၂ ကောရိန္သု 8:10 - ဓမ္မသစ်ကျမ်း ရခိုင်ဘာသာစကား

¹⁰ လွန်ခသောနှစ်က အစပြုခသည့်အမှုကို အဂုအချိန်၌ အဆုံးသတ်ခြင်းသည် သင်ရို့အဖို့ သာ၍ ကောင်းမွန်သည်ဟု ငါထင်၏။ အကြောင်းမူကား၊ သင်ရို့သည် အပြုအမူအားဖြင့်သာ အစပြုခြင်း မဟုတ်ဘဲ စိတ်ဆန္ဒအလျှောက် ဆောင်ရွက်ကြသောကြောင့် ဖြစ်၏။

၂ ကောရိန္သု 8:10 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 10:42

ငါ၏တပည့်များထဲက အငယ်ဆုံးသောသူတစ်ယောက်ကို၊ သူသည် ငါ၏တပည့်ဖြစ်ခြင်းကြောင့် ရီအီးတစ်ခွက်ကို ပီးသောသူသည် ထိုရီတစ်ခွက်၏အကျိုးကို ဧကန်အမှန် ခံစားရပါလိမ့်မည်ဟု သင်ရို့အား ငါ အမှန်ဆို၏” ဟု မိန့်တော်မူ၏။

ယောဟန် 11:50

ယုဒတစ်မျိုးသားလုံး ပျက်စီးရသည်ထက်၊ လူအားလုံးအတွက် လူတစ်ယောက် သီရသည်ကား သာ၍ကောင်းသည်ကို မသိကြသလော” ဟု ဆို၏။

ယောဟန် 16:7

ငါအမှန် ဆိုသည်ကား ငါ ထွက်ခွါလားခြင်းသည် သင်ရို့အတွက် သာ၍ ကောင်းပေ၏။ ငါ မလားလျှင် သင်ရို့ကို ကူညီမစမည့်အသျှင်သည် ရောက်လာလိမ့်မည် မဟုတ်ပေ။ သို့ရာတွင် ငါ လားမှသာလျှင် ကူညီမစမည့်အသျှင်ကို သင်ရို့ပါးသို့ ငါ စီရွှတ်လိမ့်မည်။

ယောဟန် 18:14

ထိုကယာဖသည်ကား လူအားလုံးအတွက် လူတစ်ယောက်က အသီခံပီးလျှင် သာ၍ ကောင်းပေ၏ဟု ယုဒလူမျိုး ခေါင်းဆောင်ရို့အား အကြံပီးခဖူးသော သူတစ်ယောက် ဖြစ်လေ၏။

၁ ကောရိန္သု 10:23

“ငါရို့၌ ဇာအမှုကိုမဆို ပြုနိုင်ခွင့်ဟိ၏” ဟု သူရို့ဆိုကြသည်အတိုင်း မှန်သော်လည်း အရာခပ်သိမ်းသည် ကောင်းမွန်သည်မဟုတ်။ “ငါရို့တွင် ဇာအမှုကိုမဆို ပြုပိုင်ခွင့်ဟိ၏” ဟု ဆိုသော်လည်း အရာခပ်သိမ်းသည် ငါရို့၏ အကျိုးကို ပြုစုပီးသည်မဟုတ်။

၁ ကောရိန္သု 16:2

ငါ ရောက်လာသောအခါ အလှူငွီကောက်ခံဖို့ မလိုအပ်ရန် တလင်းဂနီနိ့တိုင်း သင်ရို့တစ်ယောက်ချင်းစီ၏ တတ်နိုင်သည့်အလျောက် ကောက်ခံ၍ စုဆောင်းထားကြလော့။

၁ ကောရိန္သု 6:12

တစ်စုံတစ်ယောက်က “ငါသည် ဇာအမှုကိုမဆို ပြုခွင့်ဟိ၏” ဟု ဆိုလိမ့်မည်။ သင်ရို့ဆိုသည်အတိုင်း မှန်ပေ၏။ သို့ရာတွင် ခပ်သိမ်းသောအရာသည် သင်ရို့အဖို့ အကျိုးမဟိနိုင်။ ငါသည် ဇာအမှုကိုမဆို ပြုပိုင်ခွင့် ဟိသည်ဟု ဆိုသော်လည်း ငါသည် ဇာအမှု၌မျှ ကျွန်ခံလိမ့်မည်မဟုတ်။

၁ ကောရိန္သု 7:25

ယခုတွင်ကား၊ အိမ်ထောင်မပြုဘဲ နိန်ကြသောလူတိအကြောင်းကို သင်ရို့ ရီးလိုက်သော စာနှင့် ပတ်သက်၍ သခင်ဘုရား၏ ပညတ်ချက်ကို ငါမရဟိပေ။ သို့သော် သခင်ဘုရား၏ ကရုဏာတော်ကြောင့် ယုံကြည်ထိုက်သူ တစ်ယောက်အဖြစ် ငါ၏ထင်မြင်ချက်ကို ပြောလိုက်ပါ၏။

၁ ကောရိန္သု 7:40

အကယ်၍ ထိုမိန်းမသည် အိမ်ထောင်မပြုဘဲ နီထိုင်သောအမှုကို နှစ်သက်လျှင် ထိုသို့ နီထိုင်စီ။ ဤသည်ကား ငါ၏ထင်မြင်ယူဆချက်ဖြစ်၏။ ငါသည်လည်း ဘုရားသခင်၏ ဝိညာဉ်တော်ကို ခံယူရဟိသူဖြစ်သည်ဟု ထင်မှတ်ပါ၏။

၂ ကောရိန္သု 12:1

ဝါကြွားခြင်းသည် အကျိုးမဟိသော်လည်း ငါသည် ဝါကြွားရဦးမည်။ သို့ဖြစ်၍ သခင်ဘုရားက ငါ့အား ပီးသနားတော်မူသော ရူပါရုံများနှင့် ဗျာဒိတ်တော်များအကြောင်းကို အဂု ပြောပြမည်။

၂ ကောရိန္သု 8:6

သို့ဖြစ်၍ တိတုသည် ဤကျေးဇူးပြုခြင်းအမှုကို စတင်ခသူဖြစ်၍ ပြီးပြည့်စုံသည့်တိုင်အောင် သင်ရို့အား ကူညီဆောင်ရွက်ပီးရန် သူ့ကိုလည်း ငါရို့ တိုက်တွန်းကြ၏။

၂ ကောရိန္သု 8:8

ထိုသို့ဆိုသော် ပညတ်ချက်အားဖြင့် ငါဆိုသည်မဟုတ်။ သို့သော်လည်း အခြားသူရို့သည် ကူညီလိုသော စိတ်အားထက်သန်မှုကို ဖော်ပြနိန်ခြင်းသည် သင်ရို့၏ ချစ်ခြင်းမေတ္တာ စစ်မှန်မှုကို စစ်ဆေးနိန်ခြင်းသာဖြစ်၏။

၂ ကောရိန္သု 9:2

အကြောင်းမူကား သင်ရို့၏ ကူညီထောက်ပံ့လိုသော စေတနာစိတ်ကို ငါသိသည်ဖြစ်၍ သင်ရို့အကြောင်းကို မာကေဒေါနိပြည်သားတိအား၊ “အခါယပြည်၌ဟိသော ညီအစ်ကိုမောင်နှမရို့သည်၊ မနှစ်ကပင် ကူညီရန် အသင့်ဟိကြသည်” ဟု ငါသည် ဂုဏ်ယူလျက် ပြောခ၏။ သင်ရို့၏ စေတနာစိတ်ထက်သန်မှုသည် များစွာသောသူတိကို နှိုးဆော်ပီး၏။

ဖိလိပ္ပိ 4:17

ဤသို့ဆိုသော် ငါသည် အလှူခံလိုသောကြောင့် မဟုတ်။ သင်ရို့၏စာရင်း၌ အမြတ်တိုးလာစီခြင်းငှာ ငါ အလိုဟိ၏။

ဟေဗြဲ 13:16

ထို့ကြောင့် ကောင်းသောအမှုကို ပြုခြင်းငှာ လည်းကောင်း၊ သူတစ်ပါးကို ပီးကမ်းခြင်းငှာ လည်းကောင်း မမိ့ကတ်ကေ့။ အကြောင်းမူကား ထိုသို့သော ပူဇော်သကာယဇ်များကို ဘုရားသခင်သည် နှစ်သက်တော်မူ၏။