तीतुस 3:7 - सत मारग पर चलन वारो किताब

⁷ जोको लक आमी ओको दया लक धरमी ठहरायो, अमर जीवन को आस को वारिस बनायो गयो सेजन।

तीतुस 3:7 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

मरकुस 10:17

अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?

रोमियो 11:6

वोको पसंद किरपा पर अधारित सेत। ना च काम मा, काहेका अगर परमेस्वर को पसंद लोकगिन पर आधारित होतो ता वोको किरपा सहीमा किरपा नही होतो।

रोमियो 3:24

पर परमेस्वर को किरपा लक फुकट मा दियो, भेट सबला पिरभू यीसु कन लक सूटकारा देयके सहीमा धरमी बनयो गयो सेत।

रोमियो 3:28

काहे का आमी मान सेजन का मानूस मोसे को नियम को करमकांड लक अलग, भरोसा लक धरमी ठहरायो जावासेत।

रोमियो 4:16

अना एकोलाय यो वादा बिस्वास को अधार मा होतो। जोनलक वादा ला सबा अबराहम को खानदान लाय, पक्को परमेस्वर को कन लक भेट दियो जाय। नाच केवल कानून ला मानन वाला लोकगिन लाय, बल्कि उन लोक गिनको लाय भी जोन अबराहम ला माना सेत। काहेका अबराहम सबा बिस्वासी गिनको दआजी आय।

रोमियो 4:4

काम करन वालो मानूस ला बनी दियो जावा सेत। तरी वा भेट नाहोती। वोला काही असोच भेटयो होतो।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

1 कुरिन्थियो 6:11

अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।

गलातियो 2:16

आमी जानसेजन से की मानूस मोसे को नियम लक नही पर मसीह यीसु पर भरोसा करनो लक धरमी ठहरायो जासे। यो काजी आमी ना भी मसिहा यीसु पर भरोसा करीसेजन की आमी मोसे को नियम को लक नही पर मसीह पर भरोसा करन लक धरमी ठहरबोन। काहेकि मोसे को नियम लक कोनी भी मानूस देह धरमी नही ठहरायो जाहे।

गलातियो 3:29

अदी तुमी लोक मसीह का सेव, तो अबराहम का खानदान सेव अना परन को वारिसदार भी सेव।

गलातियो 4:7

एकोलाय अब तुमी दास नही, सँतान सेव अना संतान होवन को नातो लक तुमी परमेस्वर की दया लक वारिस भी सेव।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

तीतुस 1:2

अमर जीवन की ओना आसा मा जेकी परन परमेस्वर ना जोन झुठो नाहती जुनो जमाना लक करीसेस,

तीतुस 2:11

काहेका परमेस्वर को उ दया दिसायी गयो से, जोन सबच मानूस को मुक्ति को कारन से।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 1:14

वय सप्पा आतमा परमेस्वर को सेवा नही करासेत काय? का सबच सरगदुत दास नाहती जोन उन लोकगीन को सेवा साठी धाड़यो जासेत जोन मुकती को बारिस सेत।

इब्रानियो 11:7

बिस्वास को च कारन लक नूह ला भबिस्य मा घटनवालो घटना को बारे मा परमेस्वर को इसारा ला समजयो, अना जोन ला तो चोव सकत नहोती। वा परमेस्वर को हुकूम ला मानयो अना एक जहाज नाव बनायो, ज्यामध्ये उ अना वोको कुटुंब वाचले। एको परिनाम असा भयो की, जघा को निंदा भयो। अना बिस्वास लक नूह ला परमेस्वर जवर ला नेक मानूस ठैरायो गयो।

इब्रानियो 11:9

बिस्वास को कारन जोन धरती को वायदा कियो गयो होतो। उ धरती मा वय इसहाक अना याकूब तकन परदेसी जसो तम्बू मा रव्हन लगयो। अना वारसाना हक्क नही तजयो।

इब्रानियो 6:17

एकोलाय जब परमेस्वर ना करार को वारसाना गिन पर। अवर सफा-सफा आपरो करार ला बिना बदले पूरो करनो चव्हत होतो। एकोलाय वोना किरिया खा के करार करीस।

याकूब 2:5

ओ मोरो चहेतो भाऊगीन, आयको। का परमेस्वर न संसार को नजर मा ओना गरीबहून ला भरौसा मा धनी अना ओना राज को वारसाना को रूप मा नही निवड़ीसेस, जेनला परमेस्वर ना, जोन ओला माया करासेत, देवनो को बचन देयीसेस।

1 पतरस 3:7

असो च अरे नवरा हुन, तुमी आपरो बायको को संगा मा अक्कलवरी लकरव्हो वोला कमजोर समझ के ना उनको आदर करो। जिंदगी को सहयोगी वारिस मानो। जेनको लक तुमरी पिराथना मा विघन नोको पहुचेत।