ယောဟန် 20:13 - ဓမ္မသစ်ကျမ်း ရခိုင်ဘာသာစကား

¹³ သူရို့က “အို မိန်းမ၊ သင်သည် ဇာကြောင့် ငိုနိန်သနည်း” ဟု မိန်းကြသော်၊ “အကျွန်၏ သခင်ဘုရားကို ယူလားကြသောသူရို့သည် ထိုအသျှင်အား ဇာနီရာမှာ ထားသည်ကို အကျွန် မသိလို့ပါ” ဟု သူမက ဆို၏။

ယောဟန် 20:13 ပူးပေါင်းရင်းမြစ်များ

လုကာ 24:17

ယေသျှုက သူရို့အား “သင်ရို့ ခရီးလားယင်းနန့် ဇာအကြောင်းကို ပြောနိန်ကြသနည်း” ဟု မိန်းတော်မူ၏။ သူရို့သည် မျက်နှာညှိုးငယ်လျက် ထိုနီရာတွင် ရပ်နိန်ကြ၏။

ယောဟန် 19:26

ယေသျှုသည် ထိုနီရာ၌ မတ်တပ်ရပ်နိန်ကြသည့် သူ၏မိခင်နှင့် သူချစ်သော တပည့်တော် တစ်ယောက်ကို မြင်သောအခါ ကိုယ်တော်က မယ်တော်အား “သူသည် မယ်တော်၏သားဖြစ်၏” ဟု မိန့်တော်မူ၏။

ယောဟန် 2:4

ယေသျှုကလည်း “မယ်တော်၊ ဇာအမှုကို ပြုရမည်ကို ငါ့အား မပြောပါကေ့။ ငါ့အချိန်မရောက်သိမ့်” ဟု မိန့်တော်မူ၏။

ယောဟန် 20:15

“အသင် မိန်းမ၊ ဇာဖြစ်လို့ ငိုနိန်သနည်း၊ ဇာသူ့ကို ရှာနိန်သနည်း” ဟု ယေသျှုက မိန်း၏။ သူမသည် ကိုယ်တော်အား ဥယျာဉ်စောင့်တစ်ယောက်ဖြစ်သည်ဟု ထင်မှတ်လျက် “ဆရာ၊ သင်သည် သူ့ကို ယူလားသောသူဖြစ်လျှင် ဇာနီရာမှာ ထားသည်ကို အကျွန့်ကို ပြောပြပါ၊ အကျွန်သည် သူ့ကို လား၍ ယူပါမည်” ဟု ပြောလေ၏။

ယောဟန် 20:2

သူမသည် သျှိမုန်ပေတရုနှင့် ယေသျှုချစ်သော တပည့်တော်ပါးသို့ ဗြီးလား၍ “သူရို့သည် သခင်ဘုရားအလောင်းကို သင်္ချိုင်းဂူထဲက ထုတ်ယူလားခယာ၊ ဇာနီရာမှာ ထားကြသည်ကို အကျွန်ရို့ မသိပါ” ဟု ပြော၏။

တမန်တော် 21:13

သို့ရာတွင် ပေါလုက၊ “သင်ရို့သည် ဇာကြောင့် ဤပိုင် ငိုယိုပြီးလျှင် ငါ့နှလုံးကို ကြီကွဲအောင် လုပ်နိန်ကြသနည်း။ ငါသည် အသျှင်ယေသျှု၏ နာမအဖို့အလို့ငှာ ယေရုဆလင်မြို့၌ တုပ်နှောင်ခံရန် သာမက အသီခံရန်ပင် အသင့်ဟိ၏” ဟု ပြန်ပြောလေ၏။