လုကာ 9:42 - ဓမ္မသစ်ကျမ်း ရခိုင်ဘာသာစကား

⁴² ထိုလူငယ် လာစဉ်မှာပင် နတ်ဆိုးသည်သူ့အား မြီကြီးထက်၌လှဲချပြီး မာတောင့်စီ၏။ ယေသျှုသည် နတ်ဆိုးအား အမိန့်ပီး၍ လူငယ်ကို ကျန်းမာစီတော်မူပြီးနောက် ဖခင်အား ပြန်လည် အပ်ပီးတော်မူ၏။

Northern Rakhine

⁴² ယင်းကလွေသျှေ လာနီစိုင်မာ မကောင်းဆိုးဝါးက သူ့ကို မြီထက်ကို လှဲချလိုက်ဗျာလ် တစ်ခန္ဓာလုံးကို တုန်လားစီပါရေ။ ယေကေလည်း ကိုယ်တော်ယေရှုက မကောင်းဆိုးဝါးကို ကလွေသျှေဘားက ထွက်လားဖို့ အမိန့်ပီးတော်မူပါရေ။ သူက အသျှေကို ကျိုင်းမာစီပြီးမှ သူ့အဖဘားကို ပြန်လို့ အပ်လိုက်ပါရေ။

လုကာ 9:42 ပူးပေါင်းရင်းမြစ်များ

လုကာ 7:15

သီသောသူသည် ထ၍ ထိုင်ပြီးလျှင် စကားပြောလေ၏။ ထို့နောက် ကိုယ်တော်သည် သူ့ကို မိခင်ပါးသို့ အပ်တော်မူ၏။

ဗျာဒိတ်တော် 12:12

သို့ဖြစ်၍ အချင်း ကောင်းကင်နှင့် ကောင်းကင်သားရို့၊ ဝမ်းမြောက်ရွှင်မြူးကြလော့။ သို့ရာတွင် ကုန်းမြီနှင့် ပင်လယ်ရို့အတွက် အမင်္ဂလာဖြစ်ပါသည် တကား။ အကြောင်းမူကား မာရ်နတ်သည် မိမိ၏နိ့ရက်ကာလသည် အနည်းချေသာ ကျန်ဟိသည်ကို သိသဖြင့် ပြင်းစွာအမျက်ထွက်လျက် သင်ရို့ထံသို့ ရောက်လာပြီ ဖြစ်သောကြောင့်တည်း” ဟူ၍ ဖြစ်၏။

လုကာ 9:39

နတ်ဝင်ပူးလို့ ရုတ်တရက် အော်ဟစ်တတ်ပါ၏။ နတ်က သူ့ကိုလှဲချ၍ မာတောင့်စီပြီးလျှင် ပါးစပ်မှအမြှုပ် ထွက်လာပါ၏။ နတ်ဆိုးက သူ့ကို နာကြင်အောင် နှိပ်စက်ပြီး ထွက်လားပါ၏။

မာကု 9:20

သူရို့သည် သူငယ်အား ယေသျှုထံသို့ ယူလာကြ၏။ ထိုဝိညာဉ်သည် ယေသျှုကို မြင်လျှင်မြင်ချင်း သူငယ်အား ပြင်းစွာတုန်တတ်စီပြီး မြီထက်သို့ လဲကျကာ လူးလိမ့်လျက် သူငယ်၏ပါးစပ်မှ အမြှုပ်ထွက်လျက် နိန်၏။

တမန်တော် 9:41

ပေတရုသည် သူမအား လက်ကိုကမ်းပြီးလျှင် ထရပ်နိုင်ရန် ဖေးမလေ၏။ ထို့နောက် မုဆိုးမများ အပါအဝင် ယုံကြည်သူများ အားလုံးကိုခေါ်၍ သူမ အသက်ရှင်လျက်ဟိကြောင်းကို ပြလေ၏။

လုကာ 9:41

ယေသျှုက “ယုံကြည်ခြင်းမဟိ၊ ဖောက်ပြန်တတ်သောလူတိ၊ ငါသည် သင်ရို့နှင့်အတူ ဇာအချိန်ထိကြာအောင် နီရမည်နည်း။ ဇာလောက်ထိ သည်းခံရမည်နည်း” ဟု မိန့်တော်မူ၏။ ထို့နောက် ထိုသူအား “သင်၏သားကို မ၍ ဤနီရာသို့ ယူလာလော့” ဟု မိန့်တော်မူ၏။

လုကာ 9:43

လူအပေါင်းရို့သည် ဘုရားသခင်၏ မဟာတန်ခိုးတော်ကို မြင်ရ၍ အံ့သြကြကုန်၏။ လူရို့သည် ယေသျှုပြုတော်မူခသော အမှုအရာများကြောင့် အံ့သြနိန်ကြစဉ်၊ ကိုယ်တော်က၊

ယောဟန် 6:19

တပည့်တော်ရို့သည် သုံး၊ လေးမိုင်ခန့် လှော်ခတ်ပြီးသောအခါ ယေသျှုသည် ရီထက်တွင် စက်တော်ဖြန့်၍ လောင်းအနားသို့ ကြွလာသည်ကို မြင်ကြသောကြောင့် သူရို့သည် ကြောက်လန့်ကြ၏။