လုကာ 9:18 - Northern Rakhine

¹⁸ တနိန့်မာ ကိုယ်တော်ယေရှုလုံးချင်းတည်း ဆုတောင်းနီစိုင် ကိုယ်တော်၏တပည့်တော်တိက ကိုယ်တော်နဲ့အတူဟိနီလီရေ။ ယေခါ ကိုယ်တော်က သူရို့ကို “လူတိက ငါ့ကို ဇာသူလို့ ပြောနီကတ်လဲ” လို့ မိန်းလီရေ။

ဓမ္မသစ်ကျမ်း ရခိုင်ဘာသာစကား

¹⁸ တစ်နိ့သောခါ ယေသျှုသည် လုံးချင်းတည်း ဆုတောင်းလျက်နိန်သောအခါ တပည့်တော်ရို့သည် ကိုယ်တော်ထံပါးသို့ လာကြ၏။ “လူတိက ငါ့ကို ဇာသူလို့ ပြောကြသနည်း” ဟု ကိုယ်တော်က မိန်းတော်မူ၏။

လုကာ 9:18 ပူးပေါင်းရင်းမြစ်များ

လုကာ 11:1

တနိန့်မာ ကိုယ်တော်ယေရှုက နီရာတစ်ခုမာ ဆုတောင်းလို့ ဟိနီပါရေ။ ဘုရားဝတ်ပြုဆုတောင်း ပြီးရေခါ တပည့်တော်တစ်ယောက်က ကိုယ်တော်ဘားကို လာပနာ “ကိုယ်တော်၊ ရီနစ်မင်္ဂလာဆရာယောဟန်က သူ၏တပည့်တိကို ဆုတောင်းဖို့ သင်ပီးရေပိုင် ကျွန်တော်ရို့ကိုလည်း သင်ပီးပါ” လို့ လျှောက်ထားလီရေ။

လုကာ 3:21

ယောဟန်က ထောင်မာ အချုပ်ကျ မခံရခင် သူ့ဘားကိုလာရေ လူအများကြီးကိုလည်း ရီနစ်မင်္ဂလာလုပ်ပီးခပါရေ။ ကိုယ်တော်ယေရှုက ယောဟန်ဘားမာ ရီနစ်မင်္ဂလာခံယူဗျာလ် ဆုတောင်းနီစိုင်မာ အာကာစွာ ဟင်းလင်းပွင့်လားပနာ

လုကာ 6:12

တနိန့်မာ ကိုယ်တော်ယေရှုက ဆုတောင်းဖို့ တောင်ထက်ကိုလားဗျာလ် တညဉ့်လုံး ဘုရားသျှင်ဘားမာ ဘုရားဝတ်ပြုဆုတောင်းနီလီရေ။

လုကာ 9:19

သူရို့ကလည်း “တစ်ချို့က ကိုယ်တော်ကို ရီနစ်မင်္ဂလာပီးရေ ဆရာယောဟန်ဖြစ်တေလို့ ပြောကတ်ပါရေ။ တစ်ချို့က ပရောဖက်ဧလိယဖြစ်တေလို့လည်း ပြောကတ်ပါရေ။ တစ်ချို့ကလည်း ရှိ့အယင်ကဟိခရေပရောဖက်တိထဲက တစ်ပါး အသက်ပြန်ရင်လာဗျာလ်လို့လည်း ပြောနီကတ်ပါရေ” လို့ လျှောက်တင်ကတ်ပါရေ။

လုကာ 9:28

ယင်းပိုင် မိန့်တော်မူပြီးကေ သျှစ်ရက်လောက်အကြာမာ ကိုယ်တော်က ပေတရု၊ ယောဟန်နန့် ယာကုပ်ရို့ကိုခေါ်လို့ တောင်ထက်ကို ဆုတောင်းဖို့ ကြွတော်မူလီရေ။

လုကာ 9:29

ကိုယ်တော်ဆုတောင်းနီစိုင် သူ၏ရုပ်အဆင်းက ထူးခြားလာဗျာလ် သူ၏ဝတ်ရုံကလည်း လျှပ်စီးပိုင် ကောင်းကောင်းဆဆွတ်ဖြူအောင် တောက်ပြောင်လားလီရေ။