၂ ပေတရု 3:9 - ဓမ္မသစ်ကျမ်း ရခိုင်ဘာသာစကား

⁹ လူတချို့ ထင်မှတ်ထားသည့်အတိုင်း သခင်ဘုရားသည် မိမိ၏ ကတိတော်အရာ၌ ကြန့်ကြာတော် မူသည်မဟုတ်။ မည်သူတစ်ယောက်မျှ မပျက်စီးနိုင်ဘဲ လူတိုင်း အပြစ်မှ နောင်တရစီရန် အလိုတော်ဟိသောကြောင့် သင်ရို့ကို စိတ်ရှည်သည်းခံတော်မူ၏။

၂ ပေတရု 3:9 ပူးပေါင်းရင်းမြစ်များ

ရောမ 13:11

ငါရို့၏ကယ်တင်ခြင်းတရားသည် ငါရို့အစဦးယုံကြည်ခသည့်အချိန်ထက် ယခုအချိန်ခါ သာ၍ နီးလာပြီဖြစ်သောကြောင့် အိပ်ပျော်နိန်ရာမှ နိုးထကြရမည့်အချိန်ရောက်လာယာ။ ထို့ကြောင့် မျက်မှောက်ကာလကို ထောက်ရှု၍ ဤတရားတော်မြတ်ကို ကျင့်ကြလော့။

ရောမ 13:12

ညဉ့်အချိန် ကုန်ခါနီး၍ နိ့အချိန် ရောက်ခါနီးပြီဖြစ်သောကြောင့် မှောင်မိုက်ထဲမှာ ကျင့်သောအကျင့်တိကို ဖယ်ယှား၍ အလင်း၏လက်နက်စုံကို ဝတ်ဆင်ကြကုန်အံ့။

ရောမ 2:4

သို့တည်းမဟုတ် ဘုရားသခင်၏ မဟာကရုဏာတော်နှင့် သည်းခံတော်မူခြင်း၊ စိတ်ရှည်တော်မူခြင်းကို မထီမဲ့မြင် ပြုနိန်ပါသလား။ ဘုရားသခင်သည် သင့်ကို နောင်တသို့ သွီးဆောင်နိန်သောကြောင့် ကိုယ်တော်သည် ကရုဏာတော်သျှင် ဖြစ်တော်မူကြောင်းကို သင်သည် အသေအချာ သိကြ၏။

ရောမ 9:22

ဘုရားသခင်သည်လည်း ဤနည်းတူ ပြုတော်မူ၏။ ကိုယ်တော်သည် မိမိအမျက်တော်ကို ပြချင်၏။ မိမိတန်ခိုးတော်ကို သိမြင်စီချင်၏။ သို့သော်လည်း ဖျက်စီးပစ်ရန် ပျင်ဆင်ထားသော အမျက်တော်ခံအိုးတိကို အလွန်စိတ်ရှည်လျက် သည်းခံတော်မူခ၏။

၁ တိမောသေ 1:16

သို့ရာတွင် ဘုရားသခင်သည် ငါ့အား သနားကရုဏာထားတော်မူ၏။ အကြောင်းမူကား နောင်အခါ၌ ခရစ်တော်ယေသျှုကို ယုံကြည်၍ ထာဝရအသက်ရကြမည့်သူ အားလုံးကို မိမိ၏ပြီးပြည့်စုံသော သည်းခံတော်မူခြင်းကို ဖော်ပြခြင်းငှာ အပြစ်သားထဲတွင် အဆိုးဆုံးဖြစ်သော ငါ့အား စံပြတစ်ယောက်အဖြစ်ဖြင့် ထိုသို့ သနားကရုဏာ ထားတော်မူခြင်းဖြစ်၏။

၁ တိမောသေ 2:4

လူအပေါင်းရို့သည် သမ္မာတရားကို သိ၍ ကယ်တင်ခြင်းခံရစီခြင်းငှာ ဘုရားသခင် အလိုဟိတော်မူ၏။

ဟေဗြဲ 10:37

အကြောင်းမူကား၊ “ကြွလာတော်မူမည့် အသျှင်သည် ကြန့်ကြာခြင်းမဟိဘဲ ကြွလာတော်မူလိမ့်မည်။

၁ ပေတရု 3:20

ထိုဝိညာဉ်တိကား နောဧသည် သင်္ဘောကို တည်ဆောက်လျက် နိန်စဉ် ဘုရားသခင်သည် စိတ်ရှည်စွာဖြင့် စောင့်ဆိုင်းသော်လည်း စကားကို နားမထောင်ခသူရို့၏ ဝိညာဉ်များပင် ဖြစ်သတည်း။ သို့ရာတွင် သင်္ဘောထဲတွင် သျှစ်ယောက်မျှသော လူအနည်းငယ်သာ ရီအားဖြင့် ကယ်တင်ခြင်းကို ခံရ၏။

၂ ပေတရု 1:4

ဤနည်းအားဖြင့် ကတိထားတော်မူသော အလွန်ကြီးမြတ်၍ အဖိုးထိုက်သည့် ဆုကျေးဇူးများကို ကိုယ်တော်သည် ငါရို့အား ပီးတော်မူ၏။ ထို ဆုကျေးဇူးအားဖြင့် သင်ရို့သည် ဤလောက၌ဟိသော ပျက်စီးတတ်သည့် ကိလေသာတပ်မက်ခြင်းမှ လွတ်မြောက်၍ ဘုရားပကတိအဖြစ်တော်ကို မျှဝီခံစားကြရ၏။

၂ ပေတရု 3:15

ငါရို့ချစ်သော ညီအစ်ကို ပေါလုသည် ဘုရားသခင် ပီးသနားတော်မူသည့် ဉာဏ်ပညာအားဖြင့် သင်ရို့အား ရီးသားဖော်ပြခသည့်အတိုင်း သင်ရို့သည် ကယ်တင်ခြင်း ခံရရန်အတွက် အခွင့်ပီးထားခြင်း ဖြစ်၍ ငါရို့ သခင်ဘုရား၏ စိတ်ရှည်သည်းခံတော်မူခြင်းကို သိမှတ်ကြလော့။

ဗျာဒိတ်တော် 2:21

ငါသည် ထိုမိန်းမအား မိမိ၏ ကာမဂုဏ်အပြစ်မှ နောင်တရစီခြင်းငှာ အချိန်ပီးခယာ။ သို့ရာတွင် သူမသည် မိမိ၏အကျင့်ပျက်မှုမှ နောင်တရလိုစိတ်မဟိ။