1 ಕೊರಿಂಥ 1:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಇಮ್ಮ ರ‍್ಹಯಮ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಆವಾನು ಕೈದತಾ ರ‍್ಹಯಲ ತುಮೆ ಕ್ಹುದಾ ಕಂತು ಆವಾನಿ ಹರಯಕ್ಕ ಆತ್ಮಿಕನಿ ವರಾ ವ್ಹಂದಿಲಿವಾನು ಚು಼ಕೈಲೆತಾ ನೈ.

1 ಕೊರಿಂಥ 1:7 ပူးပေါင်းရင်းမြစ်များ

ಮತ್ತಾಯ 25:1

ಪರಲೊಕ ರಾಜ್ಯ ತಿವ್ನಿಯೊ ಆರ್ತಿಯೊಲಿನ ನೌರಾನಿ ಮಳಾನಾಹುತಿ ಜಾ಼ವಾಲಿಯೊ ದಕ್ಹ ಜ಼ನಿಯೊ ಜಾಂಜಿಮಾ ಛೊಕ್ರಿಯೊ ನೆ ಹೊಲಿಕೆ ಥೈಸ.

ಲುಕ ಬರ್ದಲ ಸುವಾರ್ತಾ 12:36

ತುಮೆ ತೊ ತಮಾರೊ ಮಾಲಕ ಐನ ಬಾಕಲ ವಜಾ಼ಡಲ ಬರೊಬ್ಬರ ಬಾಕಲ ಕಾಡಾಲಾ ಥಾವೊ ಹಿವಾನು ಅನ್ನ ಖೈನ ಕೆಳಾಮಾ ಆವಸ ಕವಾನು ಗೊತ್ತ ನತ್ತಿ. ತುಮೆ ಕೆಳಾಮಾಬಿ ತಯ್ಯಾರ ರ‍್ಹವೊ.

ಲುಕ ಬರ್ದಲ ಸುವಾರ್ತಾ 17:30

ಮನಕ್ಹನೊ ದಿಕ್ರೊ ಫರಿನ ಆತಾಮಾ ಜಗತ್ನಿ ಸ್ತಿತಿ ಇಮ್ಮಜ಼ ಥಾವಸ.

ರೊಮಾಪೂರ 8:19

ಕ್ಹುದಾ ತಿನಾ ಬಚ್ಚಾ಼ವೊನೆ ದೆಕಾಡಾನಾ ದಿನೊಮಾ ಕ್ಹುದಾನಿ ಕ್ಹಾರಿ ಸೃಷ್ಟಿ ಉತ್ಸಾಹಕ್ಹು ಆಸ ಕರಾಡ್ಯುಸ.

ರೊಮಾಪೂರ 8:23

ಸೃಷ್ಟಿ ಯಕ್ಕಜ಼ ನೈ, ಅಪೆಬಿ ಅಪ್ನೊಮಾ ದುಖ ಕ್ಹು ನೆಳ್ತಾ ಕೈದಾಡ್ಯಾಸ. ಕ್ಹುದಾನಿ ವಾತನಿ ಪೈಲಾನೊ ಭಾಗ ಥಯಲ ಕ್ಹುದಾನಿ ಆತ್ಮಾನೆ ಅಪೆ ಹೊಂದಿಲಿದ್ಯಾಸ. ಅಪೊನೆ ತಿನಾ ಸ್ವಂತ ಬಚ್ಚಾ಼ ಥೈನ ಕರಿಲಿವಾನೆ ಕ್ಹುದಾ ಕರತೊ ರ‍್ಹಯಲ ಕಾಮ ಪುರಾ ಥಾವಾನುಜ಼ ಕದ್ಯಾಮ, ಅಪ್ನಾ ಅಂಗನೆ ಥಾವಾನೆ ಬಿಡುಗಡೆಜ಼ ಅಪೆ ಕೈದಾಡ್ಯಾಸ.

1 ಕೊರಿಂಥ 4:5

ತಿನಾಹುತಿ ಕರೆಟ್ಟ ಟೈಮತಿ ಪೈಲಾ ಪೈಸ್ಲೊ ಕರೊ ನಕೊ. ಅಂದಾರಾಮಾ ದಡಿರ‍್ಹಯಲ ಕ್ಹಾರಾವೊನಾ ಉಪ್ಪರ ತೆ ಉಜಾಲು ದಿವಸ. ಮನಕ್ಹೊನಾ ಮನಸೊ ರಹಸ್ಯ ರ‍್ಹಯಲ ಉದ್ದೆಶೊ ತೆ ದೆಕಾಡಿನ ದಿವಸ. ತೆಳಾಮಾ ಹರ ಯಕ್ಲಾನೆ ಆವಾನು ಹೊಗಳಿಕೆ ಕ್ಹುದಾಕ್ಹುಜ಼ ಆವಸ.

2 ಕೊರಿಂಥ 12:13

ಮನೆ ದೆಕಿಲಿವಾನು ವಜ್ಜು ಯಕ್ಕ ತುಮೊಪರ ಛೊಡ್ಯಾ ಬಗರ ವರಿ ಕಯುಜ಼ ಮಿ ತುಮೊನೆ ಬಿಜಾ಼ ಸಬೆವಾಲಾವೊತಿ ಕಮ್ಮ ನತ್ತಿ ದೆಕ್ಯೊ, ಮಿ ತುಮೊನೆ ಕರಲ ಆ ಅನ್ಯಾಯ ಮಾಫ ಕರೊ.

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

ಫಿಲಿಪ್ಪಿ 3:20

ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.

ಕೊಲೆಸ್ಸೆ 3:4

ತುಮಾರೊ ಜುವ ಥೈಯಲ ಕ್ರಿಸ್ತ ಆತಾಖು ತುಮೆಬಿ ತಿನಾ ಕ್ಹಾತೆ ಮಹಿಮೆ ಆವೊಶಿ.

1 ಥೆಸಲೊನಿಕ 1:10

ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.

2 ಥೆಸಲೊನಿಕ 1:7

ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.

2 ತಿಮೊತಿ 4:8

ಚೊ಼ಕಾವೊನೆ ಮಳಾನಿ ಜಿತನಿ ಮಾಲಾ ಹಮ್ನಾ ಮನೆ ತಯ್ಯಾರ ಥೈಸ. ಚೊ಼ಕೊ ರ‍್ಹಯಲ ನ್ಯಾಯ ಕರಾಲೊ ಪ್ರಭು ಮನೆ ತೆ ದಿನಮಾ ದಿವಸ. ಮನೆ ತೆಕ್ಲುಜ಼ ನೈಸೊ ತೆ ಆವಾನು ಆಸ ಕರಿನ ತಿನಾಹುತಿ ಮಯಾಕ್ಹು ಕೈದಾವಾಲಾವೊನೆ ಎ ದಿವಸ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

1 ಪೆತ್ರಾ 1:13

ತಿನಾಹುತಿ ತುಮೆ ತುಮಾರು ಮನಸ ಸೆವೆನಾ ಹುತಿ ತಯ್ಯಾರ ಕರಿಲಿವೊ. ತೆನೈಸೊ ತುಮೊನೆ ತುಮಾರಿ ಹತೊಟಿಮಾ ಮ್ಹೆಲ್ಲಿವೊ. ಯೆಸು ಕ್ರಿಸ್ತ ಅಪೊನೆ ದಿಕ್ಹಾನಾ ಟೈಮ್ಮಾ ತುಮೊನೆ ಮಳಾನಿ ಮರಗಾ ವರಿ ಮಳಾನಿ ವರಾ ಪರ ತುಮಾರಿ ಆಸ ಪುರಾ ರ‍್ಹೌ.

1 ಪೆತ್ರಾ 4:13

ತೆನೈಸೊ ತುಮೆ ಕ್ರಿಸ್ತನೊ ತ್ರಾಸ ವಾಟಿಲಿವಾಡ್ಯಾಸ ಕೈನ ತುಮೆ ಖುಶಿಕ್ಹು ರ‍್ಹವೊ. ಕ್ರಿಸ್ತ ತಿನಿ ಮಹಿಮಾ ದೆಕಾಡಾನಾ ಹುತಿ ತುಮೆ ಖುಶಿ ಕರೊಶಿ.

1 ಪೆತ್ರಾ 5:4

ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹತಾಮಾ, ತುಮೊನೆ ಮಾತಾಪರ ಕಿರಿಟ ಮಳಸ. ಮ್ಹೊಟಿ ತಾಕತಮಾ ರ‍್ಹಯಲ ತೆ ಕಿರಿಟ ತಿನೆ ಕಳಾ ಜ಼ವೈಲಿತಿಜ಼ ನೈ.

2 ಪೆತ್ರಾ 3:12

ತುಮೆ ಕ್ಹುದಾ ಆವಾನೊ ದಿನ್ನ ದೆಕ್ಕತಾ ರ‍್ಹೌ. ತೆ ದಿನ್ನ ಆತಾಮಾ, ಹಬಾಳ ಆಗ ಕ್ಹು ಹಾಳ ಥೈ ಜಾ಼ವಸ. ವರಿ ಹಬಾಳಮಾ ರ‍್ಹಯಲ ಕ್ಹಾರುಜ಼ ಆಗ ಕ್ಹು ಬಳಿನ ಕರಗೈ ಜಾ಼ವಸ.

1 ಯೊಹಾನ 3:2

ಮಯಾನಾ ದೊಸ್ತೊ, ಹಮ್ನಾ ಅಪೆ ಕ್ಹುದಾನಾ ದಿಕ್ರಾ ಥಯಾಸ. ಅಗಾ ಅಪೆ ಸು ಥೈಯೆಸ ಕೈನ ಅಪೊನೆ ದೆಕಾಡಿನ ದಿದ್ಯೊ ನತ್ತಿ.

ಯುದ ಬರ್ದಲ ಪತ್ರ 1:21

ಹಮೆಶಾನಾ ಜ಼ಲಮನಾ ಹುತಿ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಿ ಮರ್ಗಾ ದೆಕ್ತಾ ತುಮೊನೆ ಕ್ಹುದಾನಿ ಮಯಾಮಾ ವಚಾಡಿಲಿವೊ.