၂ ကောရိန္သု 9:7 - ဓမ္မသစ်ကျမ်း ရခိုင်ဘာသာစကား

⁷ လူတိုင်း မိမိစေတနာစိတ် ဟိသည်အတိုင်း ပီးကမ်းအပ်၏။ နှမြောသောစိတ် သို့မဟုတ် ပီးကမ်းရန် တာဝန်ဝတ္တရားဟိသည်ဟူသော စိတ်နှင့်လည်း မပီးကမ်းအပ်။ ဘုရားသခင်သည် ဝမ်းမြောက်ခြင်းနှင့် ပီးကမ်းတတ်သောသူကို နှစ်သက်တော်မူ၏။

၂ ကောရိန္သု 9:7 ပူးပေါင်းရင်းမြစ်များ

တမန်တော် 20:35

သင်ရို့အား ငါ ပြသခသည့်အတိုင်း ခပ်သိမ်းသောအရာ၌ အလုပ်ကို ကြိုးစားလုပ်ဆောင်ပြီး အားနည်းသောသူရို့ကို ကူညီမစ ကြလော့။ အသျှင်ယေသျှုကိုယ်တိုင် ပြောခသော ‘ပီးကမ်းခြင်းသည် ရယူခြင်းထက် သာ၍ မင်္ဂလာဟိ၏’ ဟူသော စကားကို အောက်မိ့ကြလော့” ဟု ဆို၏။

ရောမ 12:8

သူတစ်ပါးကို တိုက်တွန်းနှိုးဆော်တတ်သည့် ဆုကျေးဇူးဟိလျှင် ထိုအမှုကို ဆောင်ရွက်စီ။ ပီးကမ်းစွန့်ကြဲခြင်း ဆုကျေးဇူးဟိလျှင် ရက်ရောစွာဖြင့် ပီးကမ်းကြစီ။ အုပ်ချုပ်ဖို့ရန် ဆုကျေးဇူး ဟိသောသူသည် လုံ့လဝိရိယစိုက်၍ အုပ်ချုပ်စီ။ သူတစ်ပါးကို သနားကရုဏာထားခြင်းငှာ ဆုကျေးဇူး ဟိသောသူသည်လည်း ဝမ်းမြောက်သောစိတ်ဖြင့် ထိုအမှုကို ပြုကြစီ။

၂ ကောရိန္သု 8:12

သင်ရို့ ပီးကမ်းခြင်း၌ စေတနာစိတ်ဟိလျှင် ဘုရားသခင်သည် သင်ရို့၏ မတတ်နိုင်သည်ကို မထောက်ဘဲ တတ်နိုင်သည်ကိုသာ ထောက်၍ သင်ရို့၏ ပီးလှူခြင်းကို လက်ခံတော်မူလိမ့်မည်။

ဖိလေမုန် 1:14

သို့ရာတွင် သင်၏ သဘောတူညီချက်မဟိဘဲ ဇာအမှုကိုမျှ ငါ မပြုလိုပါ။ ငါ့ကို ကူညီရန် သင့်အား အနိုင်အထက် မပြုလိုပါ။ သင်၏ စေတနာအလျောက်သာ ပြုစီလိုပါ၏။

ယာကုပ် 5:9

ညီအစ်ကို မောင်နှမရို့၊ သင်ရို့သည် တစ်ဦးကို တစ်ဦး ပြစ်တင်ပြောဆိုခြင်းကို မပြုကတ်ကေ့။ ထိုသို့ ပြစ်တင်ခြင်းကို ပြုလျှင် တရားစီရင်ခြင်းကို ခံကြရလိမ့်မည်။ တရားစီရင်သော အသျှင်သည် တန်းခါးဝ၌ ရပ်နိန်တော်မူ၏။

၁ ပေတရု 4:9

သင်ရို့သည် မညည်းမညူဘဲ တစ်ယောက်ကိုတစ်ယောက် အာဂန္တုဝတ်ကို ကျေပွန်စွာ ပြုကြလော့။