तीतुस 3:2 - सत मारग पर चलन वारो किताब

² कोनी ला बदनाम नोको करयेत, झगड़ा करनवारा नही होहेत। पर नरम सुभाव, अना साजरो मानूस होहेत। अना सबच मानूस गीन को सँगा नरम दिली रहेत।

तीतुस 3:2 ပူးပေါင်းရင်းမြစ်များ

मत्ती 11:29

मोरो जुआड़ी आपरो पर धरलो अना मोरो लक सीको। काहेका मी आतमा मा नरम, अना मन को गरीब सेव तबा तूमी आपरो मन मा चैन पावने।

पेरीत 23:5

पौलुस न कहीस “मोरो इसरायली भाऊगीन मोला त पता च नही होतो का यो महायाजक आय। काहेका गिरंथ मा असो लिखीसे, तु अपरो लोकगीन को सासक को लाई बुरो नही बोलनो पाहिजे से।”

1 कुरिन्थियो 6:10

न तो चोर, बेवड़ा, न सीवा देवन वालो, ना तो लुट-खसोट करन वालो, परमेस्वर को राज को वारिस होहेत।

1 कुरिन्थियो 9:19

सबच लोकगीन लक सूटकारा होवनो को लाई मिना आपरो आपच ला सबच को दास बनाय लेईसेऊ। जेनको लक मि लगत लोकगीन को सूटकारा दिलाय सकु।

2 कुरिन्थियो 10:1

मी उ पौलुस जोन तुमरो पुड़ा गरीब सेव पर पाठ को मंघा तुमरो कन हिम्मत करके बिनती करासेऊ तुमला मसीह की कोमलता अना दयालुपन को कारन समझासेउ।

2 कुरिन्थियो 12:20

काहेका मोला असो भेव सेत, का कदी असो तो नही भई जाय, का मी आय के ना जसो मी तुमी ला चोवनो चव्हासू वसो तुमी मोला नही भेटयो, अना तुमरो मा लडाई रार जलन चुगली अना गरब होहे।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

गलातियो 6:1

भाऊगीन अना बहिनगीन। अदी यो मालुम चलतो का कोनी ना कोनी गलत काम करीसेस तो तुमी लोक जोन आतमिक सेव, ओला नरम तरीका लक साजरो करबिन। तुमी खुदच सतरक रव्हने कहिं असो न होय की तुमी भी परिक्सा मा पड़ जाहो।

गलातियो 6:10

एकोलाय जबा तकन आमी ला डाव मिलसे, आमी सबको भला करसेजन। मुख रुप लक उन लोकगीन की जोन भरोसा को कारन आमरो परिवार का सेत।

इफिसियो 4:2

हमेसा दीन रुप अना कोमलता रुप अना धीरज को सँगा बरताव करने। एक दुजो को माया लक सव्हतो रव्हने।

इफिसियो 4:31

सब परकार की कडुवाहट, ताव, गुस्सा, मुसीबत अना निन्दा सब परकार को ईरसा तुमी आपरो भीतर लक हेड़ फेकने।

फिलिप्पियो 4:5

तुमरो कोमलता सब भला मानूस पर दिसायी जाहे। पिरभु जवर सेस।

1 थिस्सलुनीकियो 2:7

आमी यीसु मसीह को पेरीत होवन को साठी आमी तुमरो वरता हक जमाय सकता, पर आमी ना तुमरो संग नरमी लक पेस भयो, जसो एक दुध पीवावन वालो माय अपरो लेकरागीन को पाल-पोस के नरम रुप लक पेस आवासे।

1 तीमुथियुस 3:11

एना परकार लक आई-माई ला भी गम्भीर होवनो पाहिजे लान-छान लगावन वारो नही होहे पर जगाहेत अना सबच गोस्टी गीन मा बिस्वास काबील होहे।

1 तीमुथियुस 3:3

दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

याकूब 4:11

अगा भाऊ एक दुसरो की बदनामी नोको करो। जोन अपरो भाउ की बदनामी करासे अना भाउ पर दोस लगावासे उ करार की बदनामी करासे अखीन नियम पर दोस लगावासे अना अदी तु करार पर दोस लगवासे त तु नियम मानन वालो नही पर तु वोको पर मुकदमा करन वालो ठहरायो जाजोस।

1 पतरस 2:1

एको लाई सबच पिरकार को बैर-भाव छल अना कपट, जलन ईरसा बदनामी सबला छोड़ देव।

1 पतरस 3:10

पवितर गिरंथ असो कव्हसेत “अदी तुम्हाला जीवन को पिरेम खुसी लेवा को सेत। अना तुम्हाला साजरो बेआ चोवन को इक्सा सेत। तर तुम्ही वाईट बोलन लक थांबा, अना खोटे बोलन साठी रुकनो पाहिजे।

1 पतरस 3:8

निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा।

1 पतरस 4:4

अता तुमी वोना लोकगीन को बरोबर एसो आराम को दलदल मा डुंबू नका। मंग वोको लक अचरज होवासे का वय तुमरो निंदा-बदी करतात।

2 पतरस 2:10

खास करुन उन लोकगीन जेना असुद्ध वासना को बसमा होयके, सान सौकत लक जिंदगी बिताव सेत। अना पिरभू को तिरस्कार करासेत। वय गरबिला मानूस सेत। अना वय सरग को सचला नकारन घाबरत नाही।

यहूदा 1:10

पर असो लोकगीन जोन गोस्टी ला नही समझासेत पर उनला बदनाम करासेत, जोन गोस्टी गीन ला बेडीमाक जनावर को जसो सुभाव च लक जसो जानासेत अना उनमा अपरो आपच ला नास करासेत।

यहूदा 1:8

बेस ऐना रिती आमरो झुंड मा घुसन वारा यो लोक आपरो सपना को मंघा परात हुया आपरो तन ला अपवितर कररही सेत यो पिरभु को ताकत ला उचलके ताक पर राख देसेत अना पिरभुता ला बेकार समझत अना सरग को रव्हन वारो भेद को निन्दा करासेत।