၂ ကောရိန္သု 1:4 - ဓမ္မသစ်ကျမ်း ရခိုင်ဘာသာစကား

⁴ ငါရို့သည် ဆင်းရဲဒုက္ခအမျိုးမျိုးကို ခံကြရသောအခါ ကိုယ်တော်သည် ငါရို့အား နှစ်သိမ့်ခြင်းကို ပီးတော်မူ၏။ သို့ဖြစ်၍ ငါရို့သည် ငါရို့ကိုယ်တိုင် ဘုရားသခင်ထံတော်မှ ရဟိသော နှစ်သိမ့်ခြင်းအားဖြင့် ဆင်းရဲဒုက္ခအမျိုးမျိုး ခံစားရသူရို့အား နှစ်သိမ့်ပီးနိုင်ရန်ဖြစ်၏။

၂ ကောရိန္သု 1:4 ပူးပေါင်းရင်းမြစ်များ

ယောဟန် 14:16

ငါသည် ခမည်းတော်ကို တောင်းလျှောက်လျှင် သင်ရို့နှင့်အတူ အစဉ်မပြတ်ဟိ၍ သင်ရို့ကို မစတော်မူရန် အခြားတစ်ပါးသော ကူညီမစသောသူကို ပီးတော်မူလိမ့်မည်။

ယောဟန် 14:18

“ငါလားသော်လည်း သင်ရို့ကို မိဘမဲ့ ဖြစ်စီမည်မဟုတ်။ သင်ရို့ထံပါးသို့ ငါပြန်လာဦးမည်။

ယောဟန် 14:26

ယေဒါလည်း ခမည်းတော်က ငါ၏ နာမကြောင့် စီရွှတ်တော်မူသော ကူညီမစသော သူတည်းဟူသော သန့်ယှင်းသော ဝိညာဉ်တော်သည် ဟိသမျှအရာတိကို ပြသသွန်သင်တော်မူ၍ ငါပြောသမျှသော စကားတိကို သင်ရို့အား ပြန်လည်သတိရစီတော်မူလိမ့်မည်။

၂ ကောရိန္သု 7:13

ထို့ကြောင့် ငါရို့သည် နှစ်သိမ့်မှုကို ခံစားရ၏။ ငါရို့သည် နှစ်သိမ့်မှုကို ခံစားရသည် သာမက သာ၍ပင် ဝမ်းမြောက်ကြ၏။ အကြောင်းမူကား သင်ရို့အားလုံးသည် တိတုအား ပျော်ရွှင်စီသဖြင့် သူ၏စိတ်နှလုံးသည် အလွန် တက်ကြွလျက် ဟိသောကြောင့် ဖြစ်သည်။

၂ ကောရိန္သု 7:4

ငါသည် သင်ရို့အား ယုံကြည်စိတ်ချ၍ သင်ရို့အတွက် များစွာဂုဏ်ယူ၏။ ဆင်းရဲဒုက္ခအားလုံးကို ငါရို့ ခံစားရသောအခါ သင်ရို့သည် ငါအား အလွန် နှစ်သိမ့်စီခသောကြောင့် ဝမ်းမြောက်ခြင်းနှင့်လည်း ပြည့်ဝလျက်ဟိ၏။

ဖိလိပ္ပိ 1:14

ဤသို့ ငါအကျဉ်းခံရခြင်းကြောင့် ယုံကြည်သူအများပင် သခင်ဘုရား၌ ပို၍ ယုံကြည်စိတ်ချလာကြ၏။ သို့ဖြစ်၍ သူရို့သည် မကြောက်မရွံ့ဘဲ သတင်းကောင်းတရားတော်ကို ပိုမို၍ ဟောပြောဝံ့ကြပေ၏။

၁ သက်သာလောနိတ် 4:18

သို့ဖြစ်၍ ဤစကားများဖြင့် တစ်ယောက်ကို တစ်ယောက် အားပီးတိုက်တွန်းကြလော့။

၁ သက်သာလောနိတ် 5:11

သို့ဖြစ်၍ သင်ရို့သည် အဂုပြုသည့်နည်းတူ အချင်းချင်း တိုက်တွန်းနှိုးဆော်၍ တစ်ယောက်ကိုတစ်ယောက် ကူညီမစ ကြလော့။

ဟေဗြဲ 12:12

ထို့ကြောင့် အားအင်ကုန်ခမ်းနိန်သောလက်တိနှင့် ချိနဲ့နိန်သောဒူးတိကို ခိုင်ခံ့စီကြလော့။