मर्कूस 14:49 - परमेस्वर को सच्चो वचन

⁴⁹ मैं तौ सब दिन मंदिर मैं तुमरे संग रहकै उपदेस देत रहौं, तौ तुम मोकै नाय पकड़े: काहैकि ऐसो जहे ताहीं भौ कि पवित्र सास्त्र की बात पूरी होबै।”

राना थारु नयाँ नियम

⁴⁹ मए त रोजदिन यरूशलेमको मन्दिरमे तुमर सँग रहिके सिखात रहओं, और बो बेरा तुम मोके गिरफ्तार नाएकरे, पर जा जहेमारे भओ हए, कि पबित्र-शास्त्रमे लिखो भओ बचन पुरा होबए।”

मर्कूस 14:49 ပူးပေါင်းရင်းမြစ်များ

मत्ती 1:22

जब प्रभु भविस्यवक्ता के जरिया कही भइ बात कै पूरो करन के ताहीं जौ सब करी,

मत्ती 26:54

पर पवित्र सास्त्र की बे बातैं कि ऐसोई होनो जरूरी है, कैसे पूरी होंगी?”

मत्ती 26:55

बहे समय ईसु भीड़ से कही, “का तुम तलवार और लठिया लैकै मोकै डाँकुअन के हानी पकड़न के ताहीं निकरे हौ? मैं सब दिन मंदिर मैं बैठकै उपदेस देत रहौं, और तुम मोकै ना पकड़े।

मत्ती 26:56

पर जौ सब तभई भौ है, कि भविस्यवक्ता पवित्र सास्त्र मैं जो कुछ लिखो है बौ पूरो होबै।” तौ सब चेला बाकै छोड़कै भाज गै।

मर्कूस 10:1

फिर ईसु हूँना से उठकै यहूदिया की सीमा से यरदन नदिया के पार आओ। लोगन की भीड़ फिर से बाके झोने आई और बौ हमेसा तराहनी सिखान लागो।

मर्कूस 11:27

ईसु और बाके चेला फिरौंकी यरूसलेम मैं आए, और जब बे मंदिर मैं फिरत रहैं तौ मुखिया पुजारी और यहूदि नियम के सिक्छक और बड़े-बूढ़े बाके झोने आए कै पूँछन लगे,

मर्कूस 12:35

फिर ईसु मंदिर मैं उपदेस देत भइ जौ कही, “यहूदि नियम के सिक्छक काहे कहथैं कि मसीह दाऊद को लौड़ा है?”

मर्कूस 14:48

ईसु उनसे कहेन लागो, “का तुम डकैत जानकै मोकै पकड़न के ताहीं तलवार और लठिया लैकै निकरे हौ?

मर्कूस 14:50

तभईये बाके संग के सबै चेला बाकै छोड़कै भाज गै।

लूका 19:47

हर दिन ईसु मंदिर मैं सिक्छा देत रहै। बड़ो पुजारी, यहूदि नियम के सिक्छक और लोगन के नेता बाकै मारनो चहात रहैं,

लूका 22:37

काहैकि मैं तुमसे कहथौं कि जो व्यवस्था की किताब मैं लिखो है, ‘बौ अपराधिन के संग गिनो गौ,’ मेरे बारे मैं सच होनो चाहिए, काहैकि मेरे बारे मैं जो लिखो गौ रहै बौ सच हुई रौ है।”

यूहन्ना 10:23

और ईसु मंदिर मैं सुलैमान की डेहरी मैं घूँमत रहै।

यूहन्ना 18:20

ईसु उनकै जबाब दई, “मैं जौ दुनिया से खुलकै बात करो हौं; मैं सभाघरन मैं और मंदिर मैं, जहाँ पर सब यहूदि जुराए करत रहैं, हमेसा उपदेस दौ और लुके छुपे मैं कछु नाय कहो।

यूहन्ना 7:37

फिर त्योहार के आखरी दिन, जो खास दिन रहै, ईसु ठाड़गौ और चिल्लाए कै कही, “अगर कोई प्यासो होबै तौ मेरे झोने आबै और पीबै।

यूहन्ना 8:12

ईसु फिर फरीसियन से बात करी, “जौ दुनिया को उजियारो मैं हौं,” बौ कही। जो मेरे पच्छू हुई लेगो, बाके पास जिंदगी को उजीतो होगो और बौ कहु अंधियारे मैं नाय चलैगो।

यूहन्ना 8:2

और भोर होत खिना कि मंदिर मैं आए गौ, और सब जनी बाके झोने आए; और बौ हूँना बैठकै उनकै उपदेस देन लगो।