လုကာ 23:2 - ဓမ္မသစ်ကျမ်း ရခိုင်ဘာသာစကား

² ထို့နောက် ထိုသူရို့က “ဤသူသည် ပြည်သူပြည်သားတိကို လှည့်ဖြား၍ ကဲသာဘုရင်အား အခွန်တော်မဆက်ကေ့ဟု တားမြစ်သည်ကို လည်းကောင်း၊ မိမိသည် မေသျှိယဆိုသော ဘုရင်တပါးဖြစ်ကြောင်း ပြောဆိုသည်ကို လည်းကောင်း အကျွန်ရို့ တွိ့ရပါ၏” ဟု ဆို၍ ကိုယ်တော့်ကို စတင်၍ စွပ်စွဲကြ၏။

Northern Rakhine

² ယင်းသူရို့က “ဒေလူက ကျွန်တော်ရို့၏တိုင်းသူပြည်သားတိကို တစ်ပတ်လိမ်ပနာ လှည့်စားနီစွာကို တွိ့ရပါရေ။ သူက ရောမဘုရင်ကြီးကို အခွန် မဆက်သဖို့ ပြောဗျာလ် ကိုယ့်ကိုယ်ကိုလည်း မေရှိယလို့ ခေါ်ရေ ဘုင်ရင်တစ်ပါးဖြစ်တေလို့ ပြောနီပါရေ” လို့ ပြောပနာ ကိုယ်တော်ကို စလို့ စွပ်စွဲကတ်ပါရေ။

Marmagyi

² အီသေ ဧကရာဇ်ရတ် အခွန် နိုသည်ဘတ်လိုက် မာနဂို့ရိ ဇေဂူးန်သေ အူဖာရ်ဂေါ်ရတ်သပ် မေရှိယဟောသတ် ရာဇာအို့ဂို့အို့ယေဘို့လိ ဟိုယေးနန့် မာနုချ်အောကောလောရတ် ဟောရက်ပ်ရက်ဆားမားသေ ဖိုရီဘတ်လိုက် ဂေါ်ရတ်သပ် အာင်ရ ဒေကိ" ဟိုးယ် ပိလတ်ရ်မောသည့် ကိုယ်တော်ရတ် ဒူချ်ဘာဇယေး။

လုကာ 23:2 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 17:27

သို့သော်လည်း ငါရို့သည် အခွန်ကောက်သောသူရို့ကို စော်ကားပြစ်မှားခြင်းငှာ အလိုမဟိ။ ထို့ကြောင့် အိုင်သို့ လား၍ ငါးမျှားခီ။ သင်သည် ပထမဆုံး မျှားလို့ရသည့်ငါးကို ဆွဲတင်၍ ထိုငါး၏ ပါးစပ်ကို ဖွင့်လိုက်လျှင် ငါနှင့် သင်ရို့၏ ဗိမာန်တော်အခွန်အတွက် လုံလောက်သော ဒင်္ဂါးတစ်ပြားကို တွိ့လိမ့်မည်။ ထိုဒင်္ဂါးကို ယူ၍ ငါ့ရို့အတွက် အခွန်ကို သူရို့အား ပီးလိုက်ကြ” ဟု မိန့်တော်မူ၏။

မဿဲ ရီးသားပြုစုထားသော ခရစ်တော်၏ သတင်းကောင်း 22:21

သူရို့က “ဧကရာဇ်မင်းကြီး၏ မျက်နှာပုံနှင့် နာမည်ပါ၏” ဟု လျှောက်ကြ၏။ ထို့ကြောင့် ယေသျှုက “ကောင်းယာ၊ ဧကရာဇ်မင်းကြီးပိုင်သောအရာကို ဧကရာဇ်မင်းကြီးအား ပီးကြ။ ဘုရားသခင်ပိုင်သောအရာကို ဘုရားသခင်အား ပီးကြ” ဟူ၍ မိန့်တော်မူလိုက်၏။

မဿဲ ရီးသားပြုစုထားသော ခရစ်တော်၏ သတင်းကောင်း 27:11

ထိုအချိန်၌ ယေသျှုသည် ရောမဘုရင်ခံ ရှိ့၌ ရပ်နိန်၏။ ရောမဘုရင်ခံက ကိုယ်တော်အား “သင်သည် ယုဒလူမျိုးတိ သျှင်ဘုရင်လား” ဟု မိန်း၏။ ယေသျှုက “မင်းကြီးပြောသည့်အတိုင်း ဖြစ်၏” ဟု ပြန်ပြော၏။

မာကု 12:17

ယေသျှုကလည်း “ဧကရာဇ်မင်းနှင့် သက်ဆိုင်သောအရာတိကို ဧကရာဇ်မင်းအား ဆက်သလော့။ ဘုရားသခင်နှင့် သက်ဆိုင်သောအရာကို ဘုရားအား ဆက်သလော့” ဟု မိန့်တော်မူလျှင်၊ သူရို့သည် အံ့သြကြ၏။

မာကု 15:2

ပိလတ်မင်းက “သင်သည် ယုဒသျှင်ဘုရင်ဆိုသည်မှာ မှန်သလော” ဟု ကိုယ်တော်အား မိန်းလေ၏။ ယေသျှုက “မင်းကြီးပြောသည့်အတိုင်း အမှန်ပင်ဖြစ်၏” ဟု မိန့်တော်မူ၏။

လုကာ 23:14

ထိုသူရို့အား “ဤသူသည် ပုန်ကန်ဖို့ တိုင်းသူပြည်သားတိကို လှုံ့ဆော်သူဖြစ်သည်ဆို၍ သင်ရို့က ဤသူ့ကို ငါ့အပါးသို့ ခေါ်လာကြ၏။ သင်ရို့ရှိ့၌ ငါ စစ်ဆေးခဗျာယ်။ ယေကေလေ့ သင်ရို့ဆိုသည်အတိုင်း ထိုသူ့ကို စွပ်စွဲနိုင်ရန် အပြစ်တစ်စုံတစ်ခုမျှ ငါမတွိ့။

လုကာ 23:5

သို့သော် ထိုသူရို့က “သူသည် ဂါလိလဲပြည်မှစ၍ ဤအရပ်ဒေသထိတိုင်အောင် ယုဒပြည်အနှံ့အပြား၌ ဟောပြောပြီးလျှင် ပြည်သူတိကို ရုန်းရင်းဆန်ခတ်ဖြစ်အောင် လှုံ့ဆော် နိန်ပါ၏” ဟု ပို၍ ကျယ်သောအသံဖြင့် တိုက်တွန်းပြောဆိုကြ၏။

ယောဟန် 18:29

ထို့ကြောင့် ပိလတ်သည် သူရို့ဟိရာ အိမ်အပြင်သို့ ထွက်ပြီးလျှင် “ဇာအပြစ်နှင့် စွပ်စွဲပြီးကေ ဤသူကို ခေါ်လာကြသနည်း” ဟု မိန်းသော်၊

ယောဟန် 18:30

“အကျွန်ရို့သည် ဤသူကို ပြစ်မှားခြင်း မဟိဘဲ ခေါ်လာကြသည် မဟုတ်ပါ” ဟု သူရို့က ပြောကြ၏။

ယောဟန် 19:12

ဤစကားကို ပိလတ်ကြားသောခါ၊ သူသည် ယေသျှုကို ပြန်လွှတ်ရန် ကြိုးစားပြန်၏။ သို့ရာတွင် ယုဒလူမျိုး အပေါင်းရို့က “ထိုသူအား လွှတ်ပီးလိုက်လျှင် မင်းကြီးသည် ဧကရာဇ်မင်း၏ မိတ်ဆွီ မဟုတ်ယာ၊ မိမိကိုယ်ကို ဘုရင်ဟု ဆိုသူသည် ဧကရာဇ်မင်း၏ ရန်သူသာ ဖြစ်ပါ၏” ဟု အော်ဟစ်ပြောဆိုကြ၏။

တမန်တော် 24:13

အကျွန့်ကို အဂု စွပ်စွဲသောအမှုများတွင် အချက်အလက်ကိုလည်း သူရို့သည် အသျှင်အား သက်သီမပြနိုင်ကြပါ။

တမန်တော် 24:5

အကျွန်ရို့သည် ဤသူကို အလွန် အန္တရာယ်ဟိသောသူအဖြစ် တွိ့မြင်ရပါ၏။ အကြောင်းမူကား၊ သူသည် အရပ်ရပ်၌ ဟိသော ယုဒလူမျိုးအပေါင်းရို့တွင် ရုန်းရင်းဆန်ခတ်မှု ပြုစီခြင်းငှာ လှုံ့ဆော်ပီးနိန်သော နာဇရက်ဂိုဏ်း၏ ဦးစီးခေါင်းဆောင်တစ်ဦးလည်း ဖြစ်ပါ၏။

ရောမ 13:7

ထို့ကြောင့်သင်ရို့သည် မိမိရို့ပီးစရာဟိသောအကြွီးများကို ပီးဆပ်ကြလော့။ မိမိရို့ ပိုင်ဆိုင်ကြသည့်အလျှောက် အကောက်ခွန်ကို ပီးကြလော့။ ရိုသီထိုက်သောသူတိကို ရိုသီကြလော့၊ ဂုဏ်ပြုထိုက်သောသူတိကို ဂုဏ်ပြုကြလော့။