1 कोरिन्थी 14:34 - परमेस्वर को सच्चो वचन

³⁴ बईंय्यरैं कलीसिया की सभा मैं चुप बैठी रहमैं, उनकै बोलन को हक नाय है, लेकिन अदब मैं रहेन को नियम है, जैसे कि यहूदि सास्त्र मैं लिखोउ है।

राना थारु नयाँ नियम

³⁴ कुछ आदमीनको कहाइ जा हए, कि मण्डलीनकी बैयरनके चुप रहान चाहो और नाए सिखान चाहो। और कुछ औ आदमीनको कहाइ हए, कि बे बादबिबादमे भाग लेन नाए चाहो, काहेकी उनके बात करनको अनुमति नाए हए, पर अधिनमे रहानको आज्ञा हए: जैसे पबित्र-शास्त्रमे लिखो फिर हए।

1 कोरिन्थी 14:34 ပူးပေါင်းရင်းမြစ်များ

1 कोरिन्थी 11:13

अब तुम्हईं अजमावौ: का बईय्यर कै मूड़ उत्कार कै परमेस्वर से प्रार्थना करनो सोभा देथै?

1 कोरिन्थी 11:3

लेकिन मैं जौ चाहथौं कि तुम जौ जानलेबौ कि सब लोगन को मूड़ मसीह है, और बईय्यर को मूड़ लोग है और मसीह को मूड़ परमेस्वर है।

1 कोरिन्थी 11:5

और जो बईय्यर अपनो मूड़ उत्कार कै सार्वजनिक प्रार्थना मैं भविस्यवाँड़ी करथै, बौ अपने मूड़ की बेजती करथै, बौ टकली होन के बराबर है।

1 कोरिन्थी 14:21

जौ नियम मैं लिखो है: कि प्रभु कहथै “मैं दुसरी भासा बोलन बारेन के जरिया, और दुसरे मोहों से, जे आदमिन से बात करंगो भी, तहुँओं बे मेरी नाय सुनंगे।”

1 कोरिन्थी 14:35

अगर बे कुछ सिखनो चहामैं, तौ घरै अपने-अपने लोगा से पूँछै, बईंय्यरन को कलीसिया मैं बोलनो सरम की बात है।

इफिसियों 5:33

लेकिन जौ तुमरे ऊपर लागू है: सब लोगन कै अपनी बईय्यर से प्रेम करनो चाहिए, और सब बईंय्यरन कै अपने लोगा को आदर करनो चाहिए।

कलस्सी 3:18

अरे बईंय्यरौं, जैसो प्रभु मैं ठीक है, बैसिये अपने-अपने लोगा के अधीन रहबौ।

तीतुस 2:5

बे अपने बलबूते खड़ी और सुद्ध, घर को काम-काज करन बारी, भली और अपने लोगा के अधीन रहन बारी होमैं, ताकी कोई भी परमेस्वर के बचन की बुराई ना होबै।