ယောဟန် 19:14 - ဓမ္မသစ်ကျမ်း ရခိုင်ဘာသာစကား

¹⁴ ထိုနိ့ကား ပသခါပွဲနိ့အတွက် ပျင်ဆင်နိန်ရသော အဖိတ်နိ့ မွန်းတည့်ချိန် ဖြစ်၏။ ပိလတ်က ယုဒလူအပေါင်းရို့အား “ဤသူကား သင်ရို့၏ သျှင်ဘုရင်” ဟု ပြော၏။

ယောဟန် 19:14 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 27:45

မွန်းတည့်ချိန်မှစ၍ မွန်းလွဲသုံးချက်တီးချိန်ထိတိုင်အောင် မြီကြီးတစ်ပြင်လုံး မှောင်မိုက်အတိ ဖြစ်လားလေ၏။

မဿဲ ရီးသားပြုစုထားသော ခရစ်တော်၏ သတင်းကောင်း 27:62

နောက်တစ်နိ့ ဥပုသ်နိ့ရောက်လာသောအခါ ယဇ်ပုရောဟိတ်အကြီးအကဲတိနှင့် ဖာရိယှဲတိသည် ပိလတ်မင်းထံသို့ လား၍

မာကု 15:25

ကိုယ်တော်အား လက်ဝါးကပ်တိုင်ထက်တွင် ရိုက်ထားသောအချိန်ကား မိုးထဖက် ကိုးနာရီအချိန်၌ ဖြစ်၏။

မာကု 15:42

ထိုနိ့ကား အဖိတ်နိ့ဖြစ်၏။ ညအချိန် ရောက်သောအခါ၊ အသရေဟိသော လွှတ်အရာဟိ၊ အရိမဿဲမြို့သား ယောသပ်သည် ဘုရားသခင်၏ နိုင်ငံတော်ကို မျှော်လင့်နိန်သော သူဖြစ်သည်အလျောက်၊ ပိလတ်မင်းထံသို့ ရဲရင့်စွာ ဝင်ပြီးလျှင် ယေသျှု၏အလောင်းတော်ကို တောင်းလေ၏။

လုကာ 23:44

ထိုအချိန်သည် မွန်းတည့်အချိန်ဖြစ်၍ သုံးချက်တီးအချိန်တိုင်အောင် မြီတပြင်လုံး၌ အလင်းကွယ်ပျောက်၍ မှောင်မိုက်အတိ ဖြစ်လေ၏။ ဗိမာန်တော်ကန့်လန့်ကာသည်လည်း နှစ်ခြမ်းကွဲလေ၏။

လုကာ 23:54

ထိုနိ့ကား သောကြာနိ့ဖြစ်၍ ဥပုသ်နိ့ကိုကူးရန် အချိန်နီးပေ၏။

ယောဟန် 19:3

ကိုယ်တော်ထံသို့ ချဉ်းကပ်ကြပြီးလျှင် “ယုဒသျှင်ဘုရင် အသက် ရှည်ပါစီ” ဟု ပြောကာ ပါးကို သတ်ကြ၏။

ယောဟန် 19:42

ယုဒလူမျိုး၏ အဖိတ်နိ့ဖြစ်သောကြောင့် သူရို့နှစ်ယောက်သည် ယေသျှု၏ အလောင်းတော်ကို ယူ၍ အနီးအနားတွင်ဟိသော ထိုသင်္ချိုင်းဂူထဲ၌ သွင်းထားကြလေ၏။

ယောဟန် 19:5

ယေသျှုသည် နီမောင်းသော ဝတ်ရုံကို ဝတ်ဆင်လျက်၊ ဆူးဖြင့် ယက်လုပ်ထားသည့် သရဖူကို ဆောင်း၍ ထွက်လာသောအခါ ပိလတ်မင်းက “ဤသူပင် ဖြစ်၏” ဟု သူရို့အား ဆိုလေ၏။