ဂလာတိ 2:12 - ဓမ္မသစ်ကျမ်း ရခိုင်ဘာသာစကား12 ယာကုပ် စီရွှတ်လိုက်သော လူတချို့မရောက်ခင် ပေတရုသည် လူမျိုးခြား ယုံကြည်သူတိနှင့်အတူ စားသောက်လျက်နိန်၏။ ယေဒါလည်း ထိုသူရို့ ရောက်လာသောအခါကား လူမျိုးခြား ယုံကြည်သူတိနှင့် ပေါင်းဖော်စားသောက်ခြင်းကို မပြုယာ။ ဇာကြောင့်ဆိုသော် သူသည် အရီဖျားလှီးခြင်းမင်္ဂလာကို ခံသော သူရို့အား ကြောက်သောကြောင့် ဖြစ်၏။ အခန်းကိုကြည့်ပါ။ |
သို့ရာတွင် သူရို့သည် မှန်သော ဧဝံဂေလိတရားနှင့်အညီ ဖြောင့်မတ်စွာ လျှောက်လှမ်းမှုမဟိသည်ကို ငါမြင်သောအခါ သူရို့အားလုံးရှိ့တွင် ပေတရုအား “သင်သည် ယုဒအမျိုးသားဖြစ်လျက်ပင် ယုဒလူမျိုးကဲ့သို့မဟုတ်ဘဲ တခြားလူမျိုးကဲ့သို့ ပြုမူနီထိုင်လျက်ဟိ၏။ သို့သော်လည်း တခြားလူမျိုးရို့အား ယုဒလူမျိုးကဲ့သို့ အသက်ရှင်နီထိုင်ရန် ဇာကြောင့် အတင်းအားဓမ္မ ပြုရပါသနည်း” ဟု မိန်း၏။
ခေါင်းဆောင်တိဖြစ်ကြသည့် ယာကုပ်၊ ပေတရုနှင့် ယောဟန်ရို့က ငါ့အား ဘုရားသခင်ပီးတော်မူသော အခွင့်ထူးကို အသိမှတ်ပြုကြ၏။ ထို့ကြောင့် ငါရို့အားလုံးသည် လုပ်ဖော်ဆောင်ဖက်များ ဖြစ်ကြသည့်အနိန်ဖြင့် သူရို့သည် ဗာနဗနှင့် ငါ့အား လက်ဆွဲနုတ်ဆက်ကြ၏။ သူရို့သည် ယုဒလူမျိုးကြား၌ လည်းကောင်း၊ ဗာနဗနှင့် ငါ့အား တခြားလူမျိုးတိကြား၌ လည်းကောင်း လုပ်ဆောင်ကြရန် ငါရို့သဘောတူကြ၏။