၂ သက်သာလောနိတ် 3:4 - ဓမ္မသစ်ကျမ်း ရခိုင်ဘာသာစကား

⁴ သင်ရို့သည် ငါရို့ မှာကြားခသည့်အရာများကို ဆောင်ရွက်လျက်နိန်ကြသည့် အပြင် ဆက်လက်၍လည်း ဆောင်ရွက်ကြလိမ့်မည်ဟု သခင်ဘုရားကို အမှီပြု၍ ငါရို့သည် သင်ရို့အား ယုံကြည်စိတ်ချလျက် ဟိကြ၏။

၂ သက်သာလောနိတ် 3:4 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 28:20

ငါသည် သင်ရို့အား ပီးထားသမျှသော ပညတ်တော်တိကို စောင့်ထိန်းကြစီခြင်းငှာ သူရို့အား ဆုံးမဩဝါဒ ပီးကြလော့။ ငါသည် ကပ်ကမ္ဘာ ကုန်သည့်တိုင်အောင် သင်ရို့နှင့်အတူ အမြဲတမ်း ဟိနိန်လိမ့်မည်” ဟု မိန့်တော်မူ၏။

ရောမ 15:14

ငါ၏ညီအစ်ကိုမောင်နှမရို့၊ သင်ရို့သည် ကောင်းသောအကျင့်များနှင့်လည်းကောင်း၊ အသိပညာဗဟုသုတနှင့်လည်းကောင်း တစ်ဦးကို တစ်ဦး သင်ကြားပီးနိုင်သော အရည်အချင်းနှင့်လည်းကောင်း ပြည့်စုံကြသည်ဟု ငါ ကိုယ်တိုင် အမှန် ယုံကြည်၏။

ရောမ 15:18

ဘုရားသခင်အား တခြားလူမျိုးတိ လိုက်နာလာရန် ခရစ်တော်သည် ငါ့အားဖြင့် ပြုတော်မူသမျှတိကိုသာ ငါသည် ရဲဝံ့စွာပြော၏။ ထိုသို့ လိုက်နာလာကြစီခြင်းငှာ ခရစ်တော်သည် ငါ့အား နှုတ်တော်ထွက် မိန့်တော်မူချက်များဖြင့်လည်းကောင်း၊ လက်တွိ့ လုပ်ဆောင်မှုများဖြင့်လည်းကောင်း၊

ရောမ 2:7

ကောင်းသောအကျင့်ကို အမြဲကျင့်လျက် ဘုန်းတန်ခိုးတော်နှင့် ဂုဏ်တော်ကို လည်းကောင်း၊ ဖေါက်ပြန် ပျက်စီးခြင်းမဟိသောအသက်ကို လည်းကောင်း ရှာသော သူရို့အား ဘုရားသခင်က ထာဝရအသက်ကို ပီးတော်မူလိမ့်မည်။

၁ ကောရိန္သု 14:37

မိမိကိုယ်ကို ဘုရားသခင်၏ သတင်းစကား ဟောပြောသောသူ ဖြစ်သည်ဟူ၍ လည်းကောင်း၊ ဝိညာဉ်ဆုကျေးဇူး ရဟိသောသူဖြစ်သည်ဟူ၍ လည်းကောင်း ထင်မှတ်သောသူသည်ကား ယခု ငါရီးလိုက်သော စာသည် သခင်ဘုရား၏ ပညတ်ဖြစ်ကြောင်း သိမှတ်စီ။

၁ ကောရိန္သု 7:19

အရီဖျားလှီးခြင်း ခံယူသည် မခံယူသည်မှာ အဓိကမဟုတ်ပေ။ ဘုရားသခင်၏ ပညတ်ချက်များကို နာခံလိုက်လျှောက်ခြင်းသာ အဓိကဖြစ်၏။

၂ ကောရိန္သု 2:3

ငါလာသောအခါ ငါ့ကို စိတ်ရွှင်လန်းစီမည့်သူများက ငါ့အား ဝမ်းနည်းစီမည်ကို စိုးရိမ်၍ ဤစာကို ရီး၍ ပီးလိုက်ခြင်းဖြစ်၏။ ငါပျော်ရွှင်လျှင် သင်ရို့သည်လည်း ပျော်ရွှင်ကြမည်ကို ငါအမှန် ယုံကြည်၏။

၂ ကောရိန္သု 2:9

ထိုစာကို ရီးသားခရသည့်အကြောင်းမှာ သင်ရို့သည် စုံစမ်းခြင်းကို ခံနိုင်ရည်ဟိစီခြင်းငှာ လည်းကောင်း၊ ငါ၏ ညွှန်ကြားချက်များကို နာခံမှု ဟိစီခြင်းငှာ လည်းကောင်း သိလို၍ ဖြစ်၏။

၂ ကောရိန္သု 8:22

သို့ဖြစ်၍ ငါရို့သည် ထိုသူရို့နှင့်အတူ အခြားညီအစ်ကိုတစ်ယောက်ကိုလည်း စီရွှတ်လိုက်ကြ၏။ ငါရို့သည် ထိုသူအား အကြိမ်ကြိမ် စစ်ဆေးကြည့်ရာ သူသည် အမြဲတမ်း ကူညီခြင်း၌ စိတ်အားထက်သန်သူဖြစ်ကြောင်း တွိ့ရ၏။ အဂုတွင် သူသည် သင်ရို့၌ ယုံကြည်စိတ်ချမှု များစွာဟိသဖြင့် ကူညီခြင်း၌ ပို၍ပင် စိတ်အားထက်သန်လျက် ဟိ၏။

ဂလာတိ 5:10

သို့ရာတွင် ငါသည် သင်ရို့အား အဂုတိုင်အောင် ယုံကြည်စိတ်ချခြင်း ဟိ၏။ ငါရို့၏ အသက်ရှင်မှုသည် သခင်ဘုရားနှင့် တစ်လုံးတစ်ဝတည်း ဖြစ်ကြသဖြင့် သင်ရို့သည် တခြားသောအယူကို လက်ခံကြလိမ့်မည်မဟုတ် ဟူ၍ ငါ့ကို ယုံကြည်စိတ်ချစီ၏။ သို့သော် သင်ရို့အား နှောက်ယှက်သူ ဇာသူမဆို ဘုရားသခင်၏ ပြစ်ဒဏ်စီရင်ခြင်းကို ခံရလိမ့်မည်။

ဖိလိပ္ပိ 1:6

သို့ဖြစ်၍ သင်ရို့တွင် ဤကောင်းမြတ်သည့်အမှုကို အစပြုပီးတော်မူသော ဘုရားသခင်သည် ခရစ်တော်ယေသျှု၏နိ့ရက်တိုင်အောင် ထိုအမှုကို ပြီးစီးစီခြင်းငှာ ပြုတော်မူလိမ့်မည်ဟု ငါယုံကြည်၏။

ဖိလိပ္ပိ 2:12

သို့ဖြစ်၍ အဆွီရို့၊ ငါသည် သင်ရို့နှင့်အတူ ဟိစဉ် သင်ရို့သည် ငါ့စကားကို အစဉ်အမြဲ နားထောင်ခကြသည်နည်းတူ အဂုလည်း ငါသည် သင်ရို့နှင့် ဝီးကွာလျက် ဟိသောအခါ၌လည်း ငါ့စကားကို နားထောင်ခြင်းငှာ ပို၍ပင် အရေးကြီးပေ၏။ သင်ရို့၏ ကယ်တင်ခြင်း ပြည့်စုံစီခြင်းငှာ ကြောက်ရွံ့တုန်လှုပ်သောစိတ်နှင့် လုပ်ဆောင်လျက် နိန်ကြလော့။

၁ သက်သာလောနိတ် 4:10

အမှန်စင်စစ် သင်ရို့သည် မာကေဒေါနိပြည် တစ်ပြည်လုံး၌ဟိသော ညီအစ်ကိုမောင်နှမရို့အား ထိုမေတ္တာကို ပြခလေပြီ။ သို့ရာတွင် ညီအစ်ကိုမောင်နှမရို့၊ သင်ရို့သည် ထိုထက်မက ပို၍ ထိုမေတ္တာကို ပြကြရန် ငါရို့ တိုက်တွန်းလိုက်၏။

၂ သက်သာလောနိတ် 3:12

ထိုသို့သော လူတိအား ငြိမ်ဝပ်စွာဖြင့် နီထိုင်၍ မိမိရို့၏အသက်မွီးဝမ်းကျောင်းအတွက် မိမိရို့ကိုယ်တိုင် လုပ်ဆောင်ကြရန် အသျှင်ယေသျှု ခရစ်တော်၏ နာမတော်မြတ်၌ ငါရို့ တိုက်တွန်းလိုက်၏။

၂ သက်သာလောနိတ် 3:6

ညီအစ်ကိုမောင်နှရို့၊ ငါရို့ပီးခသော သွန်သင်ချက်များကို မလိုက်လျှောက်ဘဲ ပျင်းရိစွာ အသက်ရှင်နိန်ကြသော ယုံကြည်သူအားလုံးကို ယှောင်ယှားကြရန် ငါရို့အသျှင် ယေသျှုခရစ်တော်၏ နာမတော်၌ သင်ရို့ကို ငါရို့ မိန့်မှာလိုက်၏။

ဖိလေမုန် 1:21

သင်သည် ငါပြောသည့်အတိုင်း လုပ်ဆောင်လိမ့်မည်ဟု စိတ်ချယုံကြည်လျက် ဤစာကို ရီးလိုက်၏။ အမှန်စင်စစ် ထိုထက်ပင် ပို၍ လုပ်ဆောင်နိုင်လိမ့်မည်ကို ငါသိပါ၏။