का तुमी पिरभू मा वोला असो रित लक अपनाने जसो परमेस्वर को लोक गिनको लायक सेत। वोला तुमरो लक जसो मदद पाहिजे तसोच वोकी मदद करो। काहेका वा मोरो समेत लगत लोक गिनको मदद करियो सेत।
काहेका मुखिया ला परमेस्वर को खजांची होवन को कारन कलिसीया को मुखिया ला निरदोस होवनो चाव्हसे। न ता जिद्दी, न ता गुस्सा करनवालो, न ता पियक्कड़, न मारपीट करन वालो, न ता नीच कमाई को लोभी होय,
सहीमा तुमीला अबा तकन सिक्सक बन जानो होतो। पर तुम्हीला तो अबा कोनी असो मानूस को जरुरत सेत। जोन तुम्हिला नवा सिरो लक परमेस्वर को सिक्सा को सुरुवात को गोस्टी सिकायेत। तुम्हिला बस अबा दूध च पाहीजे, जेवन नही।
पर मोला तोरो विरोध मा मोला यो कव्हनो से, की तु ओनो आई-माई ईजबेल ला आपरो बीच रव्हन देसेस, जो आपरो आपच ला भविस्यवक्तनी कव्हसे, अना मोरो दास गीन ला छिनालापन काम करन अना मुरत गीन को पुड़ा चघायो हुयो मांस खान को लाई, सिखावसे अना भटकावसे।