रोमियो 3:22 - सत मारग पर चलन वारो किताब

²² बिना भेद-भाव को परमेस्वर ना सबा बिस्वासी गिनको लाय, यीसु मसीह मा भरोसा ठेवनो लका परमेस्वर को न्यायीपन दरसायो गयो सेत।

रोमियो 3:22 ပူးပေါင်းရင်းမြစ်များ

लूका 15:22

पर वोना आपरो दास गीन ला कहीस, झटाक ना साजरो लक साजरो कपरा हेडके वोला पहनाव, अखीन वोको बोट मा मुन्दरी अना पायमा पनहि पहनवो।

पेरीत 11:12

तबा पवीतर आतमा न मोला उनको संग बिना-संका लक जावन लाई कहीस, अना ये छह भाऊ भी मोरो संग भय गईन, अना हमी वोना मानूस को घर गया।

पेरीत 15:9

येने परकार बिस्वास लक उनको पाप ला छिमा करके अना उनको मनला पवितर करयो अना उनको अना आमरो बिच कोनी भेद-भाव नही करयो।

पेरीत 3:16

काहेकी अमी यीसु को नाव मा भरोसा करासेजन। एकोलाय यो वोकोच नाव सेत जोन न यो लगंडा मानूस ला ताकत देइसेस, जोन ला तुमी चोवासेव अना वोला जानासेव वोला पाय मा ताकत देयि सेस जेनला तुमी चोय रही सेव। ओनाच बिस्वास लक जोन यीसु लक भेटासे, तुमी सब को पुढ़ा एने मानूस ला पुरो तरीका लक साजरो करीसेस।

रोमियो 1:17

साजरा बारता मा “परमेस्वर को नेकपन” जो सुरु लक आखीर तकन भरोसा पर टिकीसे, असो परगट भईसे, जसो का मोसे को नियम मा लिखीसे। “नेक मानूस बिस्वास लक जित्तो रहेत।”

रोमियो 10:12

अबा यहूदी अना गैर यहुदीमा काही भेद-भाव नही सेत, एको लाय उ सबको पिरभू सेत। अना आपरो सब नाव लेवन वारा पर दया करासेत।

रोमियो 10:4

काहे का यीसु मसीह सबच पिरकार लक कानून ला पूरो करासेत। अना हरेक भरोसा राखन वारा ला नेक रस्ता देवा सेत।

रोमियो 2:1

अगो मोरो संगीहुन! तुमी जोन गोस्टी मा दुसरो ला फैसला मा खोटो ठैयरावा सो, वोच काम तुमी करासेव, तुमी कोनी भी सेव तुमरो बहाना को कारन तुमिला कोनी सूट नाहती।

रोमियो 3:30

काहेका केवल एकच परमेस्वर से। जोन खतना कियो यहूदी गीन ला उनको भरोसा लक नेक ठहरायेति वसोच गैरयहुदी ला उनको भरोसा लक नेक ठहरायो सेत।

रोमियो 4:16

अना एकोलाय यो वादा बिस्वास को अधार मा होतो। जोनलक वादा ला सबा अबराहम को खानदान लाय, पक्को परमेस्वर को कन लक भेट दियो जाय। नाच केवल कानून ला मानन वाला लोकगिन लाय, बल्कि उन लोक गिनको लाय भी जोन अबराहम ला माना सेत। काहेका अबराहम सबा बिस्वासी गिनको दआजी आय।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

रोमियो 9:30

ता मंग अमी काजक कहबीन? अमी यो नतिजा मा पोहोचयो सेजन, का गैर यहुदीहुन, परमेस्वर को संग आपरो संबंध साजरा करन को कोसीस नही करत होतिन। मंग उनको बिस्वास को लक उनको संग सही संबंध होतो।

1 कुरिन्थियो 12:13

आमी यहूदी सेत चाहे गैर यहुदी सेत दास या मालीक आमी सब को सब एकच आतमा लक बप्तिस्मा लक एकच देह बन गयो सेत। आमी अब लक एकच आतमा दियो गयो सेत।

1 कुरिन्थियो 4:7

कोनना तुम्हिला दुसरो लक साजरो बनायो सेत? का परमेस्वर ना तुम्हिला सबा काही नही दियो सेत जो तुमरो जवर सेत? खरो सेत, मंग तुमी कसो घमंड करा सेव? असो, जसो का कोनी चीज दुसरो को दियो नाहती?

गलातियो 2:16

आमी जानसेजन से की मानूस मोसे को नियम लक नही पर मसीह यीसु पर भरोसा करनो लक धरमी ठहरायो जासे। यो काजी आमी ना भी मसिहा यीसु पर भरोसा करीसेजन की आमी मोसे को नियम को लक नही पर मसीह पर भरोसा करन लक धरमी ठहरबोन। काहेकि मोसे को नियम लक कोनी भी मानूस देह धरमी नही ठहरायो जाहे।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

गलातियो 3:22

पर पवितर गिरंथ ना सबच काही पाप को ताकत को कब्जा मा बँदी बनाय देइसेस, जोन लक यीसु मसीह मा कन लक भरोसा करनवारा भरोसा को साठी परन पूरो कियो जाय।

गलातियो 3:28

अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव।

इफिसियो 3:12

मसीह पर बिस्वास को काजी आमी परमेस्वर तकन भरोसा अना निडरपन को संगा पहुच राखासेजन।

फिलिप्पियो 3:9

मि ओनो धरमिपन लक मसीह मा पायो जाऊ जो मोसे को नियम लक नही पैदा होवासे पर मसीह पर बिस्वास करन लक मिलासे, मजे ओनो धारमिकता लक जो केवल भरोसा को साठी परमेस्वर लक मिलासे।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।

याकूब 2:23

अखीन पवितर गीरंथ को यो बचन पूरो होवासेत; “अबराहम ना परमेस्वर मा बिस्वास करीस, अना यो वोको लाय नेकी गीनो गयो अना वा परमेस्वर को संगी गिनो गयो।”