रोमियो 8:11 - सत मारग पर चलन वारो किताब

¹¹ जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।

रोमियो 8:11 ပူးပေါင်းရင်းမြစ်များ

योहन 14:17

मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।

योहन 5:21

जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे।

पेरीत 2:24

पर परमेस्वर न वोला मिरतु को यो उन लक सोड़ाय लियो अना वोला मंग जित्तो करीस। अना मिरतु मा इतरो ताकत नाहोती का वोला बन्धन मा राखे।

रोमियो 16:10

अपिल्लेस ला जो मसीह मा सच्चो अना काबील से, वोला नमस्कार। अरिस्तुबुलुस को घराना ला नमस्कार

रोमियो 16:3

प्रिस्किल्ला अना अक्किला ला जोन यीसु मसीह मा मोरो संग काम करनवारा सेत। उनला मोरो नमस्कार।

रोमियो 16:7

अन्द्रुनीकुस अना युनियास जोन मोरो रिस्तेदार सेत, अना मोरो सग कैद भई होतिन, अर वय पेरीत गीन मा नामी गामी सेत। अना मोरो लक पयले मसीह मा सेती, नमस्कार।

रोमियो 16:9

उरबानुस ला जेना मसीह मा आमरो संग काम करनवारा सेत, अना ओ मोरो चहेतो इस्तखुस को नमस्कार।

रोमियो 6:12

एकोलाय पाप तुमारो नासमान तन मा, राज नोको करे। का तुमी वोको मुताबिक चलन लगो। या वोको लालच को लक जीवन करो।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

रोमियो 8:12

एकोलाय मोरो संगी हुन! आमरो पर यो देह को करजा तो सेत, पर अमिला मानूस को स्वाभाविक मरजी को अनुसार जित्तो रव्हअनो नाहती। भलो च आमरो मन असो करन लाय साठी उकसावे।

रोमियो 8:2

आत्मा को कानून, जोन अमिला मसीह यीसु मा जिंदगी देवा सेत। वा अमिला पाप अना मिरतु को कानून लक सूटकारा दे दियो सेत।

रोमियो 8:9

पर जबा परमेस्वर को आतमा तुम मा रव्हा सेत। तो तुमी देह को दसा मा नही, पर आतमिक दसा मा सेव। यदि कोनी मा मसीह को आतमा नाहती तो उ मसीह को लोक नाहती।

1 कुरिन्थियो 15:16

काहेकी अदी मरनवालो जित्तो नही होवा सेत, तो मसीह भी नही जिलायो गयो से।

1 कुरिन्थियो 6:14

परमेस्वर ना जसो पिरभू ला जिलायो, वसोच उ अमीला भी, आपरो ताकत लक जित्तो करयेत।

2 कुरिन्थियो 4:11

आमरो जिंदगी को मंघा आमी सदा यीसु को लाई मिरतु को खतरा मा सेजन ताकि आमरो जीवन को यो पिरान घातक देह मा ओको जीवन चोयो जाय सकेह।

2 कुरिन्थियो 4:14

आमी जानासेजन का परमेस्वर जेने पिरभु यीसु ला जित्तो करिसेत, वाच आमीला यीसु को हिस्सादार समझके जित्तो करयेत। अना आमीला तुमरो सँगा आपरो हाजरी मा ले जाहे।

2 कुरिन्थियो 5:4

सही मा जबा तकन हमी एना तम्बू देह मा सेजन त हमी बोझ लक दबया हुया कराहव सेजन काहेकी हमी कपरा हेड़नो नही पर पेहरनो चाव्हासेजन का जोन कोनी मरनो को जसो से वा जिंदगी लक हेड दियो जाय।

गलातियो 6:8

जोन आपरी आँग की आदत को लाई बोवासे, उ आँग की माटी मा विनास की फसल कापासे; पर जोन पवीतर आतमा को लाई बोवासे, उ पवीतर आतमा की माटी मा अमर जीवन की फसल कापासे।

इफिसियो 2:5

ओनो बेरा जबकि आमी आपरो पापहुन को काजी आमी आत्मिक रुप लक अबा मरया हुया होता ओना आमीला मसीह को संग-संग ओना हमला भी जिंदगी देईसेस, परमेस्वर को किरपा लक तुमरो सूटकारा भयीसे।

फिलिप्पियो 3:21

उ आपरी ताकत को असर लक जेनको लक उ सबच चीजगीन ला आपरो बस मा कर सकासे, आमरो दुखी तन सुखी तन को रूप बदल के, आपरो महिमा वालो तन जसो बनाय देहे।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

परकासित वाक्य 1:18

मि मर गयो होतो अता मि सदा लक जित्तो सेव। मिरतु अना नरक को कुन्जी मोरो जवर से।

परकासित वाक्य 11:11

पर साढ़े तीन दिवस मघा परमेस्वर को कनलक वय जित्तो भयी गयीन। अना आपरो पाय मा उभो भयी गयीन। जोनना उनना चोवीन लगत डराय गयो होतिन।