रोमियो 13:7 - सत मारग पर चलन वारो किताब

⁷ एकोलाय हरेक को हक देव, जोनला जमा पटानो से, उनको जमा पटाओ, जोको लक डरानो जरुरी से, वोको लक डराव, जोनको आदर करनो से, वोको आदर करो।

रोमियो 13:7 ပူးပေါင်းရင်းမြစ်များ

मत्ती 17:25

पतरस ना कहीस हाँ देवासे, जबा पतरस घर मा आयो। तबा यीसु ना पयले समौन लक पूछिस “तोरो का राय से? धरती को राजा गीन बरगन कोन लक वसुलसे, आपरो लेकरा लक या परायो लक”

मत्ती 22:21

उनना वोला कहिन केसर को तबा उन लक कहीस जोन केसर, को से वोला केसर ला अना जोन परमेस्वर को से वोला परमेस्वर ला देव।

मरकुस 12:17

यीसु ना कहीस “जो कैसर को से, उ कैसर ला अना जो परमेस्वर को से, ओला परमेस्वर ला देव।” तबा वय ओको पर लगत अचंभा करन लगीन।

लूका 20:22

ता अबा सांग मोसे को नियम लक का अमीला राजा कैसर ला, जमा को सिक्का देवनो खरो, से का खोटो से?

लूका 20:25

तबा उ उनला कहीस, जोन राजा कैसर को सेत, उ राजा कैसर ला देव, अखीन जो परमेस्वर को, से वो परमेस्वर ला देव।

लूका 23:2

अना सबा असो दोस लगावन लगीन, का यो राजा कैसर ला जमा देवन लाय मना करासे, अखीन आपरो आप ला राजा कव्हासे, अना लोग लोक गीनला राजा को खिलाफ भड़कावसे।

रोमियो 12:10

भाऊ-भाऊ मा जसो पिरेम होवासे वसोच एक दूसरो लक पिरेम राखो, आपसी मा एक दूसरो को आदर करो। अना एक दूसरो लक बढ चढ़के करो।

रोमियो 13:6

यो च कारन सेत, का तुम्ही जमा पटावा सेव। काहेका हरेक अधिकारी परमेस्वर को काम करा सेत। अना आपरो करतब ला पूरो करा सेत।

इफिसियो 5:33

एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।

इफिसियो 6:5

हे नौकर गीन जसो तुमी मसीह को हुकूम मानसो, ओनो रिती लक डरात अना कापत बिनकपट को सच्चो मन लक उनको भी हुकूम मानोह जोन आँग को रितीलक तुमरो मालिक सेत।

1 तीमुथियुस 5:13

एको संग-संग वय घर-घर हिंडके आलसी होवनो सिकासेत अना बल्की आलसी नही पर बक-बक करात ब्यस्त रव्हसेती अखिन दुसरो को काम मा हात भी डाकासेत अना अन्याई गोस्टी बोलासेत।

1 तीमुथियुस 5:17

जोन सयानो साजरो इंतेजाम करासेत खास करके वय जोन बचन आयकावनो अना सिकावन मा महेनत करासेत दुई गुना मान-समान को कबील समझयो जाहे।

1 तीमुथियुस 6:1

जेतरा दास गीन गुलामी को जुआड़ी को खाल्या से वय अपरो आप मालिक को मोठो आदर को कबील समझना ताकी परमेस्वर को नाव अना सिक्सा की निन्दा नही होहे।

1 पतरस 3:7

असो च अरे नवरा हुन, तुमी आपरो बायको को संगा मा अक्कलवरी लकरव्हो वोला कमजोर समझ के ना उनको आदर करो। जिंदगी को सहयोगी वारिस मानो। जेनको लक तुमरी पिराथना मा विघन नोको पहुचेत।