၁ ကောရိန္သု 7:36 - ဓမ္မသစ်ကျမ်း ရခိုင်ဘာသာစကား

³⁶ စိ့စပ်ထားပြီးနောက် အိမ်ထောင်မပြုရန် ဆုံဖြတ်ထားသော စုံတွဲတစ်တွဲ၌ ယောက်ျားသည် မိန်းမ၌ မိမိပြုမူပုံ မလျောက်ပတ်သည်ကို သိသောအခါ၌ သော်လည်းကောင်း၊ မိမိစိတ်ကို မထိန်းချုပ်နိုင်သောအခါ၌ သော် လည်းကောင်း ထိုသူပြုလိုသည့်အတိုင်း ထိမ်းမြားမင်္ဂလာပြုရာ၏။ ဤသို့ ပြုခြင်း၌ ဇာအပြစ်မျှမဟိ။

၁ ကောရိန္သု 7:36 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 1:18

ယေသျှု ခရစ်တော်၏ ဖွားမြင်တော်မူခြင်းမှာ ဤသို့ဖြစ်၏။ ယောသပ်နှင့် စိ့စပ်ပြီးနောက် ပေါင်းသင်းနီထိုင်ခြင်း မပြုခင် မယ်တော်မာရိသည် သန့်ယှင်းသောဝိညာဉ်တော်အားဖြင့် ပဋိသန္ဓေ စွဲနိန်၏။

မဿဲ ရီးသားပြုစုထားသော ခရစ်တော်၏ သတင်းကောင်း 5:40

တစ်စုံတစ်ယောက်က သင်၏အင်္ကျီကို လိုချင်လို့ တရားစွဲလာလျှင် သင်၏ ဝတ်ရုံကိုပါ ချွတ်ပီးလိုက်။

၁ ကောရိန္သု 7:35

ဤသို့ ငါပြောရခြင်းမှာ သင်ရို့၏ အကျိုးကို လိုလား၍ ပြောခြင်းဖြစ်၏။ သင်ရို့အား တင်းကြပ်လိုသောကြောင့် မဟုတ်။ သင်ရို့အား မှန်ကန်လျောက်ပတ်စွာ ပြုကျင့်ကြစီရန်နှင့် သခင်ဘုရား၏အမှုတော်ကို စိတ်ရှုပ်ထွီးခြင်း မဟိဘဲ အကြွင်းမဲ့ ဆောင်ရွှက်ကြစီခြင်းငှာ လိုလားသောကြောင့်ဖြစ်၏။

၁ ကောရိန္သု 7:37

သို့ရာတွင် ယောကျ်ားသည် အိမ်ထောင်မပြုဘဲ နိန်ခြင်းငှာ စိတ်ပိုင်းဖြတ်၍ မိမိ၏ စိတ်ကိုလည်း တည်ကြည်ခိုင်မာစွာ လုံးဝချုပ်ထိန်းနိုင်သဖြင့် အိမ်ထောင်မပြုဘဲနိန်လျှင် သာ၍ကောင်း၏။ ထိုသူသည် မိန်းမပျိုနှင့် အိမ်ထောင်မပြုဘဲ နိန်ခြင်းသည်ကား ကောင်းသောအမှုကို ပြုခြင်းဖြစ်၏။

၁ ကောရိန္သု 7:9

သို့သော် သင်ရို့၏စိတ်ဆန္ဒကို မချုပ်တည်းနိုင်လျှင် အိမ်ထောင်ပြုကြလော။ ကိလေသာစိတ်ပူလောင်ခြင်း ဟိသည်ထက် အိမ်ထောင်ပြုခြင်းက သာ၍ကောင်း၏။