လုကာ 11:42 - ဓမ္မသစ်ကျမ်း ရခိုင်ဘာသာစကား

⁴² “ဖာရိယှဲရို့၊ သင်ရို့သည် အမင်္ဂလာဟိကြ၏။ သင်ရို့သည် ဟင်းသီးဟင်းရွက်များနှင့် အခြားဆီးဖက်ဝင် အရွက်အမျိုးမျိုးကို ဆယ်ဖို့တစ်ဖို့ ပီးလှူကြသော်လည်း တရားသဖြင့်စီရင်ခြင်း၊ ဘုရားသခင်အား ချစ်ခြင်းတိကို ဥပေက္ခာပြုထားကြ၏။ အခြားအရာတိကို ဥပေက္ခာမပြုဘဲ၊ ဤအရာတိကို ကျင့်သုံးသင့်၏။”

Northern Rakhine

⁴² ဖာရိရှဲရို့၊ သင်ရို့က အမင်္ဂလာဟိကတ်တေ။ ဇာတွက်နန့်ဆိုကေ သင်ရို့က နုန်း၊ စမုန်စပါးနန့် အခြားဥယျာဉ်ထွက် ဟင်းသီးဟင်းရွက်တိကို ဆယ်ပုံတစ်ပုံ ဘုရားသျှင်ကို လှူဒါန်းကတ်ကေလည်း သင်ရို့က သူတစ်ပါးကို မတရားဆက်ဆံကတ်ပြီးကေ ဘုရားသျှင်ကိုလည်း သျှစ်ခင်မြတ်နိုးမှု မဟိကတ်ပါ။ သင်ရို့က ဘုရားသျှင်ကို ဆယ်ပုံတစ်ပုံ လှူဒါန်းရေအပြင် အရာလူတိကိုလည်း တရားမျှတစွာဆက်ဆံပြီးကေ ဘုရားသျှင်ကိုလည်း သျှစ်မြတ်နိုးရဖို့။

Marmagyi

⁴² ဖာရိရှဲအောကောလ်၊ သော်ရ ဒူကောသ်ဖို့ကျောစ်။ သော်ရ ဘောဂဝင့်နောရေ သော်ရရ် ဘာရီဆာသူးန် နန်လေသပ် လုံးဖားသာ့၊ လျှူရွက်ဖားသာ့ဒိခါးန် ဂူလာဂါအောကောလ် အေကီနိဂို့ရိ သာ(န်)ဂေါ်ရတ်။ သိုယ် သော်ရ မိုင်ရှဲရတ် လိမ်ဂိုရိယတ်နန့် ဘောဂဝင့်နောရေယိုး အာသော်ရ်နိုက်။ သော်ရ ဘောဂဝင့်နောရေ အေကီနိဂို့ရိ သာ(န်)ဂေါ်ရောသပ်အဲယူ(န်)ဘာဇေ မိုင်ရှဲရတ်ယိုး ဂင်ဂို့ရိ ဆက်ဆံဂိုရိ အာသော်ရ်ဂေါ်ရဖို့ရိဘို့။

လုကာ 11:42 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 23:23

“ကျမ်းတတ်ဆရာနှင့် ဖာရိယှဲတိ၊ သင်ရို့သည် အမင်္ဂလာဟိကြ၏။ သင်ရို့သည် သူတော်ကောင်းယောင်ဆောင်သောသူတိ ဖြစ်ကြ၏။ သင်ရို့သည် နှုန်း၊ စမုစပါး၊ ဇီယာ အစဟိသည့် ဟင်းမွှီးမဆလာတိမှာတောင်မှ ဘုရားသခင်ကို ဆယ်ဖို့တစ်ဖို့ ပီးကြ၏။ သို့ရာတွင် သင်ရို့သည် တရားမျှတမှု၊ သနားကရုဏာထားမှု၊ သစ္စာဟိမှုတည်းဟူသော သာ၍ အရေးကြီးသည့် ပညတ်တရားများကို ဘေးဖယ်ထားကတ်ပါကား။ ဦးစွာဖော်ပြသော ပညတ်တရားများကို ဘေးဖယ်မထားဘဲ နောက်ဖော်ပြသော ပညတ်တရားများကိုလည်း လက်တွိ့လိုက်နာအပ်၏။

လုကာ 18:12

အကျွန်သည် တစ်ပတ်တွင် နှစ်ရက် အစာယှောင်ပါ၏။ အကျွန်၏ ဝင် ငွီအားလုံးထဲက ဆယ်ဖို့တစ်ဖို့ကို ပီးလှူပါ၏’ ဟူ၍ ဖြစ်၏။

၁ ယောဟန် 4:20

ဘုရားသခင်ကို ချစ်သည်ဟု ဆိုလျက် ညီအစ်ကိုမောင်နှမကို မုန်းသောသူသည် လိမ်လည်သောသူ ဖြစ်၏။ ဇာကြောင့်ဆိုသော် မျက်စိဖြင့်မြင်ရသော ညီအစ်ကိုမောင်နှမကို မချစ်နိုင်သောသူသည် မျက်စိဖြင့်မမြင်ရသည့် ဘုရားသခင်ကို မည်သို့ ချစ်နိုင်ပါမည်နည်း။

မဿဲ ရီးသားပြုစုထားသော ခရစ်တော်၏ သတင်းကောင်း 23:27

“ကျမ်းတတ်ဆရာတိနှင့် ဖာရိယှဲတိ၊ သင်ရို့သည် အမင်္ဂလာဟိကြ၏။ သင်ရို့သည် သူတော်ကောင်းယောင်ဆောင်သောသူတိ ဖြစ်ကြ၏။ သင်ရို့သည် ထုံးဖြူသုတ်ထားသည့်သင်္ချိုင်းအုတ်ဂူနှင့် တူ၏။ သင်္ချိုင်းအုတ်ဂူသည် အပြင်ဖက်က လှပသယောင်ဟိသော်လည်း အတွင်း၌ကား လူသီကောင်ရို့၏အရိုးတိ၊ အညစ်အကြေးတိနှင့် ပြည့်နိန်၏။

ယောဟန် 5:42

သို့သော် သင်ရို့သည် ဇာပိုင် လူအမျိုးအစား ဖြစ်ခြင်းကို လည်းကောင်း၊ သင်ရို့၏စိတ်နှလုံး၌ ဘုရားသခင်ကို ချစ်ခြင်းမဟိသည်ကို လည်းကောင်း ငါသိ၏။

မဿဲ ရီးသားပြုစုထားသော ခရစ်တော်၏ သတင်းကောင်း 23:13

“ကျမ်းတတ်ဆရာတိနှင့် ဖာရိယှဲတိ၊ သင်ရို့သည် အမင်္ဂလာဟိကြ၏။ သင်ရို့သည် သူတော်ကောင်းယောင်ဆောင်သောသူတိ ဖြစ်ကြ၏။ သင်ရို့သည် ကောင်းကင်နိုင်ငံတန်းခါးပေါက်ကို လူတိရှိ့က ပိတ်ထားကြ၏၊ သင်ရို့သည် ကိုယ်တိုင်လည်းမဝင်၊ ဝင်ဖို့ ကြိုးစားနိန်သော သူတိကိုလည်း ဝင်ခွင့်မပြုကြ။