၂ သက်သာလောနိတ် 3:11 - ဓမ္မသစ်ကျမ်း ရခိုင်ဘာသာစကား

¹¹ သင်ရို့အထဲ၌ အပျင်းထူပြီး အလုပ်မလုပ်ဘဲ တခြားလူတိ ကိစ္စများတွင် ဝင်ရောက်စွက်ဖက်တတ်သောသူ တချို့ ဟိကြောင်းကို ငါရို့ ကြားသိခ၏။

၂ သက်သာလောနိတ် 3:11 ပူးပေါင်းရင်းမြစ်များ

ဧဖက် 4:28

ခိုးဝှက်ဖူးသူသည် နောက်တဖန် မခိုးမဝှက်ဘဲ ဆင်းရဲသောသူရို့အား ပီးကမ်းနိုင်ရန် မိမိ လက်ဖြင့် ကောင်းသောအလုပ်ကို ကြိုးစားလုပ်ကိုင်ကြလော့။

၁ သက်သာလောနိတ် 4:11

သင်ရို့သည် အယင်က ငါရို့ မှာကြားခသည့်အတိုင်း ငြိမ်ဝပ်စွာနီ၍၊ မိမိရို့၏အရေးကိစ္စကို မိမိရို့ကိုယ်တိုင် ဆောင်ရွက်ကြရန် ကြိုးစားအားထုတ်ကြလော့။

၂ သက်သာလောနိတ် 3:6

ညီအစ်ကိုမောင်နှရို့၊ ငါရို့ပီးခသော သွန်သင်ချက်များကို မလိုက်လျှောက်ဘဲ ပျင်းရိစွာ အသက်ရှင်နိန်ကြသော ယုံကြည်သူအားလုံးကို ယှောင်ယှားကြရန် ငါရို့အသျှင် ယေသျှုခရစ်တော်၏ နာမတော်၌ သင်ရို့ကို ငါရို့ မိန့်မှာလိုက်၏။

၁ တိမောသေ 5:13

ထို့အပြင် သူရို့သည် အပျင်းထူလေ့ဟိကြပြီး တစ်အိမ်မှ တစ်အိမ်သို့ လားလာတတ်ကြ၏။ အပျင်းထူရုံမက မပြောအပ်သော စကားများကို ပြောဆိုလျက် သူတစ်ပါးကိစ္စ၌ ဝင်ရောက်စွက်ဖက်တတ်ကြ၏။

၁ ပေတရု 4:15

သင်ရို့တွင် လူသတ်မှု၊ ခိုးမှု၊ ရာဇဝတ်မှု၊ သူတစ်ပါး၏ကိစ္စတွင် စွက်ဖက်မှုစသည့် တစ်ခုခုသော အပြစ်များကြောင့် မည်သူတစ်ယောက်မျှ ဆင်းရဲဒုက္ခကို မခံရစီကေ့။