रोमियो 3:4 - सत मारग पर चलन वारो किताब

⁴ पक्को नही! अदि हरेक मानूस खोटो सेत ता का भयव, परमेस्वर तो खरो से। जसो गीरंथ मा लिख्यो से, “जबा तू सांगेत, तबा तु सही मनो जाहेत, अना जबा तोरो फैसला होयेत, तोरो जीत होयेत।”

रोमियो 3:4 ပူးပေါင်းရင်းမြစ်များ

मत्ती 11:19

“मंग मानूस को टूरा आयो, जोन सबको जसो जेवन करा सेत, तरी वय लोक कव्हासेत। चोवो! यो अघोरी गजब खावन-पीवन वारा मानूस, अना बरगन लेवन वारा, अना पापी गीन को संगी सेत।” तरी काम लक अक्ल सहीमा कसो सेत पता चलासेत।

लूका 20:16

उ आयके ना वोना किसान गीनला नास करयेत, अखीन अंगूर को बारी ला दुसरो ला देहेत। उनना यो आयक के ना ओला कहिन, परमेस्वर करे असो नोको होयहेत।

योहन 3:33

जिनना वोकी गवाही अपनाय लेईसेत वोना यो गोस्टी पर छाप लगा देइसेत की परमेस्वर खरो से।

रोमियो 11:1

मी पूसा सेऊ, का परमेस्वर ना आपरो लोकहुन ला बिसरा दियो से। नही असो नाहती मि खुदच एक इसरायली अना अबराहम को खानदान को सेऊ, मी, बेंजामिन को कुल को एक मानूस सेऊ।

रोमियो 11:11

एकोलाय मी कव्हासेऊ, का उनना एकोलाय खोद्दा खायो का वय पड़के नास भयी जाय? पक्को च नही। बल्कि उनको खोटो करनो लक गैर यहूदी लोक ला सूटकारा भेटयो। जोनलक यहूदिगिन मा जलन पैदा होय।

रोमियो 3:31

तो का हमी यो भरोसा लक मोसे को नियम ला रद्द करासे? कभी नही पर हमी मोसे को नियम ला खरो ठहरावसेजन।

रोमियो 6:15

मंग काजक, अमी दुबारा पाप करबीन? काहे का अबा अमी कानून को नही पर परमेस्वर को किरपा को अधिन सेजन। अमी कोनी परकार लक पाप नहि कर सकत।

रोमियो 6:2

पक्को रूप लक नहीं! अमी पाप करन लाय मरयो सेत। मंग अमी योमा कसो रव्हबीन?

रोमियो 7:13

तो का उ जोन साजरो होती। मोरो काजी मरनो को कारन बनी? कभी नही! पर पाप वोना साजरो चीज लक मोरो लाय मरनो पैदा करनवारा बनी। का वोको पाप पूढा चोवयेती। अना हुकूम को लक पाप गजब बेकार साबीत भई जाये।

रोमियो 7:7

अमी काजक कव्हबीन? का कानून खुदच पापी से बिलकूल नही! पर यो कानून होतो जोन ना सांगयो का पाप काजक सेत? अगर कानून यो नही सांगयो होतो का लोभ नोको करो, तो मोला मालूम नही होतो का लोभ करनो पाप सेत।

रोमियो 9:14

मंग अमी काजक सांगबीन परमेस्वर अन्याय करा से? कबच नही।

1 कुरिन्थियो 6:15

का तुमला मालूम नहती? तुमरो देह मसीह को आंँग सेत। तो का मी मसीह को आँग ला धरके बेसिया को आँग बना देऊ?

2 कुरिन्थियो 1:18

जसो का परमेस्वर भरोसा को लायक से वसोच तुमरो लाई हमरो बचन मा हव अना नही दुई एको संग नही पायो जाहेत।

गलातियो 2:17

आमी जो मसीह मा धरमी ठहरायो जावन, अदी खुदच पापी हिटबोन ता का मसीह पाप को दास से? कभीच नही।

गलातियो 2:21

मि परमेस्वर को दया ला अकारत नही ठहराउ। काहेकि अदी नेकीपन मोसे को नियम को काम कन लक मिल सकसे तो मसीह को मरनो अकारत से।

गलातियो 6:14

पर असो नही होहे की मि आमरो पिरभु यीसु मसीह को कूरूस को अलावा कोनी अना गोस्टी पर गरब करुह, जेनको कन लक दुनिया मोरी नजर मा अना मि दुनिया को नजर मा कूरूस मा चघायो जाय चुकयो।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

तीतुस 1:2

अमर जीवन की ओना आसा मा जेकी परन परमेस्वर ना जोन झुठो नाहती जुनो जमाना लक करीसेस,

इब्रानियो 6:18

उ ऐना दुई नही बदलन वारा गोस्टी, मन्जे करिया अना करार, खोटो नही होय सकत। एकोलक अमी जोन परमेस्वर को सरनमा सेत। अमिला असो लगासेत का आमरो आस बिलकुल सही सेत।

1 योहन 5:10

जोन परमेस्वर को टूरा पर बिस्वास करासे उ आपरो मा गवाही राखासे। जेना परमेस्वर पर बिस्वास नही कियोसेस ओना ओला खोटो ठहरायीसेस, काहेका ओना ओनो गवाही पर बिस्वास नही करीन जोन परमेस्वर ना आपरो टूरा को बारे मा देयीसेस।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

परकासित वाक्य 3:7

“फिलोदिपिया को कलीसिया को सरगदूत ला यो लिख, उ जोन पवीतर अना खरो से।” अना जेनको जवर दाऊद की कुन्जी सेत। जोन असो किवाड़ उघाड़ा सेत जोनला कोनी बंद नही कर सका सेत। अना असो बंद करासे जोनला कोनी उघाड़ नही सका। उ असो कव्हसेत।