1 ಕೊರಿಂಥ 10:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಅಪೆ ಕ್ಹುದಾನೆ ಸ್ತುತಿ ಕರಿನ ಪಿವಾನಾ ವಾಟ್ಕಾಕ್ಹು ಪಿತಾಮಾ ಕ್ರಿಸ್ತನಾ ರಗತಮಾ ವಾಟೊ ಲಿವಾಲಾ ಥಯ್ಯೆಸ. ರೊಕ್ಲೊ ತೊಡಿನ ಖಾತಾಮಾ ಕ್ರಿಸ್ತನಾ ಶರಿರಮಾ ಪಾಲ ಲಿವಾಲಾ ಥಯ್ಯೆಸ.

1 ಕೊರಿಂಥ 10:16 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 22:17

ಪಾಚಲ್ತೊ ಯೆಸು ದ್ರಾಕ್ಷಿಯೊನು ರಕ್ಹನೊ ತಾಂಬಿಯೊ ಲಿನ ಕ್ಹುದಾನೆ ಸ್ತೊತ್ರ ಕೈನ. ತೆ ಶಿಷ್ಯಾವೊನೆ ದಿನ್ನ ತುಮೆ ವಾಟಿನ ಪಿವೊ ಕದ್ಯೊ.

ಅಪೊಸ್ತಲೊ 2:42

ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ಅಪೊಸ್ತಲೊ 20:11

ತೆಳಾಮಾ ತೆ ಉಪ್ಪರ ಗೈನ ರೊಕ್ಲೊ ತೊಡಿನ ಖೈನ ದಿನ್ನ ನಿಕ್ಹಳೆ ಲಕ್ಕಾಬಿ ತಿನಾ ಕ್ಹಾತೆ ಬೊಲಿನ ಗೈಪಡ್ಯೊ.

ಅಪೊಸ್ತಲೊ 20:7

ಹಪ್ತಾನಾ ಪಸ್ಟಲ್ಯಾ ದಿನ್ಮಾ ರೊಕ್ಲೊ ತೊಡಿನ ಖಾವಾನಾ ನಿಯಮನಾ ಹುತಿ ಮಳಿನ ಆತಾಮಾ ಪೌಲಾ ತ್ಯಾ ಮಳಿನ ಆಯಲ ವಿಸ್ವಾಸಿಯೊನೆ ಭೊದನ ಕರ್ತೊ ಅರ್ದಿ ರಾತಲಕ್ಕಾ ಉಪನ್ಯಾಸ ದಿದ್ಯೊ.

1 ಕೊರಿಂಥ 1:9

ಕ್ಹುದಾ ಬರೊಕ್ಹೊವಾಲೊ ಥಯೊಸ. ಕ್ಹುದಾನೊ ದಿಕ್ರೊ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಜ಼ಲಮಮಾ ವಾಟೊ ಲಿವಾಲಾ ಥೌ ಕೈನ ತುಮೊನೆ ಬಲಾಯಲವಾಲೊಜ಼ ಕ್ಹುದಾ ವ್ಹೈ.

1 ಕೊರಿಂಥ 10:15

ತುಮೆ ತಿಳ್ದಿಲಿದಲವಾಲಾ ವ್ಹೈ ಕೈನ ತಿಳ್ದಿನ ಎ ಕವಾಡ್ಯೊಸ. ಮಾರಾ ವಾತೊ ತುಮೆಜ಼ ಪರಿಕ್ಷಾ ಕರಿನ ದೆಕೊ.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.

ಇಬ್ರಿಯ 3:14

ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ.

1 ಯೊಹಾನ 1:3

ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕವಾಡ್ಯಾಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲ ಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.