रोमियो 7:5 - सत मारग पर चलन वारो किताब

⁵ जबा अमी मानूस को जसो जिंदगी बितावा सेत। ता कानून लक दियो गयो पाप को लालच आमरो देहमा काम करा सेत। अना येको आखीर मौत से।

रोमियो 7:5 ပူးပေါင်းရင်းမြစ်များ

मत्ती 15:19

काहेकि बुरो विचार हत्या, पराय बायको संग सोवनो, छिनालापन, चोरी, झुठी गवाही अना निन्दा बिरोध मन मा लक हिटा सेत,

योहन 3:6

काहे की जोन तन लक जलमो से उ तन सेत, अना जोन आतमा लक जलमो से वा आतमा सेत।

रोमियो 1:26

एकोलाय परमेस्वर ना उनला खोटो करम करन लाई सोड़ देईसेस। उनको बायका गीन भी बायको जवर बायका सोवन लगीन अना बायका-बायका च आपसी मा खोटो काम करन लगीन।

रोमियो 3:20

काहे का मोसे को नियम को लक कोनी भी मानूस तन परमेस्वर को पूढा धरमी ठहरायो नही जाहेती। मोसे को नियम केवल पाप को गियान करासेत।

रोमियो 4:15

कानून परमेस्वर को गुस्सा ला कम करा सेत। तरी जितानी कानून नोहोति, उतानी हुकूम तोड़न को सवाल च नाहती।

रोमियो 5:20

कानून ला खोटो तरीका लक बढान को लाय पेस कियो गयो होतो। परा जबा पाप बढयो तबा परमेस्वर को किरपा भी लगत बढ़ गयो।

रोमियो 6:13

अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।

रोमियो 6:19

मी तुमारो आँग को निरबलता को कारन मानूस को रीत लक कव्हसू। जसो तुमरो देह ला कुकरम को लाय बुराई अना खोटो करम को दास बनाके सोपो होतो। वसोच अबा आपरो देह ला धरमी होवन को कजि, वोको दास बनाके सोपो।

रोमियो 6:21

अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।

रोमियो 6:23

काहेका पाप को बनी तो मरनो से, पर परमेस्वर को बरदान आमरो पिरभू यीसु मसीह मा अमर जीवन सेत।

रोमियो 7:23

तर मोरो देहमा काम करन को एक बेगरो कानून चोवअ सेत। एक असो कानून जोन वोना कानून को खिलाफ लड़अ सेत। जोनला मोरो डिमाक मंजूर करा सेत। यो मोला पाप को कानून कोलाय कैदी बनावा सेत। जोन मोरो देहमा काम करा सेत।

1 कुरिन्थियो 15:56

मिरतु को डंक तो पाप सेत, अना पाप ला मोसे को नियम लक ताकत मिला सेत।

2 कुरिन्थियो 10:3

काहेकी अदी हमी देह मा चला सेजन फिरासेजन तोभी त देह को जसो नही लड सकत।

गलातियो 3:10

एकोसाठी जो लोक मोसे को नियम को काम पर भरोसा राखासेति, वय सबच सिराप को कब्जा मा सेत, काहेकि लिखीसे, जोन कोनी मोसे को नियम को किताब मा लिखयो सबच हुकूम को पालन नही करा, उ सिरापित से।

गलातियो 5:24

जोन मसीह यीसु को सेत, उनना आपरो आँग ला बुरो मनसा अना लालसा गीन सकट कूरूस मा चघायो देईसेत।

इफिसियो 2:11

एकोलाई तुमी हेत राखो वय लोक जोन आपरो तन मा मानूस को हात लक कियो हुयो खतना को काजी आपरो आपला “खतना करयो वालो” सांगासेत, विधरमी को रुप मा जन्मो तुमी लोकहुन ला “खतना को बिना” कव्हत होतीन।

इफिसियो 2:3

उनमा आमी भी पयले आपरो देह की मोह मा दिवस बितात होता, देह अना मन को मरजी ला पूरो करत होता, अना अखीन संसार को दुसरो लोकगीन को जसो बरताव लक परमेस्वर को गुस्सा की लेकरा होता।

कुलुस्सियो 3:5

एको लाई आपरो उन आँग ला मार डाको जोन धरती मा रव्हसेत मजे छिनालापन असुध्दता, नीच काम बुरो कामना अना लोभ ला जोन मुरत पुजा को बरोबर से।

तीतुस 3:3

काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो।

याकूब 1:15

मंग अभिलासा गरभ धरासेत, अना पाप ला जलम देवा सेत। मंग पाप बड़ सेत अना मिरतु ला आना सेत।

याकूब 4:1

तुमरो मा लडाई अना झगड़ा कहान लक आई गइन? का वोनो सुख सुबितागीन लक नही जोन तुमरो अंग गीन मा लड़त-भीड़त से?

1 योहन 3:4

जोन कोनी खोटो करम करासे, उ को परमेस्वर नियम ला बिरोध करासे। काहेकि नियम ला बिरोध करनो च पाप से।