ဟေဗြဲ 2:6 - ဓမ္မသစ်ကျမ်း ရခိုင်ဘာသာစကား

⁶ ကျမ်းချက် တစ်ချက်၌ ဆိုထားသည်မှာ၊ “အို၊ ဘုရားသခင် လူသားသည် ဇာပိုင်သူတိဖြစ်လို့ ကိုယ်တော်သည် သူ့အကြောင်းကို စဉ်းစားနိန်ပါလဲ။ သူ့ကို ဂရုစိုက်နိန်ရပါလဲ။

ဟေဗြဲ 2:6 ပူးပေါင်းရင်းမြစ်များ

လုကာ 1:68

“ဣသရေလအမျိုးသားရို့၏အသျှင် ဘုရားသခင်သည် မင်္ဂလာဟိစီသတည်း။ အကြောင်းမူကား ကိုယ်တော်သည် သူ၏လူမျိုးကို ကူညီမစဖို့ရန် ကြွလာတော်မူ၍ သူရို့ကို ရွီးနုတ်တော်မူဗျာယ်။

လုကာ 1:78

အကျွန်ရို့ ဘုရားသခင်သည် သနားခြင်းကရုဏာနှင့် ပြည့်ဝတော်မူ၏။ ကိုယ်တော်၏ ကယ်တင်ခြင်း ကျေးဇူးတော်သည် ကောင်းကင်မှ နီ၏အရောင်ကဲ့သို့ အကျွန်ရို့အထက်၌ ထွန်းလင်းစီတော်မူပြီးလျှင်၊

လုကာ 7:16

လူအပေါင်းရို့သည် ကြောက်ရွံ့လျက် ဘုရားသခင်ကို ချီးမွမ်းကြ၏။ သူရို့က “ငါရို့ထဲ၌ ပရောဖက်ကြီးတစ်ပါး ပေါ်ထွန်းယာ၊ ဘုရားသခင်သည် သူ့လူတိကို ကယ်တင်ဖို့ ကြွလာတော်မူယာ” ဟု ပြောဆိုကြ၏။

၁ သက်သာလောနိတ် 4:6

ဤကိစ္စတွင် သင်ရို့သည် ညီအစ်ကိုမောင်နှမအချင်းချင်း၌ ပြစ်မှားခြင်း၊ အခွင့်ကောင်းယူခြင်းကို မပြုကတ်ကေ့။ ငါရို့သည် သင်ရို့အား အယင်က ပြောဆိုခသည့်အတိုင်း သခင်ဘုရားသည် ထိုသို့ ပြစ်မှားသောသူရို့အား အပြစ်ဒဏ် စီရင်တော်မူမည်ဖြစ်ကြောင်း သင်ရို့အား ပြင်းထန်စွာ သတိပီးလိုက်၏။

ဟေဗြဲ 4:4

သတ္တမနိ့ရက်နှင့် ပတ်သက်၍ ကျမ်းစာလာသည်ကား “ဘုရားသခင်သည် သတ္တမနိ့တွင် မိမိ၏လုပ်ဆောင်မှုအားလုံးကို ရပ်တန့်ပြီး ငြိမ်ဝပ်စွာအနားယူနိန်လေ၏” ဟူ၍ ဖြစ်၏။

ဟေဗြဲ 5:6

ဘုရားသခင်က အခြားသောကျမ်းချက်၌ မိန့်တော်မူခသည်မှာ၊ “သင်သည် မေလခိဇေဒက် ယဇ်ပုရောဟိတ်မင်း အရာ၌၊ ထာဝရယဇ်ပုရောဟိတ်မင်း တစ်ပါးဖြစ်လိမ့်မည်” ဟူ၍ ဖြစ်၏။

၁ ပေတရု 1:11

မည်သည့်အချိန်၌ မည်သို့ ပေါ်ပေါက်လာမည်ကို သူရို့သည် ကြိုးစား၍ ရှာဖွီခကြ၏။ သူရို့အထဲ၌ဟိသော ခရစ်တော်၏ ဝိညာဉ်တော်က ဤကာလတွင် ခရစ်တော်ခံရမည့် ဝေဒနာနှင့် ထိုသို့ ခံတော်မူပြီးနောက် ပေါ်ထွန်းလာမည့် ဘုန်းတော်ကို ကြိုတင်၍ ဖော်ပြခ၏။