रोमियो 8:30 - सत मारग पर चलन वारो किताब

³⁰ मंग जोन ला वोना पयलो लक ठहरायो, उनला हाकलिस भी उनला नेक मानूस ठहरायो, अना उनको बड़ाई भी करयो सेत।

रोमियो 8:30 ပူးပေါင်းရင်းမြစ်များ

योहन 17:22

उ महिमा जेनला तुना मोला देईसेस मिना उनला देईसेऊ, की वसोच एक होहेत। जसो की हमी एक सेजन।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

रोमियो 1:6

यो गोस्टी मा तुमी रोम को सबा रव्हन वारो भी सामिल सेव।

रोमियो 11:29

परमेस्वर आपरो मनला नही बदला सेत। जोनला वा निवाड़ो सेत वोला वा आसीरबाद भी देवा सेत।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

रोमियो 8:21

मंग अबा भी आस होतो। का दुनिया आपरो गुलामी लक अजाद होवके, परमेस्वर लेकरा गिनको संग गौरव को संग हिस्सादारी करयेत।

रोमियो 8:28

अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।

1 कुरिन्थियो 1:2

कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।

1 कुरिन्थियो 1:9

परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।

1 कुरिन्थियो 2:7

वोको जघामा अमी परमेस्वर को छिपयो गियान को अक्कल देवा सेजन। जोनला लगत जूनो जमाना ला परमेस्वर ना आमरो गौरव को काजी पक्को कियो होतो।

1 कुरिन्थियो 6:11

अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

गलातियो 1:15

पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस।

गलातियो 1:6

मोला अचंभा होवासे की जेना तुमी लोकगीन ला मसीह को दया कन लक हाकलीस। ओला तुमी एतरो लहाकी लक सोड़ के कोनी दुजो साजरो बारता का मंघा होय गयत।

गलातियो 5:8

असो सीक तुमरो हाकलन वालो को कन लक नही।

इफिसियो 1:11

सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस।

इफिसियो 1:5

आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रुप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो।

इफिसियो 2:6

काहेकि आमी यीसु मसीह मा सेजन एकोलाई परमेस्वर ना हमला मसीह कोसंग च मंग लक जित्तो उचलीस अना ओको संगा च सरग को सिहासन पर बसाईस।

इफिसियो 3:11

ओना जूनो जमाना मनसा को जसो पुरो भयो जोन ओना आमरो पिरभु मसीह यीसु मा पुरो कियो होतो।

इफिसियो 4:4

एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो।

कुलुस्सियो 3:4

जबा मसीह जोन आमरो जिंदगी से उ जबा दिसे तबा तुमी भी ओको महिमा सँगा दिसाय जाहो।

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

2 तीमुथियुस 2:11

या गोस्टी सही से का, अदी हमी उनको संग मर गईसे त उनको संग जीवबीन भी।

इब्रानियो 9:15

मसीह पयलो करार को भितर, कियो गयो गुनाह, को छिमा को लाय मर गयो सेत। अना अबा उ एक नवा करार को बिचवई से। परमेस्वर जोन ला हाकल सेत, उनला अबा वोको करार लक अमर काल तकन सूटकारा को हक मिलासेत।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

1 पतरस 3:9

वाईट काम को एवज मा वाईट काम नोको करा। सिराप को परतफेड नोको करा। वोको ऐवज मा, आसीरवाद देया। कारन तुमिला आसीरवाद देवन साठी बोलाविले गयो सेत।

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

2 पतरस 1:10

यो कारन अगो बंधूनो! आपरो आपला हाकलनो अना निवाड़ो लाय पक्को करन लाय साठी सप्पा तो परी कोसीस करा। आपरो असो करन्यास, तुमी कधीच विचलित होनार नाही।

परकासित वाक्य 17:14

वय पाठी को बिरोध मा लड़ाई करहेत, पर पाठी आपरो हाकलो गयो, अना निवाड़ो गयो, चेला गिनको संग उनला हरा देहेत। काहेका उ राजा गिनको राजा अना पिरभू गिनको पिरभू आय।”

परकासित वाक्य 19:9

मंग मोरो लक उ कहन लगयो, “लिख जोन यो बिहा मा बुलायो गयो सेत, उ धन्य सेत।” मंग वोना कहयो, “यो परमेस्वर को खरो बचन सेत।”