၂ ကောရိန္သု 11:7 - ဓမ္မသစ်ကျမ်း ရခိုင်ဘာသာစကား

⁷ သင်ရို့ ချီးမြှောက်ခြင်းခံရဖို့ရန် ငါသည် မိမိကိုယ်ကို နှိမ့်ချလျက် ဘုရားသခင်၏ သတင်းကောင်းကို သင်ရို့အား အခမဲ့ ဟောပြောခ၏။ ထိုအရာသည် မှားယွင်းပါသလော။

၂ ကောရိန္သု 11:7 ပူးပေါင်းရင်းမြစ်များ

တမန်တော် 20:33

ငါသည် သူတစ်ပါး၏ ရွှီ၊ ငွီနှင့် အဝတ်အစားတိကို လိုချင်တပ်မက်ခြင်း မဟိ။

တမန်တော် 20:34

ငါနှင့် ငါ့အပေါင်းဖော်ရို့၏ လိုအပ်ချက်များအတွက် ငါသည် ငါ့လက်ဖြင့် အလုပ်လုပ်၍ ထောက်ပံ့ခကြောင်းကို သင်ရို့ကိုယ်တိုင် သိကြ၏။

ရောမ 1:1

ဘုရားသခင်၏ သတင်းကောင်း တရားကို ဟောပြောခြင်းငှာ ဘုရားသခင်ရွီးချယ်၍ ခေါ်တော်မူထားသော တမန်တော်တစ်ယောက်ဖြစ်သည့် ခရစ်တော်ယေသျှု၏အစီခံ ငါ ပေါလုသည် စာရီးလိုက်ပါ၏။

၁ ကောရိန္သု 9:12

အခြားသူရို့သည် သင်ရို့ပါးမှ ဤသို့ရပိုင်ခွင့်ဟိလျှင် ငါရို့သည် သာ၍ပင် ရပိုင်ခွင့် ဟိသည် မဟုတ်လော။ သို့သော် ငါရို့သည် ထိုအခွင့်အရေးကို မသုံးခဘဲ ငါရို့သည် ခရစ်တော်၏ သတင်းကောင်းအဖို့ အတားအဆီး မဖြစ်စီခြင်းငှာ အရာခမ်းသိမ်း၌ သည်းခံခကြ၏။

၁ ကောရိန္သု 9:6

ထိုသို့မဟုတ် ငါနှင့် ဗာနဗသာလျှင် ငါရို့၏ စားဝတ်နေရေးအတွက် အလုပ်လုပ်ရမည်လော။

၂ ကောရိန္သု 10:1

ခရစ်တော်၏ နူးညံ့သိမ်မွေ့ခြင်းနှင့် သနားကြင်နာခြင်းအားဖြင့် ငါ ပေါလုသည် သင်ရို့အား တောင်းပန်ပါ၏။ ငါသည် သင်ရို့နှင့်အတူ ဟိသောအခါ ကြောက်တတ်သော်လည်း ဝီးကွာနိန်သောအခါ ရဲဝံ့ပြတ်သားသောသူ ဖြစ်၏။

၂ ကောရိန္သု 10:16

ထို့ကြောင့် ငါရို့သည် သင်ရို့၏ဒေသအပြင် အခြားဒေသများတွင် သတင်းကောင်းကို ဟောပြောနိုင်ခသဖြင့် အခြားသောသူတစ်ယောက် လုပ်ဆောင်ထားသော လုပ်ငန်းနယ်ပယ်နှင့်ပတ်သတ်၍ ဂုဏ်ယူဝါကြွားစရာ မလို။

၂ ကောရိန္သု 12:13

သင်ရို့ကို ငွီရေးကြေးရေး ကူညီပီးရန်အတွက် ဝန်ထုပ်ဝန်ပိုး မဖြစ်စီခသည်မှတစ်ပါး ငါသည် သင်ရို့အား အခြားအသင်းတော်များထက် နှိမ့်ချ၍ ဆက်ဆံခသလော။ ထိုသို့ ဖြစ်စီခလျှင် ငါ့အား ခွင့်ရွှတ်ကြပါ။

၂ ကောရိန္သု 2:12

ခရစ်တော်၏အကြောင်း သတင်းကောင်းကို ဟောပြောရန် တရောမြို့သို့ ငါရောက်လာသောအခါ အမှုတော်ကို ထမ်းဆောင်နိုင်ရန်အတွက် သခင်ဘုရားသည် ငါ့အား တန်းခါးကို ဖွင့်ပီးတော်မူ၏။

၁ သက်သာလောနိတ် 2:9

ညီအစ်ကိုမောင်နှမရို့၊ ငါရို့၏ ကြိုးပမ်း​အားထုတ်​မှု​နှင့် ပင်ပန်း​ခက်ခဲ​မှုများကို သင်ရို့သည် အမှန်ပင် မှတ်မိကြ၏။ ငါရို့သည် သင်ရို့အတွက် ဝန်ထုပ်ဝန်ပိုးမဖြစ်စီရန် နိ့ရော၊ ညပါ အလုပ်လုပ်လျက် ဘုရားသခင်၏ သတင်းကောင်းကို သင်ရို့အား ဟောပြောကြ၏။

၂ သက်သာလောနိတ် 3:8

ငါရို့သည် အဖိုးအခမပီးဘဲ ဇာသူ၏ အထောက်ပံ့ကိုမျှ အလကားမယူခကတ်။ သင်ရို့ တစ်ဦးတစ်ယောက်ကိုမျှ ငါရို့အတွက် ဝန်ထုပ်ဝန်ပိုး မဖြစ်စီရန် ငါရို့သည် အလုပ်ကို ပင်ပန်းစွာ နိ့ညမပြတ် လုပ်ကိုင်ခ၏။