၁ သက်သာလောနိတ် 4:13 - ဓမ္မသစ်ကျမ်း ရခိုင်ဘာသာစကား

¹³ အစ်ကိုမောင်နှမရို့၊ သင်ရို့သည် မျှော်လင့်ခြင်း ကင်းမဲ့သူများကဲ့သို့ ဝမ်းနည်းကြီကွဲမှု မဖြစ်ကြစီရန် ငါရို့သည် သီလွန်သူများနှင့်ပတ်သက်၍ အမှန်တရားကို သင်ရို့အား သိစီလို၏။

၁ သက်သာလောနိတ် 4:13 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 27:52

သင်္ချိုင်းဂူများလည်း ပွင့်ထွက်ကာ သီနိန်ပြီးသော သန့်ယှင်းသူများစွာ၏အလောင်းများသည် ထမြောက်ခြင်းသို့ ရောက်ကြလေ၏။

ယောဟန် 11:24

မာသက “နောက်ဆုံးနိ့ဖြစ်သော ထမြောက်ရာကာလ၌ သူသည် ထမြောက်လိမ့်မည်ဆိုသည်ကို အကျွန်သိပါ၏” ဟု ပြန်လျှောက်လေ၏။

တမန်တော် 13:36

ဒါဝိဒ်သည် သူ၏ဘဝတစ်လျှောက်၌ ဘုရားသခင်၏ အလိုတော်ကို ဆောင်ရွက်ခ၏။ ထို့နောက် သူသည် အနိစ္စရောက်ပြီးလျှင် သူ၏အဖိုးအဖီးတိနှင့်အတူ သင်္ဂြိုဟ်ခြင်းကို ခံရ၏၊ သူ၏ခန္ဓာသည်လည်း သင်္ချိုင်းတွင်း၌ ပုပ်ပျက်လေ၏။

တမန်တော် 7:60

သူသည် ဒူးထောက်၍ ကျယ်လောင်သော အသံဖြင့် “အသျှင်ဘုရား၊ ဤသူရို့ပြုသော ပြစ်မှားခြင်းတိကို မှတ်တော်မမူပါကေ့” ဟု ဆို၍ ကြွေးကြော်ပြီးလျှင် အသက်ချုပ်လေ၏။

တမန်တော် 8:2

ဘုရားကိုကြည်ညိုသော လူတချို့သည် ပြင်းစွာသော ငိုကြွီးခြင်းကို ပြုလျက် သတေဖန်ကို သင်္ဂြိုဟ်ကြ၏။

ရောမ 1:13

ညီအစ်ကို မောင်နှမရို့၊ ငါသည် တခြားလူမျိုးတိ ပြောင်းလဲလာသကဲ့သို့၊ သင်ရို့ကိုလည်း ပြောင်းလဲလာစီချင်သောကြောင့်၊ သင်ရို့ပါးသို့ လာဖို့ အကြိမ်ကြိမ် စီစဉ်ခသော်လည်း ထိုခရီး မထမြောက်အောင် အမြဲတမ်း တားဆီးခြင်းကို ခံနိန်ရသည်ကို သင်ရို့အား သိစီလိုပါ၏။

၁ ကောရိန္သု 10:1

ညီအစ်ကိုရို့၊ မောသျှေ၏ နောက်သို့ လိုက်ကြသော ငါရို့ဘိုးဘေးတိ ဇာပိုင် ဖြစ်ပျက်တွိ့ကြုံခသည်ကို သတိရစီလို၏။ သူရို့သည် မိုးတိမ်၏ အကွယ်အကာဖြင့် ပင်လယ်နီကို ဘေးကင်းလုံခြုံစွာ ဖြတ်သန်းခကြ၏။

၁ ကောရိန္သု 12:1

ညီအစ်ကို မောင်နှမရို့၊ ငါသည် သင်ရို့ မိန်းမြန်းသော ဝိညာဉ်တော်၏ ဆုကျေးဇူးများနှင့် ပတ်သက်၍ အမှန်တရားကို သင်ရို့အား သိစီလို၏။

၁ ကောရိန္သု 15:6

ထို့နောက် ကိုယ်တော်သည် မိမိ၏တပည့်တော် ၅၀၀ ကျော်ရို့အား တစ်ပြိုင်နက် ထင်ရှားပြတော်မူ၏။ ထိုသူရို့အထဲမှ အချို့သည် သီလွန်ပြီးဖြစ်သော်လည်း၊ လူအများစုမှာ ယခုတိုင်အောင် အသက်ရှင်လျက် ဟိကြ၏။

၂ ကောရိန္သု 1:8

ညီအစ်ကို မောင်နှမရို့၊ အာယှိပြည်တွင် ငါရို့ခံခရသည့် ဆင်းရဲဒုက္ခအကြောင်းကို သင်ရို့ ပြန်လည်သတိရစီလို၏။ ငါရို့သည် မခံနိုင်လောက်အောင် ဆင်းရဲဒုက္ခ ခံခရ၍ အသက်ရှင်ဖို့ရန် မျှော်လင့်ချက် မဟိခပေ။

ဧဖက် 2:12

ထိုအချိန်က သင်ရို့သည် ခရစ်တော်နှင့် ကွာဝီးလျက် ဟိခ၏။ သင်ရို့သည် တခြားလူမျိုးတိဖြစ်၍ ဘုရားသခင်၏လူစုတော်တွင် မဝင်ရခ။ ဘုရားသခင်သည် မိမိ၏ လူစုတော်အတွက် ထားတော်မူသော ကတိတော်နှင့်ဆိုင်သော ပဋိညာဉ်တရားများနှင့် မသက်ဆိုင်။ သင်ရို့သည် ဤလောက၌ မျှော်လင့်စရာမဟိ၊ ဘုရားမဟိဘဲ နီထိုင်ခကြ၏။

ဧဖက် 2:3

အမှန်စင်စစ် ငါရို့သည် ထိုသူရို့ကဲ့သို့ ဇာတိ၏အလိုသို့ လိုက်လျက်၊ ကိုယ်ကာယ၏ အလိုနှင့် စိတ်၏အလိုအတိုင်း ကျင့်ခကြ၏။ ငါရို့သည် ဇာတိသဘောအတိုင်း အခြားသူများနည်းတူ ဘုရားသခင်၏ အမျက်တော်ကို ခံထိုက်သောသူတိ ဖြစ်ခကြ၏။

၁ သက်သာလောနိတ် 4:14

အကြောင်းမူကား ယေသျှုသည် အသီခံတော်မူပြီးနောက် တဖန် ထမြောက်တော်မူသည်ဟု ငါရို့ ယုံကြည်ကြလျှင် ဘုရားသခင်သည် ထိုအသျှင်ကို ယုံကြည်လျက် သီလွန်ပြီးသောသူရို့အား ယေသျှုနှင့်အတူ ပြန်၍ ခေါ်ထုတ်တော်မူလိမ့်မည်။

၁ သက်သာလောနိတ် 4:15

အဂု ငါရို့သည် သင်ရို့အား သခင်ဘုရား၏ သွန်သင်တော်မူချက်ကို ဖော်ပြလိုသည်မှာ သခင်ဘုရား ကြွလာတော်မူသောနိ့၌ အသက်ရှင်လျက်ဟိကြသော ငါရို့သည် သီလွန်ပြီးသောသူတိထက် အလျင် ရောက်ကြလိမ့်မည်မဟုတ်။

၁ သက်သာလောနိတ် 5:10

ငါရို့သည် အိပ်ပျော်လျက်ဟိသည်ဖြစ်စီ၊ နိုးလျက်ဟိသည်ဖြစ်စီ ထိုအသျှင်နှင့်အတူ အသက်ရှင်ခြင်းငှာ ကိုယ်တော်သည် ငါရို့အတွက် အသီခံတော်မူ၏။

၁ သက်သာလောနိတ် 5:6

သို့ဖြစ်၍ ငါရို့သည် အခြားသူတိကဲ့သို့ အိပ်ပျော်လျက်မနိန်ကြဘဲ၊ သမ္မာသတိဖြင့် နိုးကြားလျက် နိန်ကြရမည်။

၂ ပေတရု 3:4

“ကိုယ်တော်၏ ကြွလာတော်မူခြင်းနှင့်ဆိုင်သော ကတိတော်သည် ဇာမှာဟိသနည်း။ ငါရို့ အဖိုးအဖီးရို့သည် သီလွန်သည့် အချိန်မှစ၍ ခပ်သိမ်းသောအမှုအရာများသည် ကမ္ဘာလောကကို ဖန်ဆင်းတော်မူချိန်က ဟိခသည့်အတိုင်းပင် မဟုတ်လော” ဟု ဆိုကြလိမ့်မည်။

၂ ပေတရု 3:8

သို့သော်လည်း ငါ့ အဆွီရို့၊ သခင်ဘုရားအတွက် တစ်ရက်သည် နှစ်တစ်ထောင်ကဲ့သို့ လည်းကောင်း၊ နှစ်တစ်ထောင်သည် တစ်ရက်ကဲ့သို့ လည်းကောင်း ဖြစ်သည်ကို မမိ့လျော့ကတ်ကေ့။