प्रकाश 7:1 - परमेस्वर को सच्चो वचन

¹ जाके बाद मैं पृथ्वी के चारौ कोने मैं चार स्वर्गदूत ठाड़े भै देखो, बे पृथ्वी की चारौ ब्यार कै रोके पड़े रहैं कि न तौ ब्यार पृथ्वी मैं, और न समुंदर मैं, और न कोई पेंड़ से टकराबै।

राना थारु नयाँ नियम

^1-2 जाके पिच्छु, मए चार स्वर्गदूतनके संसारके चारौ कोनेमे ठाणेभए देखो। बे स्वर्गदूत परमेश्वरसे, संसारके नुक्सान पुगान बारो शक्ति प्राप्त करीं, चहुँ बे समुन्दरमे होएं या जमिनमे। बे संसारके चारौ कोनोसे ब्यारके रोक दइं, ताकी समुन्दरमे, जमिनमे और रुखामे ब्यार नाए चलए। मए एक औ स्वर्गदूतके अगार घेनसे प्रकट होत देखो। बोके ठिन परमेश्वरके घेनसे एक मोहर रहए जो हमेसा जिन्दा हए। बो स्वर्गदूत उँची अबाजसे बे चार स्वर्गदूतनके चिल्लाई और कही:

प्रकाश 7:1 ပူးပေါင်းရင်းမြစ်များ

मत्ती 24:31

बौ महान तुरहई अबाज करैगी, और बौ अपने स्वर्गदूतन कै पृथ्वी के चारौ कोहने मैं भेज देगो, और बे अपने चुने भै लोगन कै दुनिया के एक छोर से दुसरे छोर ले इखट्टो करंगे।”

मर्कूस 13:27

बहे समय बौ अपने स्वर्गदूतन कै पनारकै, दुनिया के एक छोर से दुसरे छोर तक, चारौ घाँईं से अपने चुने भै आदमिन कै जोरैगो।”

प्रकाश 20:8

और अब बौ सारी दुनिया के देस मैं बिखरी भइ जाति कै भरमान के ताहीं निकरैगो जो गोग और मागोग है। सैतान बे सबन कै लड़ाई के ताहीं इखट्टो करैगो, जित्ते समुंदर तट मैं रेता के कड़ हैं।

प्रकाश 6:6

मैं सुनो कि चारौ जिंदे जीव के बीच मैं से एक अबाज आए रइ है, “एक दिन की मजदूरी के ताहीं एक किलो गेंहूँ, और एक दिन की मजदूरी के ताहीं तीन किलो जई। लेकिन तेल और दाखरस की बारिन कै नुकसान मत पहोंचाबौ!”

प्रकाश 7:3

“जबले हम अपने परमेस्वर के सब दास के माथे मैं मुहर ना लगाए देमैं, तौले पृथ्वी, समुंदर या पेंड़न कै नुकसान मत पहुँचइयो।”

प्रकाश 8:7

पहलो स्वर्गदूत तुरहई फूँकी। खून से सने ओला और आगी पृथ्वी मैं बरसन लगे। और एक तिहाई पृथ्वी जल गई, और एक तिहाई पेंड़ और हरी घाँस एका एक जल गई।

प्रकाश 9:14

और अबाज के जरिया छठमें स्वर्गदूत से तुरहई फूँक कै कही, “बे चार स्वर्गदूतन कै छोड़ जो बड़ी नदिया फरात के पास बंधे भै हैं!”

प्रकाश 9:4

उनसे कहो गौ कि बे पृथ्वी की घाँस या पेंड़ या पौधन कै नुकसान न पहोंचामैं; बे सिरफ बे लोगन कै नुकसान पहोंचाय सकथैं जिनके माथे मैं परमेस्वर की मुहर को चिन्ह ना है।