တမန်တော် 11:3 - ဓမ္မသစ်ကျမ်း ရခိုင်ဘာသာစကား

³ “သင်သည် အရီဖျားလှီးခြင်းကို မခံသော တခြားလူမျိုးတိ အိမ်၌ အဂန္တုတစ်ယောက်အဖြစ်ဖြင့် လည်ပတ်ပြီးလျှင် သူရို့နှင့် အတူ စားသောက်ပါသည်တကား” ဟု ပေတရုအား အပြစ်တင်ဝေဖန်ကြ၏။

တမန်တော် 11:3 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 9:11

ထိုအမှုအရာကို ဖာရိယှဲရို့သည် မြင်သောအခါ “သင်ရို့ဆရာသည် ဤသို့သောသူတိနှင့်အတူ ဇာကြောင့် စားသောက်နိန်သနည်း” ဟု တပည့်တော်ရို့အား မိန်းကြ၏။

လုကာ 15:2

ဖာရိယှဲနှင့် ကျမ်းတတ်ဆရာရို့က “ဤသူသည် အပြစ်သားတိကို လက်ခံပြီးလျှင် သူရို့တိနှင့်အတူ စားသောက် နိန်ပါသည်တကား” ဟု စတင်၍ ညည်းတွားပြောဆိုကြ၏။

ယောဟန် 18:28

မိုးထစောစောတွင် ယေသျှုကို ကယာဖအိမ်မှ ဘုရင်ခံ၏ အိမ်တော်သို့ ယူဆောင်လားကြ၏။ ယုဒဘာသာရေး ခေါင်းဆောင်ရို့သည် ပသခါပွဲကို ခံယူခြင်းငှာ ဘာသာတရားဆိုင်ရာ ညစ်ညူးခြင်း မဖြစ်စီခြင်းငှာ အိမ်တော်ထဲသို့ သူရို့ကိုယ်တိုင် မဝင်ကြပေ။

တမန်တော် 10:23

ပေတရုသည် ထိုလူတိကို အိမ်ထဲသို့ ဖိတ်ခေါ်၍ ထိုအိမ်၌ ညအိပ်ရန် ပြော၏။ နောက်တစ်နိ့တွင် ပေတရုသည် အသင့်ပျင်ဆင်၍ ထိုသူရို့နှင့်အတူ လိုက်လားလေ၏။ ယုပ္ပေမြို့မှ ယုံကြည်သူတချို့လည်း ပေတရုနှင့်အတူ လိုက်ပါကြ၏။

တမန်တော် 10:28

ပေတရုက ထိုသူရို့အား “ယုဒလူမျိုးတစ်ယောက်သည် သူ၏ ဘာသာရေးအရ တခြားလူမျိုးတိပါးသို့ လည်ပတ်ခြင်း၊ မိတ်ဖွဲ့ခြင်း ထုံးစံမဟိသည်ကို သင်ရို့ကိုယ်တိုင် ကောင်းကောင်း သိကြပါ၏။ သို့ရာတွင် ဇာသူ့ကိုမျှ ဘာသာရေးအရ မသန့်ယှင်း၊ မစင်ကြယ် ဟူ၍ မထင်မှတ်ရဟု ဘုရားသခင်က ငါ့ကို သင်ပြထားပြီးဖြစ်၏။

တမန်တော် 10:32

သို့ဖြစ်၍ တစ်စုံတစ်ယောက်သောသူအား ယုပ္ပေမြို့သို့ စီရွှတ်၍ သျှိမုန် ပေတရု ဟု နာမည်တွင်သော လူတစ်ယောက်ကို ခေါ်ခိုင်းလိုက်ပါ။ ထိုသူသည် ပင်လယ်ကမ်းနားမှာ နီထိုင်သည့် သားရီနယ်လုပ်သား သျှိမုန်၏အိမ်တွင် တည်းခိုနိန်သော အာဂန္တုတစ်ယောက်ဖြစ်သည်’ ဟု ပြောဆို၏။

တမန်တော် 10:48

ပေတရုက သူရို့ကို ယေသျှုခရစ်တော်၏ နာမတော်မြတ်၌ ဗတ္တိဇံပီးခြင်းငှာ စီစဉ်၏။ ထို့နောက် သူရို့က ပေတရုအား သူရို့နှင့်အတူ ရက်အတန်ကြာ နီထိုင်ရန် တောင်းပန်ကြ၏။

၁ ကောရိန္သု 5:11

သင်ရို့ ယှောင်ရမည့်လူများမှာ မိမိကိုယ်ကို ယုံကြည်သူဟုဆိုလျက် မေထုန်လိုက်စားသောသူတိ၊ လောဘလွန်ကျူးသောသူတိ၊ ရုပ်တုဆင်းထုကိုးကွယ်သောသူတိ၊ အတင်းပြောသောသူတိ၊ ယစ်မူးမျိုးကိုသောက် ကြူးသောသူတိ၊ သူခိုးတိ ကို ဆိုလို၏။ ထိုသို့သော လူရို့နှင့်အတူ စားသောက်ခြင်းကိုပင် မပြုကတ်ကေ့။

ဂလာတိ 2:12

ယာကုပ် စီရွှတ်လိုက်သော လူတချို့မရောက်ခင် ပေတရုသည် လူမျိုးခြား ယုံကြည်သူတိနှင့်အတူ စားသောက်လျက်နိန်၏။ ယေဒါလည်း ထိုသူရို့ ရောက်လာသောအခါကား လူမျိုးခြား ယုံကြည်သူတိနှင့် ပေါင်းဖော်စားသောက်ခြင်းကို မပြုယာ။ ဇာကြောင့်ဆိုသော် သူသည် အရီဖျားလှီးခြင်းမင်္ဂလာကို ခံသော သူရို့အား ကြောက်သောကြောင့် ဖြစ်၏။

၂ ယောဟန် 1:10

ထိုတရားတော်ကို မသွန်သင်သောသူသည် သင်ရို့ပါးသို့ ရောက်လာလျှင် သင်ရို့အိမ်တွင် လက်မခံကတ်ကေ့။ သင်ရို့၌ “ငြိမ်သက်ခြင်း ဟိပါစီ” ဟု နှုတ်မဆက်ကတ်ကေ့။