ဗျာဒိတ်တော် 12:2 - ဓမ္မသစ်ကျမ်း ရခိုင်ဘာသာစကား

² သူမသည် မကြာမီ မွီးဖွားမည်ဖြစ်၍ မွီးဖွားခြင်း ဝေဒနာကိုခံကာ အော်နိန်၏။

ဗျာဒိတ်တော် 12:2 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 24:8

ဤအရာအားလုံးသည် သားဖွားခြင်းဝေဒနာ၏အစဦးသာ ဖြစ်သိမ့်၏။

ယောဟန် 16:21

အသျှေမွီးဖွားမည့် မိန်းမတစ်ယောက်သည် မွီးချိန် ရောက်လာသောအခါ နာကျင်ခြင်းဝေဒနာကို ခံစားရသောအချိန် ရောက်လာမည်ဖြစ်သောကြောင့် ဝမ်းနည်းရ၏။ သို့ရာတွင် အသျှေကို မွီးဖွားသောအခါ၌မူကား လောကထဲသို့ အသျှေတစ်ယောက်ကို မွီးဖွားပီးလိုက်ပြီဟူသော ဝမ်းမြောက်ခြင်းဖြင့် ထိုမိန်းမသည် မိမိ၏နာကျင်ခြင်းဝေဒနာကို မိ့လျော့လားလေ၏။

ဂလာတိ 4:19

ငါချစ်သော သားသမီးရို့၊ ခရစ်တော်၏ သဏ္ဍန်တော်ကို သင်ရို့သည် မရမချင်း ငါသည် အသျှေမွီးသည့် မိခင်ကဲ့သို့ တဖန် ဝေဒနာခံစားလျက် နိန်ရ၏။

ဂလာတိ 4:27

ကျမ်းစာတော်မြတ်၌၊ “အို၊ မြုံသောမိန်းမ၊ ဝမ်းမြောက်လော့။ အသျှေမွီးခြင်း ဝေဒနာကို မခံဘူးသောမိန်းမ၊ ဝမ်းသာစွာဖြင့် အသံရွှင့်၍ ကြွီးကြော်လော။ စွန့်ပစ်ခံထားရသော မိန်းမရို့သည် လင်ဟိသော မိန်းမတိထက်ပင် သားသမီးတိကို ရလိမ့်မည်” ဟု ဖော်ပြသောကြောင့်ဖြစ်၏။

ဗျာဒိတ်တော် 12:4

သူသည် အာကာပြင်၏ ကြယ်တာယာသုံးပုံ တစ်ပုံကို မိမိ၏မတုံးဖြင့် ဆွဲငင်၍ မြီကြီးထက်သို့ ပစ်ချလိုက်၏။ နဂါးကြီးသည် မွီးဖွားအံ့ဆဲဆဲဖြစ်သော မိန်းမ၏ရှိ့တွင် ရပ်လျက် မွီးဖွားသည်နှင့် တစ်ပြိုင်နက် သူမ၏သားငယ်ကို စားရန် စောင့်နိန်၏။