၁ ကောရိန္သု 7:17 - ဓမ္မသစ်ကျမ်း ရခိုင်ဘာသာစကား

¹⁷ လူအသီးသီးရို့သည် သခင်ဘုရားပီးတော်မူသော ဆုကျေးဇူးနှင့်အညီ ဘုရားသခင်သည် သင်ရို့အား ရွီးကောက်တော်မူစဉ်က ဟိခသည့်အခြေအနေအတိုင်း ဆက်လက်၍ အသက်ရှင်အပ်၏။ ဤပညတ်သည် အသင်းတော်အားလုံး၌ ငါဟောပြောသွန်သင်ခသော ပညတ်ဖြစ်၏။

၁ ကောရိန္သု 7:17 ပူးပေါင်းရင်းမြစ်များ

မဿဲ ရီးသားပြုစုထားသော ခရစ်တော်၏ သတင်းကောင်း 19:12

အကြောင်းမူကား တချို့မှာ မွီးကတည်းက မယူမများ ဖြစ်ကြ၏၊ တချို့မှာ မယူမဖြစ်ယောင် ပြုလုပ်ခြင်းခံကြရ၏။ တချို့မှာ ကောင်းကင်နိုင်ငံတော်အကျိုးကို ထောက်၍ အိမ်ထောင်မပြုကြ။ ဤစကားကို လက်ခံနိုင်သောသူသာလျှင် လက်ခံကြပါ” ဟူ၍ ဖြေကြားတော်မူ၏။

၁ ကောရိန္သု 10:32

ယုဒလူတိအတွက် ဖြစ်စီ၊ တခြားလူမျိုးတိအတွက် ဖြစ်စီ၊ ဘုရားသခင်၏ အသင်းတော်တိအတွက် ဖြစ်စီ ကဲ့ရဲ့စရာအကြောင်း မဖြစ်စီခြင်းငှာ နီထိုင်ကြလော့ —

၁ ကောရိန္သု 11:16

သို့သော် ဤကိစ္စနှင့်ပတ်သက်၍ ငြင်းခုံလိုသောသူအား ငါရို့၌လည်းကောင်း၊ ဘုရားသခင်၏ အသင်းတော်များ၌ လည်းကောင်း ဝတ်ပြုကိုးကွယ်သောအခါ ယင်းသို့ ဂေါင်းဖုံးအုပ်သည့်ထုံးစံမှတစ်ပါး အခြားသောထုံးစံ မဟိကြောင်းကို ငါဖြေဆိုအံ့။

၁ ကောရိန္သု 11:34

သင်ရို့သည် စည်းဝေးကြသောအခါတွင် ဘုရားသခင်၏ ပြစ်ဒဏ်စီရင်တော်မူခြင်းနှင့် ကင်းလွတ်နိုင်စီခြင်းငှာ သင်ရို့ထဲမှ ဆာမွတ်သောသူသည် မိမိအိမ်၌ စားသောက်စီ။ အခြားသော ကိစ္စများနှင့်ပတ်သက်၍ ငါလာသည့်အခါ တဖန် ငါ ညွှန်ကြားမည်။

၁ ကောရိန္သု 14:33

အကြောင်းမူကား ဘုရားသခင်သည် ငါရို့အား စည်းကမ်းမဲ့စွာ ပြုမူခြင်းကို အလိုတော်မဟိ။ သင့်တင့်လျောက်ပတ်မှုနှင့် ငြိမ်သက်မှုကို နှစ်သက်သောကြောင့်ဖြစ်၏။ ဘုရားသခင်လူရို့၏ အသင်းတော်အားလုံး၌၊

၁ ကောရိန္သု 16:1

ယုဒပြည်၌ဟိသော ဘုရားသခင်၏လူရို့အား ထောက်ပံ့ခြင်းငှာ အလှူငွီများနှင့် ပတ်သက်၍ ဂလာတိပြည်၌ဟိသော အသင်းတော်များကို ငါ မှာထားခသည်အတိုင်း သင်ရို့ ပြုကြလော့။

၁ ကောရိန္သု 4:17

ဤအကြောင်းကြောင့် ငါသည် တိမောသေအား သင်ရို့ပါးသို့ ရွှတ်လိုက်၏။ သူသည် သခင်ဘုရား၌ ငါ နှစ်သက်မြတ်နိုးပြီးလျှင် သစ္စာဟိသော သားပင်ဖြစ်၏။ ခရစ်တော်ယေသျှုနောက်ကို ငါ ဇာပိုင်လိုက်လျှောက်သည် ကိုလည်းကောင်း၊ အရပ်ရပ်၌ဟိသော အသင်းတော်အပေါင်းရို့အား ငါဟောပြောသွန်သင်ခသော အရာတိကိုလည်းကောင်း သူသည် သင်ရို့အား သတိရစီပါလိမ့်မည်။

၁ ကောရိန္သု 7:18

အရီဖျားလှီးခြင်းမင်္ဂလာကို ခံယူပြီးသောသူသည် ရွီးကောက်တော်မူခြင်းကို ခံရလျှင် အရီဖျားလှီးခြင်း မင်္ဂလာနှင့်ဆိုင်သော အမှတ်အသားများကို မစွန့်ပယ်ကတ်ကေ့။ ထိုနည်းတူ အရီဖျားလှီးခြင်းမင်္ဂလာကို မခံယူသောသူသည် ရွီးကောက်တော်မူခြင်းကို ခံရလျှင် အရီဖျားလှီးခြင်း မင်္ဂလာကို ခံယူရန်မလို။

၁ ကောရိန္သု 7:24

ရောင်းရင်းရို့၊ သင်ရို့သည် ခေါ်ယူတော်မူခြင်းကို ခံရစဉ်က ဟိခသောအခြေအနေ၌ပင် ဘုရားသခင်နှင့် မိတ်သဟာယဖွဲ့လျက် ဆက်လက်၍ နီထိုင်အပ်၏။

၁ ကောရိန္သု 7:7

အကယ်စင်စစ် ငါသည် လူတိုင်းကို ငါကဲ့သို့ပင် ဖြစ်စီလို၏။ သို့သော် လူတစ်ဦးစီ၌ ဘုရားသခင်ထံမှ မိမိရဟိသောဆုကျေးဇူး တစ်ယောက်တစ်မျိုးစီဟိ၏။

၂ ကောရိန္သု 11:28

ထိုမျှမက အသင်းတော် အားလုံးအတွက် ငါ၏ စိုးရိမ်ပူပန်ခြင်းသည် နိ့စဉ်နိ့တိုင်း ငါ့ကို ဖိစီးလျက်ဟိ၏။

၂ ကောရိန္သု 8:18

ဧဝံဂေလိတရားကို ဟောပြော၍ အသင်းတော်များ၌ အလွန် ရိုသီခြင်းကို ခံရသော ညီအစ်ကို တစ်ယောက်ကိုလည်း တိတုနှင့်အတူ ငါရို့ စီရွှတ်လိုက်၏။

ဂလာတိ 1:22

သို့သော် ထိုအချိန်၌ ယုဒပြည်၌ဟိသော အသင်းတော်များမှ ယုံကြည်သူရို့သည် ငါနှင့်ပုဂ္ဂိုလ်ရေးအရ မသိကျွမ်းကြသိမ့်ပေ။

၁ သက်သာလောနိတ် 2:14

ညီအစ်ကိုမောင်နှမရို့၊ သင်ရို့သည် ယေသျှုခရစ်တော်၌တည်သော ယုဒပြည်ဟိ ဘုရားသခင်၏ အသင်းတော်များ၌ ဖြစ်ပျက်ခသည့်နည်းတူ သင်ရို့၌လည်း ဖြစ်ပျက်ခ၏။ ထိုသူရို့သည် ယုဒလူမျိုးရို့လက်၌ ညှည်းဆဲခြင်းကို ခံရသကဲ့သို့ သင်ရို့သည်လည်း မိမိလူမျိုး၏လက်တွင် ညှည်းဆဲခြင်းကို ခံခရကြ၏။

၂ သက်သာလောနိတ် 1:4

သင်ရို့သည် ညှည်းဆဲခြင်း၊ ဒုက္ခဆင်းရဲခြင်း ခံရသမျှ၌ ယုံကြည်ခြင်း၊ သည်းခံခြင်း ဟိကြသည်ကို ထောက်၍ ငါရို့သည် ဘုရားသခင်၏ အသင်းတော်များတွင် ဂုဏ်ယူဝင့်ကြွားလျက် ဟိကြ၏။