रोमियो 7:18 - सत मारग पर चलन वारो किताब

¹⁸ मोला मालूम सेत। का नेकी मोरो मा नाहती। मजे मानूस को सुभाव मा। भलो मोरो मनमा साजरो करन को मरजी सेत। परअ मी साजरो नही कर सका सेऊ।

रोमियो 7:18 ပူးပေါင်းရင်းမြစ်များ

मत्ती 15:19

काहेकि बुरो विचार हत्या, पराय बायको संग सोवनो, छिनालापन, चोरी, झुठी गवाही अना निन्दा बिरोध मन मा लक हिटा सेत,

लूका 11:13

अता जबा तुम्ही बुरो होयके, आपरो लेकरा बारो-ला, साजरो चीज देवनो जानासो, तो सरग को बाबूजी, परमेस्वर आपरो मांगन वालो ला, पवीतर आतमा काहे नही देहेत।

योहन 3:6

काहे की जोन तन लक जलमो से उ तन सेत, अना जोन आतमा लक जलमो से वा आतमा सेत।

रोमियो 13:14

तुमी पिरभू यीसु मसीह ला घालो अना देह को इक्सा पूरो करन को कोसिस नोको करो।

रोमियो 7:15

मोला मालूम नाहती, मी काजक करा सेऊ। काहेका जोन मी करनो चाव्हअ सेऊ, मी नही करा सका सेऊ। पर जोन लक मोला घिरना आवा सेत, वोच काम मोरो लक होवासेत।

रोमियो 7:19

वा नेकी को काम जो मी करनो चाव्हसू, नही करा सका सेऊ, पर मी बदी करा सेऊ जोन मी करनो नही चाव्हसू।

रोमियो 7:25

परमेस्वर को लाय धनवाद जोन आमरो पिरभू यीसु मसीह कोलक यो करा सेत। मंग मोरो यो हालत सेत। आपरो दम मा मी आपरो मन लक सिरप परमेस्वर को कानून को सेवा करा सका सेऊ। जबकि मोरो आदत मा पाप को कानून काम करा सेत।

रोमियो 7:5

जबा अमी मानूस को जसो जिंदगी बितावा सेत। ता कानून लक दियो गयो पाप को लालच आमरो देहमा काम करा सेत। अना येको आखीर मौत से।

गलातियो 5:17

काहे की आँग तो पवीतर आतमा को विरोध मा अना पवीतर आतमा आँग को विरोध मा लालसा करासे, यो तो एक दुसरो को विरोधी सेत, जोन तुमी करनो चाव्हसो ओला नही कर सकोह।

गलातियो 5:24

जोन मसीह यीसु को सेत, उनना आपरो आँग ला बुरो मनसा अना लालसा गीन सकट कूरूस मा चघायो देईसेत।

फिलिप्पियो 2:13

काहेकि परमेस्वर च से जोन ना आपरी साजरो मरजी को लाई तुमरो मन मा मरजी अना काम, दुही गोस्टी को करन को असर डाकीसेस।

फिलिप्पियो 3:12

यो नही की मोला मिल गयो से या पक्को होय गयो सेऊ पर मकसद ला पुरो करन लाई पुढा बड़त जावासेऊ जोन को लाई मसीह यीसु ना मोला धरयो होतो।

तीतुस 3:3

काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो।

1 पतरस 4:2

अना वोला भबिस्य मा आपरो बचयो देह को जिंदगी आपरो मरजी लक नही तर परमेस्वर को मरजी लक बिताव।