၁ ကောရိန္သု 9:16 - ဓမ္မသစ်ကျမ်း ရခိုင်ဘာသာစကား

¹⁶ ငါသည် ဧဝံဂေလိသတင်းကောင်းတရားကို ဟောပြောသောအခါ ဂုဏ်ယူဝင့်ကြွားခွင့်မဟိ။ အကြောင်းမူကား ဘုရားသခင်သည် ဧဝံဂေလိသတင်းကောင်းတရားကို ဟောပြောရန် ငါ့အား တာဝန်ပီးထား၏။ ငါသည် မဟောဘဲနိန်လျှင် ဇာလောက် အမင်္ဂလာ ဟိလိမ့်မည်နည်း။

၁ ကောရိန္သု 9:16 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 25:16

ရွှီဒင်္ဂါး ၅,၀၀၀ ရသောသူသည် ချက်ချင်း ထွက်လား၍ မိမိ၏ဥစ္စာကို အရင်းအနှီးလုပ်သဖြင့် ၅,၀၀၀ ထက်ပိုသော ရွှီဒင်္ဂါးများကို ရ၏။

လုကာ 9:62

ယေသျှုကလည်း “ထွန်ကိုင်းကိုကိုင်လျက် နောက်လှည့်ကြည့်သောသူသည် ဘုရားသခင်၏ နိုင်ငံတော်အတွက် အသုံးမဝင်” ဟု ပြန်၍ မိန့်တော်မူ၏။

တမန်တော် 4:20

ငါရို့ကား ငါရို့ကိုယ်တိုင် ကြားရ၊ မြင်ရသည့် အမှုအရာတိကို မဟောပြောဘဲ မနိန်နိုင်” ဟု ပြန်ပြောကြ၏။

တမန်တော် 9:15

သို့ရာတွင် သခင်ဘုရားက၊ “လားလော့၊ ဤသူကား ငါ ရွီးချယ်ထားသူဖြစ်ပြီးလျှင် တခြားလူမျိုးတိ၊ သျှင်ဘုရင်တိနှင့် ဣသရေလလူမျိုးတိရှိ့၌ ငါ့နာမကို ထင်ရှားစီမည့်သူ ဖြစ်၏။

တမန်တော် 9:6

“ယေဒါလည်း ထပြီးလျှင် မြို့ထဲသို့ ဝင်လော့။ သင် ပြုရမည့်အရာကို ထိုအရပ်၌ သင့်အား ပြောကြားလိမ့်မည်” ဟု မိန့်တော်မူ၏။

ရောမ 1:14

အကြောင်းမူကား လူယဉ်ကျေးဖြစ်စီ၊ လူရိုင်းဖြစ်စီ၊ ပညာဟိဖြစ်စီ၊ ပညာမဲ့ဖြစ်စီ၊ လူသားအားလုံးအတွက် ငါမှာ တာဝန်ဟိ၏။

ရောမ 15:17

ထို့ကြောင့် ငါသည် ဘုရားသခင်အတွက် အမှုတော်ဆောင်ခြင်းကို ခရစ်တော်ယေသျှု၌ ဂုဏ်ယူဝင့်ကြွားလျက်ဟိ၏။

ရောမ 4:2

အာဗြဟံသည် မိမိကျင့်သော အကျင့်အားဖြင့် ဘုရားသခင်၏ ဖြောင့်မတ်ရာသို့ ရောက်ခလျှင် သူသည် ဝါကြွားစရာ အကြောင်းဟိလိမ့်မည်။ သို့ရာတွင် ဘုရားသခင်၏ မျက်မှောက်တော်၌ ထိုသို့မဟုတ်။

၁ ကောရိန္သု 4:15

သင်ရို့၏ယုံကြည်သူ အသက်တာ၌ သွန်သင်မည့်ဆရာ ၁၀,၀၀၀ ဟိသော်လည်း ဖခင် တစ်ဦးတည်းသာ ဟိ၏။ ငါသည် သတင်းကောင်းကို ယူဆောင်လာခြင်းအားဖြင့် သင်ရို့အသက်တာတွင် ခရစ်တော်ယေသျှု၌ သင်ရို့၏ဖခင် ဖြစ်လာ၏။

၁ ကောရိန္သု 9:12

အခြားသူရို့သည် သင်ရို့ပါးမှ ဤသို့ရပိုင်ခွင့်ဟိလျှင် ငါရို့သည် သာ၍ပင် ရပိုင်ခွင့် ဟိသည် မဟုတ်လော။ သို့သော် ငါရို့သည် ထိုအခွင့်အရေးကို မသုံးခဘဲ ငါရို့သည် ခရစ်တော်၏ သတင်းကောင်းအဖို့ အတားအဆီး မဖြစ်စီခြင်းငှာ အရာခမ်းသိမ်း၌ သည်းခံခကြ၏။

၁ ကောရိန္သု 9:14

ထိုနည်းတူစွာ သတင်းကောင်းကို ဟောပြောသက်သီခံသောသူရို့သည်လည်း သတင်းကောင်းအားဖြင့် မိမိရို့၏ အသက်မွီးလောက်သောအစာကို ရသင့်၏ ဟူ၍ သခင်ဘုရား မိန့်မှာတော်မူခ၏။

၂ ကောရိန္သု 2:12

ခရစ်တော်၏အကြောင်း သတင်းကောင်းကို ဟောပြောရန် တရောမြို့သို့ ငါရောက်လာသောအခါ အမှုတော်ကို ထမ်းဆောင်နိုင်ရန်အတွက် သခင်ဘုရားသည် ငါ့အား တန်းခါးကို ဖွင့်ပီးတော်မူ၏။

ကောလောသဲ 4:17

ပြီးလျှင် “သခင်ဘုရား ပီးအပ်ထားသော အမှုတော်ကို ပြီးမြောက်အောင် ဆောင်ရွက်ပါ” ဟု အာခိပ္ပုအား ပြောပြကြလော့။