၁ ကောရိန္သု 7:35 - ဓမ္မသစ်ကျမ်း ရခိုင်ဘာသာစကား

³⁵ ဤသို့ ငါပြောရခြင်းမှာ သင်ရို့၏ အကျိုးကို လိုလား၍ ပြောခြင်းဖြစ်၏။ သင်ရို့အား တင်းကြပ်လိုသောကြောင့် မဟုတ်။ သင်ရို့အား မှန်ကန်လျောက်ပတ်စွာ ပြုကျင့်ကြစီရန်နှင့် သခင်ဘုရား၏အမှုတော်ကို စိတ်ရှုပ်ထွီးခြင်း မဟိဘဲ အကြွင်းမဲ့ ဆောင်ရွှက်ကြစီခြင်းငှာ လိုလားသောကြောင့်ဖြစ်၏။

၁ ကောရိန္သု 7:35 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 19:12

အကြောင်းမူကား တချို့မှာ မွီးကတည်းက မယူမများ ဖြစ်ကြ၏၊ တချို့မှာ မယူမဖြစ်ယောင် ပြုလုပ်ခြင်းခံကြရ၏။ တချို့မှာ ကောင်းကင်နိုင်ငံတော်အကျိုးကို ထောက်၍ အိမ်ထောင်မပြုကြ။ ဤစကားကို လက်ခံနိုင်သောသူသာလျှင် လက်ခံကြပါ” ဟူ၍ ဖြေကြားတော်မူ၏။

မဿဲ ရီးသားပြုစုထားသော ခရစ်တော်၏ သတင်းကောင်း 22:15

ဖာရိယှဲများ ထွက်လားပြီးနောက် ယေသျှုကို မိန်းခွန်းများ မိန်း၍ အပြစ်ရှာခြင်းငှာ စီမံကြ၏။

လုကာ 21:34

“သင်ရို့သည် သောက်စားမူးယစ်ခြင်း၊ လောကီမှုအတွက် စိုးရိမ်ပူပန်ခြင်းများနှင့် အချိန်မကုန်စီရန် သတိနန့် နိန်ကြလော့။ သို့မဟုတ် ငါပြန်ကြွလာမည့် ထိုနိ့ရက်သည် ထောင်ချောက်ပိုင် သင်ရို့ပါးသို့ ရုတ်တရက် ရောက်လာလိမ့်မည်။

လုကာ 8:14

ဆူးတော၌ ကျသောမျိုးစိ့ကား နှုတ်ကပတ်တရားတော်ကို ကြား၏၊ သို့သော် စိုးရိမ်ပူပန်မှု၊ ချမ်းသာကြွယ်ဝမှု၊ ကာမဂုဏ်ခံစားမှုများ လွှမ်းမိုးနိန်သည့်အတွက် အသီးကောင်းကို မသီးနိုင်။

၁ ကောရိန္သု 7:2

သို့သော် မတရားသောမေထုန်ပြုခြင်း များပြားနိန်သောကြောင့် ယောကျ်ားတိုင်း၌ မယားဟိအပ်၏။ မိန်းမတိုင်း၌လည်း လင်ယောက်ျား ဟိအပ်၏။

၁ ကောရိန္သု 7:28

သို့သော် သင်သည် အိမ်ထောင်ပြုလျှင်လည်း အပြစ်ကို ပြုခြင်းမဟုတ်။ အိမ်ထောင်မပြုသော မိန်းမသည် အိမ်ထောင်ပြုသော်လည်း အပြစ်ကို ပြုခြင်းမဟုတ်။ သို့ပိုင်သျှောင် ငါသည် သင်ရို့အား အိမ်ထောင်သျှင်များ နိ့တိုင်း ကြုံတွိ့ကြရမည့် ဆင်းရဲဒုက္ခများနှင့် ကင်းဝီးစီလို၍ ဤသို့ ပြောရခြင်းဖြစ်၏။

၁ ကောရိန္သု 7:36

စိ့စပ်ထားပြီးနောက် အိမ်ထောင်မပြုရန် ဆုံဖြတ်ထားသော စုံတွဲတစ်တွဲ၌ ယောက်ျားသည် မိန်းမ၌ မိမိပြုမူပုံ မလျောက်ပတ်သည်ကို သိသောအခါ၌ သော်လည်းကောင်း၊ မိမိစိတ်ကို မထိန်းချုပ်နိုင်သောအခါ၌ သော် လည်းကောင်း ထိုသူပြုလိုသည့်အတိုင်း ထိမ်းမြားမင်္ဂလာပြုရာ၏။ ဤသို့ ပြုခြင်း၌ ဇာအပြစ်မျှမဟိ။

ဧဖက် 5:3

သင်ရို့သည် ဘုရားသခင်၏လူစုတော် ဖြစ်သဖြင့် ကာမဂုဏ်လိုက်စားမှု၊ မစင်ကြယ်မှုနှင့် လောဘလွန်ကြူးမှု အကြောင်းများကို သင်ရို့တွင် ပြောဆိုခြင်းပင် မဟိစီကေ့။

ဖိလိပ္ပိ 4:8

ညီအစ်ကိုမောင်နှမရို့၊ နိဂုံးချုပ်ပြောရလျှင် သင်ရို့သည် မှန်ကန်သောအရာ၊ မွန်မြတ်သောအရာ၊ လျောက်ပတ်သောအရာ၊ ဖြူစင်သောအရာ၊ နှစ်သက်ဖွယ်သောအရာ၊ အသရေဟိသော အရာတည်းဟူသော ကောင်းမြတ်၍ ချီးမွမ်းဖွယ်သောအရာ ဟိသမျှရို့ကို နှလုံးသွင်းကြလော့။

၁ တိမောသေ 1:10

အကျင့်စာရိတ္တပျက်သောသူ၊ လိင်တူဆက်ဆံသောသူ၊ လူကုန်ကူးသောသူ၊ လိမ်လည်ပြောဆိုတတ်သောသူ၊ မမှန်သောသက်သီကို ခံတတ်သောသူနှင့် မှန်ကန်သောအယူဝါဒကို ဆန့်ကျင်သောသူရို့ အတွက်သာလျှင် ပြဋ္ဌာန်းထားခြင်းဖြစ်ကြောင်း ငါရို့ သိကြ၏။

တိတု 2:3

ထိုနည်းတူ အသက်ကြီးသော မိန်းမရို့အား ကုန်းတိုက်တတ်သောသူ၊ သီရည်သောက်ကြူးသောသူ မဖြစ်စီဘဲ ဘုရားဝတ်၌ မွိ့ပျော်စီခြင်းငှာလည်းကောင်း၊ ကောင်းသောအမှုကို ဆောင်ရွက်ကြစီခြင်းငှာလည်းကောင်း သွန်သင်လော့။