ဗျာဒိတ်တော် 18:8 - ဓမ္မသစ်ကျမ်း ရခိုင်ဘာသာစကား

⁸ ဤအကြောင်းကြောင့် ရောဂါဘေး၊ ဝမ်းနည်းပူဆွီးခြင်းဘေး၊ အစာငတ်မွတ်ခေါင်းပါးခြင်းဘေးများသည် သူမ ပါး၌ တစ်ရက်အတွင်း ကျရောက်လာလိမ့်မည်။ သူမသည် မီးယှို့ခြင်းကို ခံရလိမ့်မည်။ အကြောင်းမူကား သူမအား တရားစီရင်တော်မူသော ထာဝရအသျှင် ဘုရားသခင်သည် တန်ခိုးကြီးတော်မူသောကြောင့် ဖြစ်သတည်း” ဟု ဆို၏။

ဗျာဒိတ်တော် 18:8 ပူးပေါင်းရင်းမြစ်များ

၁ ကောရိန္သု 10:22

ငါရို့သည် သခင်ဘုရားအား အမျက်တော်ကို ထွက်စီလိုကြသလော။ ငါရို့သည် သခင်ဘုရားထက် ပို၍တန်ခိုးကြီးကြသလော။

ဗျာဒိတ်တော် 11:17

“အတိတ်၊ ပစ္စုပ္ပန်ကာလရို့၌ ဟိတော်မူသော အနန္တတန်ခိုးနှင့် ပြည့်စုံတော်မူသော အသျှင်ဘုရားသခင်၊ ကိုယ်တော်သည် မိမိ၏ မဟာတန်ခိုးတော်ကို ယူဆောင်တော်မူလျက် လောကကို စတင်အုပ်စိုးတော်မူပြီဖြစ်၍ ကျေးဇူးတော်ကို ချီးမွမ်းပါ၏။

ဗျာဒိတ်တော် 17:16

သင်မြင်ရသော သားရဲနှင့် ဂြိုဆယ်ချောင်းရို့သည် ပြည့်တန်ဆာမကို မုန်းကြလိမ့်မည်။ သူရို့သည် သူမပါးမှ ဟိသမျှကို ချွတ်ယူလျက် အဝတ်မဟိဘဲ ဖြစ်စီကြလိမ့်မည်။ သူမ၏အသားကို စား၍ သူမကို မီးတိုက်ကြလိမ့်မည်။

ဗျာဒိတ်တော် 17:18

“သင်မြင်ရသည့် မိန်းမကား မြီကြီးထက်၌ဟိသော သျှင်ဘုရင်ရို့ကို အုပ်စိုးသော မြို့ကြီးဖြစ်သတည်း” ဟု ဆို၏။

ဗျာဒိတ်တော် 18:17

ဤစည်းစိမ်ဟိသမျှကို တစ်နာရီအတွင်း၌ ဆုံးယှုံးရပါသည်တကား” ဟု ငိုကြွီးကြလိမ့်မည်။ ခပ်သိမ်းသော သင်္ဘောသူကြီးများနှင့် ခရီးသည် အပေါင်းရို့သည် လည်းကောင်း၊ သင်္ဘောသားများနှင့် ရီကြောင်းကုန်သွယ်မှုကို ပြုကြသူအပေါင်းရို့သည် လည်းကောင်း အဝီးက ရပ်နိန်ကြ၏။

ဗျာဒိတ်တော် 18:19

သူရို့သည် မြီမှုန့်များကို မိမိရို့ဂေါင်းထက်၌ ကြဲဖြန့်လျက် “မဟာမြို့ကြီးသည်ကား ဖြစ်ရလေခြင်း၊ ဖြစ်ရလေခြင်း။ ပင်လယ်ကူး သင်္ဘောပိုင်သျှင် အပေါင်းကို ကြွယ်ဝချမ်းသာစီသော မြို့ကြီးသည် တစ်နာရီအတွင်း ဟိသမျှ ဆုံးယှုံးပါသည်တကား” ဟု ငိုကြွီးမြည်တမ်း ကြ၏။

ဗျာဒိတ်တော် 19:3

တဖန် ထိုသူရို့က “ဘုရားသခင်၏ ဂုဏ်တော်ကို ချီးမွမ်းကြလော့။ ထိုမြို့မှ မီးခိုးများသည် ထာဝရအစဉ်အဆက် လွင့်တက်လျက် ဟိ၏” ဟု ကြွေးကြော်၏။