ဂလာတိ 1:9 - ဓမ္မသစ်ကျမ်း ရခိုင်ဘာသာစကား

⁹ အယင်က ငါရို့ ပြောခသည့်အတိုင်း အဂုလည်း ထပ်၍ ငါပြောဆို၏။ အကယ်၍ ဇာသူမဆို သင်ရို့လက်ခံခပြီးဖြစ်သည့် သတင်းကောင်းနှင့် ကွဲပြားခြားနားသည့်အရာကို ဟောပြောလျှင် ထိုသူသည် ဘုရားသခင်၏ ကျိန်ခြင်းကိုခံစီ။

ဂလာတိ 1:9 ပူးပေါင်းရင်းမြစ်များ

တမန်တော် 18:23

သူသည် ထိုမြို့၌ အင်တန်ကြာ နီထိုင်ပြီးနောက် ထွက်ခွာလာပြီးလျှင် ယုံကြည်သူအပေါင်းရို့အား ခွန်အားပီးယင်း ဂလာတိနယ်နှင့် ဖြူဂိနယ် တစ်လျှောက်လုံး၌ လှည့်လည်ခလေ၏။

ရောမ 16:17

ငါ၏ညီအစ်ကို မောင်နှမရို့၊ သင်ရို့ ခံယူထားသော သြဝါဒတိနှင့် ဆန့်ကျင်လျက် ယုံကြည်ခြင်းကို လွဲမှားစီပြီးလျှင် စိတ်ဝမ်းကွဲပြားအောင် လုပ်ဆောင်လျက်ဟိကြသော သူရို့ကို သတိထားကြလော့။ ထိုသို့သော သူရို့ကို ယှောင်ယှားကြရန် သင်ရို့ကို ငါ တိုက်တွန်းနှိုးဆော်၏။

ရောမ 9:3

အကြောင်းမှာ ငါ့အသွီးအသားဖြစ်သော ငါ၏လူမျိုးတိ အကျိုးအတွက် ငါ ကိုယ်တိုင် ခရစ်တော်နှင့် ကွဲကွာ၍ ဘုရားသခင်၏ကျိန်ခြင်းကိုပင် ခံလိုသော ဆန္ဒဟိ၏။

၂ ကောရိန္သု 1:17

ထိုသို့ ကြံစည်ခခြင်းမှာ ငါသည် ပေါ့ဆီပေါ့ဆ လုပ်ခသလား။ ငါ၏ ကြံစည် ဆုံးဖြတ်သည့်အခါများ၌ တစ်ကိုယ်ကောင်းသဘောဆန်၍ ကြံစည်ဆုံးဖြတ်သလား။ တစ်ချိန်တည်းမှာပင် “ဟုတ်မှန်၏” “မဟုတ်မှန်၏” ဟူ၍ စကားနှစ်ခွ ပြောခသလား။

ဖိလိပ္ပိ 3:1

ညီအစ်ကိုမောင်နှမရို့၊ ကျန်ဟိသောစကား ဟူမူကား သခင်ဘုရားနှင့် တစ်လုံးတစ်ဝတည်းဖြစ်လျက် ဝမ်းမြောက် ကြလော့။ အယင်က ငါ ရီးသားဖော်ပြပြီးသော အကြောင်းအရာများကို အဂု ထပ်မံ၍ ဖော်ပြရသော်လည်း ငါသည် မပင်ပန်း။ သင်ရို့ ပို၍ လုံခြုံစီရန် ဖြစ်၏။

ဖိလိပ္ပိ 4:4

သင်ရို့သည် သခင်ဘုရား၌ ဝမ်းမြောက်ကြလော့။ တဖန် ငါဆိုသည်ကား၊ ဝမ်းမြောက်ကြလော့။