रोमियो 15:5 - सत मारग पर चलन वारो किताब

⁵ परमेस्वर च धिरज अना सान्ती को देवन वालो से। उ तुमी लोक गीनला असो बरदान देहे, का तुमी यीसु मसीह को सिक्सा को लक आपसी मा मेल-मिलाप को बिचार मा बढ़ावा बनाये राखो।

रोमियो 15:5 ပူးပေါင်းရင်းမြစ်များ

पेरीत 4:32

भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।

रोमियो 12:16

आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 15:3

यहाँन तकन का मसीह ना भी खुद ला खुस नही कियो होतो। बल्कि जसो मसीह को बारेमा गीरंथ कव्हअ सेत “उनको बेइज्जती जोनना तोरो बेइज्जती कियो सेत। मोरो पर आय गयो सेत।”

1 कुरिन्थियो 1:10

मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे।

2 कुरिन्थियो 13:11

एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।

2 कुरिन्थियो 7:6

पर परमेस्वर निरास लोक गिनला आस देवासेत। तबच तो तितुस को आवन मा अमीला चैन मिली।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

फिलिप्पियो 2:2

ता मोरो यो खुसी पूरी करो का एकच मन रव्हो, अना एकच माया, एकच चित, एकच मनसा एकच बिचार राखो।

फिलिप्पियो 3:16

जेना नाप तक आमी पहुच गयी सेजन ओनाच लक आचरन करबिन।

फिलिप्पियो 4:2

मि यूओदिया अना सन्तुखे दुही ला बिनती करासेऊ की वय पिरभु मा एक मन एक बिचार रव्हे।

1 पतरस 3:20

यानी नूह को बेरा मा हुकूम नहि मानयो। अना जबा परमेस्वर नोहा को दिवसात धीर धरत होता। अखिन जहाज बनावत होता। ता वय काही लोक मजे आठ लोक पूरा लक बच गयीन।

1 पतरस 3:8

निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा।

2 पतरस 3:15

यदी आमरो पिरभू आपरो धीरज धरके उसीर करासेत तर यो गोस्टी ला सूटकारा करन लाय मदत समजो, कारन आपरो चहेतो भाऊ पौलुस ना आपरो दियो गयो गियान को लक तुमीला लिख्यो सेत।

2 पतरस 3:9

काही लोक समजासेत। परमेस्वर आपरो करार पूरन करन्यास उसीर करन लाय नाही, पर आपरो साठी लोकां बद्दल सहनसील सेत। अना वोको इक्सा सेत का उतानी सर्वनास नका होय। परंतु हरेकाला पस्तावा करन लाय साठी बेरा मिल्हे।