रोमियो 5:2 - सत मारग पर चलन वारो किताब

² उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।

रोमियो 5:2 ပူးပေါင်းရင်းမြစ်များ

मत्ती 25:21

ओको मालिक ना ओला कहीस, सबास साजरो बिस्वासी दास तु जरा सो मा लायक हिटसेस। मि तोला लगत चीज गीन को वरता, अधिकारी बनाहुँ। आपरो पिरभु को सँग खुसी मनाओ।

योहन 10:7

तबा यीसु ना उन लक सांगयो, मि तुमी लक सही-सही कव्हसु, मेढा गीनको बेसकुड़ मि सेव।

योहन 10:9

बेसकुड़ मि सेव, अदी कोनी मोरो लक भितर धसेत, तो सूटकारा पाहेत, अना भीतर बाहेर आवनो-जावनो करहेत अना चारा पाहेत।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

पेरीत 14:27

उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।

रोमियो 11:20

बेस से, वय तो अबिस्वासी को कारन कापके अलग कर दियो गयो, अना तुमरो भरोसा बल मा आपरो जघा पर बनो हुयो सेव। एकोलाय गरब नोको करो, वरन भेव मानो।

रोमियो 12:12

आपरो आस मा खुसहाली करो, दूख मा पक्को रव्हो, पिराथना मा हमेसा लगे रहयो।

रोमियो 14:4

तू कोन सेत जोन दूसरो दास पर दोस लगावासेत? वोको उभो रव्हनो, अना पड़ जावनो, वोको पिरभू तय करा सेत बल्की मी यो कव्हसू का वोला उभो कर दीयो जाहेत, काहेका परमेस्वर च वोला उभो रखा सका सेत।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 2:7

काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत।

रोमियो 3:23

हरेक मानूस ना पाप करयो सेत। अना परमेस्वर कन लक दियो तेज बचाव लक लगत दुहूर सेत।

रोमियो 5:5

अना आस अमिला निरास नहीं होन देवा सेत। काहेका पवितर आतमा कन लका जोन अमिला दियो गयो सेत। परमेस्वर को पिरेम आमरो हिरदय मा, उबड़ायो गयो सेत।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

रोमियो 8:24

अमी बचायो गयो सेत यो गोस्टी को आमरो मनमा आस सेत। तरी अमी जोन गोस्टी को उमेंद करा सेजन। वोला अमी आपरो डोरा लक चोवासेजन, ता आमरो आस पुरो भयी जासेत। जोन चोवअ सेत, वा अबा आस नाहती।

1 कुरिन्थियो 15:1

मोरो संगीहुन! अबा मी तुमी लोकगीन ला वोना साजरो बारता ला हेत दिलावा सेऊ। जेनको परचार मीना तुमरो बीचमा करी सेऊ। अना तुमीना वोला अपनाई सेव, अना वोमा मेड़ा को जसो मजबुत सेव।

2 कुरिन्थियो 3:18

पर आमी सबा उघाडो तोन्ड लक पिरभू को तेज जसो आरसा मा चोवतो हुया पिरभू मजे आतमा लक आमी वोको तेजपन को रुप मा जरा-जरा करके बदलत जावासेत।

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

इफिसियो 2:18

काहेकि यीसु मसीह को कन लक यहुदी अना गैरयहुदी दुही एकच आतमा लक परमेस्वर बाबुजी को जवर धाड़ियो गयो।

इफिसियो 3:12

मसीह पर बिस्वास को काजी आमी परमेस्वर तकन भरोसा अना निडरपन को संगा पहुच राखासेजन।

इफिसियो 6:13

एकोलाय परमेस्वर को सबच हतियार डाक लेवने, जोको लक तुमी बुरो दिवस मा सामना कर सकहो अना सबच काही पूरो करके पक्को रव्ह सकने।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

इब्रानियो 6:18

उ ऐना दुई नही बदलन वारा गोस्टी, मन्जे करिया अना करार, खोटो नही होय सकत। एकोलक अमी जोन परमेस्वर को सरनमा सेत। अमिला असो लगासेत का आमरो आस बिलकुल सही सेत।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

परकासित वाक्य 21:11

परमेस्वर को बड़ाई लक तैय्यार ओको तेज किमती पत्थरा जसो अना लगत कीमती रतन, सुरज की लाली को जसो होती।

परकासित वाक्य 21:23

नगर ला उजाडो देवन लाई न ता सुरज को जरुरत से, नाच चन्दा को काहेकि परमेस्वर को तेज ओला उजाड़ा देवासे अना खुदच मेढ़ा एको दियो से।

परकासित वाक्य 21:3

तबा मिना सिघासन लक एक उचो सबद मा यो कव्हतो आयकियो, “चोवो! मानूसगिन को बीच मा परमेस्वर को रव्हनो!” अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत।

परकासित वाक्य 3:21

जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ।