रोमियो 8:13 - सत मारग पर चलन वारो किताब

¹³ पर यदि तुमी आपरो मानूस सुभाव को अनुसार रव्हअ सेव, ता तुमी मरन वालो सेव। तरी आतमा लक मनला मार के जिंदगी को दिवस बितावअ सेव। ता जित्तो रव्हन को मौका सेत। यो काजी आतमा लक बुरो करम ला मार डाखो।

रोमियो 8:13 ပူးပေါင်းရင်းမြစ်များ

रोमियो 6:21

अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।

रोमियो 6:23

काहेका पाप को बनी तो मरनो से, पर परमेस्वर को बरदान आमरो पिरभू यीसु मसीह मा अमर जीवन सेत।

रोमियो 7:5

जबा अमी मानूस को जसो जिंदगी बितावा सेत। ता कानून लक दियो गयो पाप को लालच आमरो देहमा काम करा सेत। अना येको आखीर मौत से।

रोमियो 8:12

एकोलाय मोरो संगी हुन! आमरो पर यो देह को करजा तो सेत, पर अमिला मानूस को स्वाभाविक मरजी को अनुसार जित्तो रव्हअनो नाहती। भलो च आमरो मन असो करन लाय साठी उकसावे।

1 कुरिन्थियो 9:27

मी आपरो देह ला तकलीप देवासू, अना वोला आपरो बस मा राखासू। कही असो ना भई जाय का दुसरो ला परचार को मघा, मी खुद वोको पर चलनवारा नही बनू कही लोक असो ना कव्हे का “दियो खाल्या अँधार सेत।”

गलातियो 5:24

जोन मसीह यीसु को सेत, उनना आपरो आँग ला बुरो मनसा अना लालसा गीन सकट कूरूस मा चघायो देईसेत।

गलातियो 6:8

जोन आपरी आँग की आदत को लाई बोवासे, उ आँग की माटी मा विनास की फसल कापासे; पर जोन पवीतर आतमा को लाई बोवासे, उ पवीतर आतमा की माटी मा अमर जीवन की फसल कापासे।

इफिसियो 4:22

यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे।

इफिसियो 4:30

परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे।

इफिसियो 5:18

दारू ला पीवके बोलनवारा ना होवने, काहेकि एको लक लुच्चाई होवासे, पर एको उलट आतमा लक भरजाव।

तीतुस 2:12

अना आमी चेतावनी देवा सेजन, की आमी बिना भक्ति को, अना दुनिया को मन मरजी लक मन हटाव के, ना यो जुग मा धीरज अना नेकी अना भक्ति लक जिंदगी बितावबिन।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।

1 पतरस 2:11

अरे चहेतो संगीहुन, तुमी संसार मा परदेसी जसो सेव। निवेदन करासु का तन को इक्सा लक दुहुर भई जाव, जो तुमरो आतमा लक लड़ाई करासेत।