तीतुस 1:2 - सत मारग पर चलन वारो किताब

² अमर जीवन की ओना आसा मा जेकी परन परमेस्वर ना जोन झुठो नाहती जुनो जमाना लक करीसेस,

तीतुस 1:2 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

मत्ती 25:46

अना वय अमर सजा भोगेत पर नेक मानूस, अमर जिंदगी मा धसेत।

मरकुस 10:17

अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?

मरकुस 10:30

अना योच जीवन मा सौ गुना पाहेत, घर, भाऊगीन, बहिनगीन, मायगीन, लेकरागीन अना खेत, इन सबको संग सताव अना आवन वारा जुग मा हरामेसा को लाय जिन्दगी भेटेत।

योहन 10:28

मि उनला अमर जिंदगी देवासु, वय कभ्भू च नास नही होहेत। अना कोनी उनला मोरो हात लक नही हिसकेत।

योहन 17:2

काहेकि तुना ओला सबच मानूस जाति पर हक देईसेस, जोनलक उ उन सबला अमर जिंदगी दे, जोनला तूना वोला सोपयो सेत।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 5:39

तुमी गिरंथहुन मा वाचासो, काहेका तुम्हि समजासो की ओमा अमर जिंदगी तुमला मिलेहत। अना यो वाचासो जोनमा मोरो बारे मा सबूत कहयो गयो से।

योहन 6:54

जोन मोरो माँस खावसे अना खून पिवासे, अमर जिंदगी ओकोच से, अना आखीर मा ओला मंग जीत्तो करू।

योहन 6:68

समौन पतरस नाव को चेला ना कहीस, हे पिरभू! आमी कोन को जवर जाबोन, अमर जिंदगी की गोस्टी ता तोरोच जवर सेत।

पेरीत 15:18

दुनिया को सुरुवात लक यो वोच पिरभू सेत जोन येने गोस्टी ला परगट करत आईसे।

रोमियो 1:2

परमेस्वर ना आपरो भविस्यवक्ता गिन लक असो पयले च करार कियो होतो। असो पवितर गिरंथ मा लिख्यो सेत।

रोमियो 16:25

वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।

रोमियो 2:7

काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत।

रोमियो 5:2

उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।

रोमियो 5:21

एकोलाय जसो पाप मौत को कारन सासन करा सेत। वसोच परमेस्वर की किरपा को भी नियम, अमीला यीसु मसीह को कारन अमर जीवन को कन लेजावा सेत।

रोमियो 5:4

धीरज परमेस्वर को मंजूरी अना सेत। अना वोको मन्जूरी उम्मीद पैदा करतत।

रोमियो 6:23

काहेका पाप को बनी तो मरनो से, पर परमेस्वर को बरदान आमरो पिरभू यीसु मसीह मा अमर जीवन सेत।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

1 थिस्सलुनीकियो 2:15

जिनना पिरभू यीसु अना भविस्यवक्ता गीन दुही ला मार डाकिन अना हम ला भी सतायके भगाय देईन। वय परमेस्वर उनलक खुसी नाहतो कहेका वय सबच मानूस गीन को बिरोधी सेत।

1 थिस्सलुनीकियो 5:8

पर एकोलाय का हमी दिवस का सेजन आव हमी भरोसा अना पिरेम को कवच अना सूटकारा की आस को टोप पहेर के तैय्यार रव्हबिन।

1 तीमुथियुस 6:12

बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो।

1 तीमुथियुस 6:19

अना पुढा लाई एक साजरी रद्दा डाक के राखे, का सच्चो जीवन ला वस मा कर लेहे।

2 तीमुथियुस 1:1

पौलुस को कन लक जोन, जिंदगी की परन को जसो जोन मसीह यीसु मा से। परमेस्वर की आस लक मसीह यीसु को पेरीत से।

2 तीमुथियुस 1:9

जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।

2 तीमुथियुस 2:13

अदी हमी अबिस्वासी भी होय तबा भी उ बिस्वास कबील बनायो रह काहेकी उ आप अपरो मुकर नही कर सकासे।

2 तीमुथियुस 2:15

अपरो आप ला परमेस्वर ला पावनो काबील अना असो काम करन वालो ठहरानो को जतन कर जोन लज्जित होवन नही पाहे अना जोन खरो बचन ला सही रीती लक काम मा आनासेत।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

तीतुस 2:7

सब गोस्टीहुन मा आपरो आप ला साजरो कामकाज को नमुना बनाव। तोरो पिरवचन मा सफाई, गम्भीरता,

तीतुस 3:7

जोको लक आमी ओको दया लक धरमी ठहरायो, अमर जीवन को आस को वारिस बनायो गयो सेजन।

1 योहन 2:25

ओना आमला अमर जिंदगी देन को परन करीसेस।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

यहूदा 1:21

आमरो पिरभु यीसु मसीह को दया अना पिरेम को रास्ता चोतो हुयो जोन तुमला अमर जिंदगी तक ले जाहे परमेस्वर को भक्ति मा लीन रव्हो।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 17:8

जोन तु ना चोवीसे, पयले कदी जित्तो होतो। पर अबा जित्तो नाहती। मंग उ पताल लक हीटन वालो सेत। अना वोको नास भयी जाहेत। मंग धरती को वय लोक जिनको नाव जगत को सुरू लक जिंदगी को किताब मा नही लिख्यो सेत। वा जनावर ला चोवके, चकित होयेत। काहेका वा कदी जित्तो होतो, पर अबा जित्तो नाहती।