1 ಕೊರಿಂಥ 10:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತಿನಾಹುತಿ ಮಯಾನಾ ಭಾಯೊ ಭೆನೊ, ಮುರತಿಯೊನಿ ಆರಾಧನಾ ಕರಾನು ಛೊಡಿ ಪಡೊ.

1 ಕೊರಿಂಥ 10:14 ပူးပေါင်းရင်းမြစ်များ

ಅಪೊಸ್ತಲೊ 15:20

ತಿನಾಹುತಿ ಅಪೆ ತ್ಯುನೊನೆ ಯಕ್ಕ ಪತ್ರ ಲಿಕಿನ ತೆ ವಿಷಯೊ ಕ್ಹಾರಾ ತಿಳಸಯೆ ಮುರ್ತಿನೆ ಚಡಾಯೆಲ ಅನ್ನ ಖಾವೊ ನಕೊ. ತೆ ಅನ್ನ ಅಶುದ್ಧ ವ್ಹೈ. ಕೈಯುಜ ಲೈಂಗಿಕ ಪಾಪ ಕರೊ ನಕೊ. ರಗತ ಖಾವೊ ನೈಕೊ. ನಡ್ಡಿ ಚಿಕಲಿನ ಜಾನವರೊನು ಮಾಕ್ಹ ಕ್ಹಾವೊ ನೈಕೊ.

ರೊಮಾಪೂರ 12:19

ಮಾರಾ ಮಯಾನ ದೊಸ್ತೊ, ತುಮೊನೆ ಕೆಟ್ಟ ಕರಾನಾ ಮನಕ್ಹೊನೆ ಬದಲೊ ಲಿವಾನೆ ಕೊಶಿಶ ಕರೊ ನಕೊ. ತೆನೈಸೊ ಕ್ಹುದಾ ತಿನಾ ಶಿಟ್ಟನೆ ವಪ್ಸಿನ ದಿವೊ. ಮಿಜ಼ ಶಿಕ್ಷಾ ದಿವಾಲೊ ವ್ಹೈ. ಮಿಜ಼ ಮನಕ್ಹೊನೆ ಬದ್ಲೊಲಿವಾಲೊ ವ್ಹೈ ವರಿ ಮಿಜ಼ ಪ್ರತಿ ಫಲ ದಿವಾಲೊ ವ್ಹೈ ಕೈನ ಪ್ರಭು ಕವಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ.

1 ಕೊರಿಂಥ 10:15

ತುಮೆ ತಿಳ್ದಿಲಿದಲವಾಲಾ ವ್ಹೈ ಕೈನ ತಿಳ್ದಿನ ಎ ಕವಾಡ್ಯೊಸ. ಮಾರಾ ವಾತೊ ತುಮೆಜ಼ ಪರಿಕ್ಷಾ ಕರಿನ ದೆಕೊ.

1 ಕೊರಿಂಥ 10:19

ಇಮ್ಮ ಮಿ ಕತಾಮಾ ಮುರತಿಯೊನೆ ಚ಼ಡಾವಾನೆ ಕರಲ ಅನ್ನ ಖಾಸ ವ್ಹೈ ನೈತೊ ಮುರತಿಜ಼ ಖಾಸ ವ್ಹೈ ಕೈನ ಮಿ ಕವಾನು ಮತ್ಲಬ ವ್ಹೈಸು? ಕಯುಜ಼ ನ್ಹವೈ,

1 ಕೊರಿಂಥ 10:7

ತ್ಯುನೊಮಾ ದಕ್ಹಾ ಜ಼ನಾ ಮುರತಿಯೊನೆ ಪುಜಾ ಕರಾಲಾ ಥಯಲ ಲಿಂಗತ ಅಪೆ ಥೌ ನೈ. ಇವ್ನಾ ಹುತಿ ಪವಿತ್ರ ಗ್ರಂಥಮಾ ಅಮ್ಮ ಬರ್ದಲ ಛೆ"ಎ ಮನಕ್ಹೊ ಖಾವಾನೆ ಕೈನ ಪಿವಾನೆ ಕೈನ ಬೆಟ್ಯಾ ನ್ಹಾಚಾ಼ನೆ ಕೆಟ್ಟ ತರಾಕ್ಹು ಉಟ್ಯಾ"

1 ಕೊರಿಂಥ 5:11

ತೆನೈಸೊ ಕುನ್ ಕ್ರಿಸ್ತಮಾನೊ ಭೈ ವ್ಹೈ ಕೈನ ಕವೈಲಿನ, ಅಂಗನು ಪಾಪ ಕರಾಲಾ ಮನಕ್ಹೊ, ಸ್ವಾರಥಿಯೊ, ಮೊಸ ಕರಾಲಾ, ಮುರತಿಯೊನೆ ಪುಜಾ ಕರಾಲಾ, ಬಿಜಾ಼ ಮನಕ್ಹೊನಾ ಹುತಿ ಕೆಟ್ಟ ಬೊಲಾಲಾ, ಪಿದೊಡಾ, ರ‍್ಹಯಲ ಇವ್ನಿ ಸವಾಸ ತುಮೆ ಕರು ನೈ ವರಿ ತಿನಾ ಕ್ಹಾತೆ ಬೈಟಿನ ಕ್ಹೌಬಿ ನೈ. ಎಜ಼ ಮಾರಾ ಪತ್ರನು ಉದ್ದೆಶ ವ್ಹೈ.

2 ಕೊರಿಂಥ 11:11

ತಿನಾಹುತಿ? ಹುತಿ ತುಮ ಮಯಾ ರ‍್ಹಯಲ ಹುತ ಹುತಿ? ಕ್ಹುದಾ ವಳಕ

2 ಕೊರಿಂಥ 12:15

ಮಿತೊ ಮನೆ ರ‍್ಹಯಲ ತುಮಾರಿ ಅತ್ಮ ರಕ್ಷಣೆನಾ ಹುತಿ ಖುಶಿಕ್ಹು ಖರ್ಚ ಕರುಸ, ಮನೆಜ ಖರ್ಚ ಕರಲ್ಯುಸ, ಮಿ ತುಮೊನೆ ಘನ್ನೊ ಮಯಾ ಕರ‍್ಯಾರೆ ತುಮೆ ಸು ಮನೆ ಕಮ್ಮ ಮಯಾ ಕರೊಶಿ?

2 ಕೊರಿಂಥ 12:19

ಹಮೆ ಅಕ್ಲಿಯೆಲ ಲಕ್ಕಾ ತುಮರಾ ಕ್ಹಾತೆ ವಾದ ವಿವಾದ ಕರಾಡಾಸ ಕೈನ ತಿಳದಿಲಿದ್ಯಾಸ ಸು? ತುಮಾರಾ ಕ್ಹಾಮಾ ನೈ, ಕ್ಹುದಾನಿ ಸನ್ನಿಧಿಮಾಜ ಹಮೆ ಕ್ರಿಸ್ತಮಾ ರ‍್ಹೈನ ಬೊಲೆಸ. ಮಯಾನಾ ಭಾಯೊ ಹಮೆ ಆ ಕ್ಹಾರು ಕರಾನು ತುಮಾರಿ ಭಕ್ತಿ ವೃದ್ದಿನಾ ಹುತಿ ವ್ಹೈ.

2 ಕೊರಿಂಥ 6:17

ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ ಹೊಲಸ ರ‍್ಹಯಲ ಮುಟ್ಟ ನಕೊ ಕೈನ ರ‍್ಹಯಲ ಪ್ರಭು ಕವಸ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಫಿಲಿಪ್ಪಿ 4:1

ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.

ಫಿಲೊಮನ 1:1

ಯೆಸು ಕ್ರಿಸ್ತನಾ ಹುತಿ ಜೆಲ್ಮಾ ರ‍್ಹಯಲ ಪೌಲ ವರಿ ಭೈ ಥಯಲ ತಿಮೊಥೆಕ್ಹು ಹಮಾರೊ ಮಯಾನೊ ವರಿ ಕ್ಹಾತೆ ಸೆವಾ ಕರಾನಾ ತುನೆಬಿ ,

ಇಬ್ರಿಯ 6:9

ಮಯಾನಾ ದೊಸ್ತೊ, ಹಮೆ ಎ ಸಂಗತಿಯೊ ತುಮೊನೆ ಕತಾ ರ‍್ಹಯಾತಬಿ ತುಮೊಕ್ಹು ಇತ್ತಿಬಿ ಚೊ಼ಕು ರ‍್ಹಯಲ ಕಾಮೊನೆ ಆಸ ಕರಿಯೆಸ. ರಕ್ಷಣೆನೆ ಸಂಭಂದ ರ‍್ಹಯಲ ಕಾಮೊ ತುಮೆ ಕರೊಶಿ ಕೈನ ಹಮೆ ಘಟ್ಟ್ಟ ಬರೊಕ್ಹೊ ಕರ‍್ಯಾಸ.

1 ಪೆತ್ರಾ 2:11

ಮಯಾನಾ ದೊಸ್ತೊ, ತುಮೆ ಎ ದುನಿಯಾಮಾ ಫರಾಲಾ ವರಿ ಬಿಜಾ಼ ಗಾಮವಾಲಾ ಲಿಂಗತ ಛೆ. ತಿನಾಹುತಿ ತುಮಾರಾ ಅಂಗೊನೆ ಪಸಂದ ರ‍್ಹಯಲ ಕೆಟ್ಟ ಸಂಗತಿಯೊಕ್ಹು ದುರ ರ‍್ಹೆ. ಎ ತುಮಾರಾ ಜ಼ಲಮನಾ ಆತ್ಮಾನೆ ವಿರುದ್ದ ಥೈನ ಲಡಸ.

1 ಯೊಹಾನ 5:21

ಮಯಾನಾ ಬಚ್ಚಾ಼ವೊ, ಮುರ್ತಿಯೊನಾ ನಜಿಕ ಗಯಾವಾಚಿ ತಮನೊನೆ ವಚಾಳಿವೊ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 2:14

"ತೆನೈಸೊ ತಾರಾ ವಿರೊದ ಕವಾನಿಯೊ ದಕ್ಹಿಯೊ ಸಂಗತಿಯೊ ಛೆ. ತಾರಿ ಸಬೆಮಾ ಬಿಲಾಮನ್ನಿ ಕೆಟ್ಟ ಭೊದನೆ ಲಿಂಗತ ಚಾ಼ಲಿನ ಜಾ಼ವಾಲಾ ಮನಕ್ಹೊ ಛೆ. ಇಸ್ರೆಲನಾ ಮನಕ್ಹೊನೆ ಇಮ್ಮ ಪಾಪಮಾ ಪಡೆ ಲಿಂಗತ ಕರು ಕವಾನು ಬಿಲಾಮ ಬಾಲಾಕನೆ ಕೆಟ್ಟ ಭೊದನೆ ಕರ‍್ಯೊ. ತಿನಾಹುತಿ ಇಸ್ರೆಲೊ ಮೊರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಮುಕಾಂತರ ವರಿ ಕೆಟ್ಟ ಲೈಂಗಿಕನಾ ಪಾಪೊ ಕರಾನಾ ಮುಕಾಂತರ ಪಾಪ ಕರ‍್ಯಾ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.