯಾ;ವರಿ ಕರತಾ ತ್ಯುನಾ ಕ್ಹಾತೆ ರ‍್ಹೈನ ಮ್ಹೊಟಾ-ಮ್ಹೊಟಾ ಕಾಮೊ ಅದ್ಭುತ ಕರತೊ ತಿನಾ ಹುತಿ ತ್ಯುನೆ ಕವಾನಿ ಸುವಾರ್ತೆ ಘಟ್ಟ ಕರತೊ ವ್ಹತ್ತೊ)

ಲುಕ ಬರ್ದಲ ಸುವಾರ್ತಾ 24:49

ಐಕೊ! ಮಾರೊ, ಬಾ, ಕದಲಜ಼ ಮಿ ತುಮೊನೆ ತಿಳಸುಸ. ವರಿ ತುಮೆ ಸ್ವರಗನೆ ಶಕ್ತಿ ಮಳೆಲಕ್ಕಾ ಯೆರುಸೆಲೆಮಾಜ಼ ಕೈದಿನ ರ‍್ಹವೊ "ಕದ್ಯೊ.

ಯೊಹಾನ 14:12

"ಮಿ ತುಮೊನೆ ಕ್ಹರಿಜ ಕೌಸ. ಮಪರ ಬರೊಕ್ಹೊ ಮ್ಹೆಲಾಲೊ ಮಿ ಕರಲಜ ಕಾಮೊ ಕರಸ. ತೆ ಮಿ ಕರಾನಾ ಕಾಮೊತಿಬಿ ಮ್ಹೊಟಾ ಕಾಮೊ ಕರಸ. ಕಾಕದ್ಯಾಮ ಮಿ ಬಾ ಕನ ಚಾ಼ಲ್ಯೊಸ.

ಯೊಹಾನ 16:13

ವರಿ ತೆ ಸತ್ಯನಿ ಆತ್ಮಾ ಆತಾಮಾ, ತುಮೊನೆ ತೆ ಹರಿ ಯಕ್ಕ ಟೈಮ್ಮಾ ಕ್ಹರಿಕ್ಹು ಅಗೊ ಚ಼ಲಾವಸ. ಸತ್ಯನಿ ಆತ್ಮಾ ಬೊಲಾನು ತಿನು ನ್ಹವೈ. ತೆ ಐಕಲಜ ತೆ ಕವಸ. ಥಾವಾನಿಯೊ ಸಂಗತಿಯೊಜ ತುಮೊನೆ ಕವಸ.

ಅಪೊಸ್ತಲೊ 1:8

ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.

ಅಪೊಸ್ತಲೊ 11:27

ತೆ ಕಾಲಮಾ ದಕ್ಹಾ ಪ್ರವಾದಿಯೊ ಯೆರುಸಲೆಮತಾ ಅಂತಿಯೊಕ್ಯನೆ ಗಯಾ.

ಅಪೊಸ್ತಲೊ 11:28

ಎ ಪ್ರವಾದಿಯೊಮಾ "ಅಗಬ "ಕವಾಲೊ ಯಕ್ಲೊ ವ್ಹತ್ತೊ. ಅಗಬ ಅಂತಿಯೊಕ್ಯಮಾ ಪವಿತ್ರ ಆತ್ಮಾನಿ ಪ್ರೆರಣೆಕ್ಹು"ಪುರಾ ದುನಿಯಾನೆ ಮ್ಹೊಟಿ ಬರಾ ಆವಾನಿ ಛೆ "ಕದ್ಯೊ. ಎ ಬರಗಾಲ ಕ್ಲಾಡಿಯಸ್ ಚಕ್ರವತಿನಾ ಕಾಲಮಾ ಐಯುತು.

ಅಪೊಸ್ತಲೊ 19:6

ಪೌಲಾ ತ್ಯುನೊಪರ ಹತ ಮ್ಹೆಲೆಲಪರ ಪವಿತ್ರಾತ್ಮ ತ್ಯುನಾ ಉಪ್ಪರ ಐಯ್ಯೊ. ವರಿ ತ್ಯುನೆ ಬಿಜಿಯೊ-ಬಿಜಿಯೊ ವಾತೊ ಬೊಲ್ಯಾ,ಕ್ಹುದಾನು ಸಂದೆಶ ಕತಾ ಚಾ಼ಲ್ಯಾ.

ಅಪೊಸ್ತಲೊ 5:3

ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ?

ರೊಮಾಪೂರ 12:6

ಅಪೆ ಕ್ಹಾರಾ ಬಿಜಾ಼-ಬಿಜಾ಼ ವರಾ ಹೊಂದಿಲಿದ್ಯಾಸ. ಕ್ಹುದಾ ಅಪೊನೆ ದಿದಲ ಕೃಪಾಕ್ಹು ಹರಯಕ್ಕ ವರಾ ಆಯುಸ. ಪ್ರವಾದನೆ ಕರಾನು ವರಾ ವ್ಹಂದಲವಾಲೊ ತಿನೆ ರ‍್ಹವಾನಾ ಬರೊಕ್ಹಾನಾ ಕ್ಹಾತೆ ತೆ ವರಾನೆ ಉಪಯೊಗ ಕರು.

ರೊಮಾಪೂರ 15:19

ಅದ್ಭುತ ಕಾಮೊ ಕರಾನಿ ತಾಕತ ವರಿ ಮ್ಹೊಟಾ ಕಾಮೊ ದೆಕಲ ಹುತಿ ಕ್ಹುದಾನಿ ಆತ್ಮಾನಿ ತಾಕತಕ್ಹುಜ಼ ಮಾರು ಕಾಮ ಪುರಾ. ಮಿ ಜೆರುಸೆಲಿಮತೊ ಇಲ್ಲುರಿನೆ ಪ್ರಾಂತ್ಯ ಲಕ್ಕಾ ಕ್ರಿಸ್ತನಿ ಸುವಾರ್ತೆ ಕೈನ, ಮಿ ತೆ ಕರ್ತವ್ಯ ಪುರಾ ಕರ‍್ಯೊ.

1 ಕೊರಿಂಥ 11:4

ದಾಣಗೊ ಮಾತು ಝಾಕಿಲಿನ ಪ್ರಾಥನಾ ಕರ‍್ತೊ ರ‍್ಹಯಮ ನೈತೊ ಕ್ಹುದಾನಿ ವಾಕ್ಯಾ ಪ್ರವಚನಾ ಕರ‍್ತೊ ರ‍್ಹಯಮ ತಿನೊ ಮ್ಹೊಟೊ ಥಯಲ ಕ್ರಿಸ್ತ ಯೆಸುನೆ ಅಪಮಾನ ಲಾವಸ.

1 ಕೊರಿಂಥ 13:8

ಮಯಾ ಕೆಳಾಮಾಜ಼ ಕ್ಹರ‍್ತಿ ನೈ. ಪ್ರವಾದನೆ ಕರಾನಾ ವರಾ ಛೆ, ತೆನೈಸೊ ತೆ ಖಲಾಸ ಥಾವಸ. ಬಿಜಾ಼ ಬಿಜಾ಼ ಭಾಶಾಮಾ ಬೊಲಾನಿ ವರಾ ಛೆ, ತೆನೈಸೊ ತೆ ವರಾ ಖಲಾಸ ಥಾವಸ. ಗ್ಯಾನ ಕವಾನಿ ವರಾಬಿ ಛೆ, ತೆನೈಸೊ ತೆಬಿ ಖಲಾಸ ಥಾವಸ.

1 ಕೊರಿಂಥ 14:13

ಇನಾಹುತಿ ಬಿಜಿ಼ ಭಾಶಾಮಾ ಬೊಲಾನಿ ವರಾ ರ‍್ಹಯಲವಾಲೊ ತೆ ಕವಾನಿ ವಿಷಯನೆ ತಿಳ್ಸಾವಾನಿ ತಾಕತನಾ ಹುತಿ ಕ್ಹುದಾ ಕನ ಪ್ರಾಥನಾ ಕರಾದೆ.

1 ಕೊರಿಂಥ 14:39

ಭಾಯೊ ಭೆನೊ, ಕ್ಹುದಾನಿ ವಾಕ್ಯಾ ಕವಾಮಾ ಆಸಕ್ತಿಕ್ಹು ರ‍್ಹವೊ. ಬಿಜಿ಼ ಬಿಜಿ಼ ಭಾಶಾ ಬೊಲಾಲಾವೊನೆ ತರಬೊ ನಕೊ.

ಗಲಾತ್ಯ 3:5

ತಿನಾಹುತಿ ಕ್ಹುದಾ ಪವಿತ್ರ ಆತ್ಮಾನೆ ದಿವಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈ ಸು? ಕ್ಹುದಾ ಮ್ಹೊಟಾ ಕಾಮೊ ಕರಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈಸು? ನ್ಹವೈ. ಸುವಾರ್ತೆ ಐಕಿನ ತಿಪರ ಬರೊಕ್ಹೊ ಮ್ಹೆಲಲ ಹುತಿ ಕ್ಹುದಾ ತುಮೊನೆ ಪವಿತ್ರ ಆತ್ಮಾ ದಿವಸ. ವರಿ ಮ್ಹೊಟಾ ಕಾಮೊ ಕರಸ.

1 ಥೆಸಲೊನಿಕ 5:20

ಪ್ರವಾದನೆನೆ ಹಿನಾವೊ ನಕೊ.

ಇಬ್ರಿಯ 2:4

ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.

ಪ್ರಕಟನೆ 2:2

"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.